Morgunn - 01.12.1980, Blaðsíða 44

138
MORGUNN
Horfði ég á þetta góða stund og hefði varla getað séð það
greinilegar um hábjartan dag. Ekki lýsti verulega af kross-
markinu, en samt var eins og léki einhver kynjabirta um það
í myrkrinu. Eg var þá fulltíða maður, þegar þetta bar mér
fyrir sjónir, og ekki hafði ég af þvi neinn beyg, enda laus við
alla myrkfælni á þeim árum.
Seinna sá ég við sömu aðstæður allmörg hvalrif með fjarska
einkennilegum myndskurði, og þótti mér þau standa upp við
vegg í herberginu. Ég var glaðvakandi, þegar þetta kom fyr-
ir, og gafst mér nægur tími til að virða hvalrifin fyrir mér.
Ekki var neitt þarna inni, sem liklegt var lil að koma slikum
„sjónhverfingum“ af stað.
Þá kom það lika fyrir mig, eftir að ég var búinn að slökkva
í herbergi mínu, að ég sá undarlega fleti í margs konar lit-
um og lýsti af þeim. Þetta var ákaflega fallegt og hafði
fjarska þægileg áhrif. Stundum stóðu þessar unaðslegu sýnir
i alllangan tíma, en aldrei hef ég orðið þeirra var siðan ég
veiktist.
Enn hefur það borið fyrir mig, að ég sæi ljóslifandi lands-
lag komið inn i stofu til mín, eftir að dimmt var orðið. Er
mér það minnistætt, að eitt sinn horfði ég glaðvakandi á fall-
andi foss, eins raunverulegan og væri hann úti í sjálfri nátt-
úrunni. 1 annað skipti sá ég inn í dalverpi með grænu grasi,
sem stóð mér svo lifandi fyrir sjónum, að ég gat virt mjög
gaumgæfilega fyrir mér hvert einstakt strá. Slíkum sýnum
fylgdi mikill unaður og oft var ég að hugleiða meðan á þeim
stóð, hvað allt væri þetta dásamlega raunverulegt. En aldrei
birtist mér slíkt landslag i stærra fleti en svo, að ég sæi yfir
það án þess að hreyfa mig. Þetta var m. ö. o. sú sjónvídd,
sem hentar málverki. Það fer aldrei vel á því að taka þar til
meðferðar stærra svið en hægt er að sjá yfir í einu lagi.
Ég var ekki ýkja berdreyminn fram eftir aldri, en á síðari
hluta ævinnar hefur mig oft dreymt drauma, sem hafa veitt
mér vitneskju um óorðna hluti. En það eru samt umfram
allt aðrir draumar, sem mér hafa fundist merkilegir og sér-
stæðir, þó að ég hafi látið ógert að ráða þá.