Morgunn - 01.12.1992, Qupperneq 39

morgunn
Á andlegu ferðalagi
málum. Ég fer aftur inn í stofu, næ þar í stóra möppu sem
inniheldur mikinn fjölda frásagna af miðilsfundum sem
ég hef farið á, eftir fund minn hjá Lynn. Ég fletti möpp-
unni af handahófi og aftast í henni kem ég niður á
blaðsíðu nr. 5 í frásögn þeirri er ég leitaði að, en þar segir
m.a.:
Lynn: „Um það bil tveimur árum héðan í frá bið ég þig
að muna mig um að segja ekki nei ef einhver biður þig að
segja eða tjá þig um reynslu þína í þessum (andlegum)
efnum. Segðu já, þótt þú hugsir sem svo að það getir þú
ekki."
Þessari bón lofaði ég að verða við og bregðast henni
ekki.
Er ég nú las þetta sá ég ekki betur en að mér væri
nauðugur kostur að ljúka við þennan „ferðapistil" því
annars væri ég að ganga á gefið loforð og það hefur mér
nú aldrei þótt góður kostur. Næsta dag hélt ég því áfram,
kátur 0g hress.
I þeirri von að þessar línur hafi orðið ykkur, lesendur
góðir, til einhvers gagns og fróðleiks, að þær hafi vakið
upp spurningar sem þið viljið leita svara við, læt ég þessu
lokið að sinni með ósk um að við hittumst heil í næstu
ferð.
Lifið heil í friði og kærleika.
37