Morgunblaðið - 20.02.2009, Blaðsíða 38

38 MenningFRÉTTIR
MORGUNBLAÐIÐ FÖSTUDAGUR 20. FEBRÚAR 2009
Ef ég á að vera alveg
hreinskilinn gerðu
þessi orð Þorgerðar mig bál-
reiðan …43
»
Eftir Bergþóru Jónsdóttur
begga@mbl.is
„ÞETTA er frábært dæmi um það hvernig
sendiráðin geta nýst í að kynna íslenska menn-
ingu,“ segir Nína Margrét Grímsdóttir, en
henni hefur verið boðið að halda tónleika í Sag-
restia del Borromini í Rómaborg föstudaginn
27. febrúar. Áður en hún leggur af stað til
Rómar heldur hún tónleika hér heima, í Saln-
um á þriðjudagskvöld kl. 20, og í Stykk-
ishólmskirkju á miðvikudagskvöld.
„Tónleikarnir eru liður í reglulegri tónleika-
röð í þessari kirkju, en hún er í miðborg Róm-
ar. Það er píanóleikari, Sebastiano Bruscho,
sem er listrænn stjórnandi tónleikanna, en
hann hefur átt samstarf við íslensku send-
iskrifstofuna á Ítalíu um að þarna kæmu ís-
lenskir flytjendur fram. Það er Sigurður
Bragason söngvari sem hefur stýrt samstarf-
inu, hann er vinur Sebastianos og bróðir
Guðna Bragasonar sendifulltrúa. Kynning-
arstarf hefur verið unnið af sendiskrifstofunni
og lögð áhersla á að hluti efnisskrárinnar væri
íslensk tónlist.“
Nína Margrét kveðst ætla að spila róm-
antísk verk, Sónötu í B-dúr K333 eftir Mozart,
tvö Næturljóð eftir Chopin og Rondo capric-
cioso op. 14 og Variations serieuses op. 54 eftir
Mendelssohn. En hvaða góðmeti íslenskrar
tónlistar fá Ítalir að heyra?
Þjóðleg og rómantísk íslensk verk
„Mér fannst alveg tilvalið að blanda Svein-
birni Sveinbjörnssyni og Páli Ísólfssyni við
Mendelssohn. Sveinbjörn og Páll lærðu í Leip-
zig, en Mendelssohn bjó þar og starfaði,“ segir
Nína, en verkin eru Idyll og Vikivaki eftir
Sveinbjörn og Burlesca, Intermezzo og Cap-
riccio eftir Pál, en þau standa saman í Þremur
píanóstykkjum op. 5. Verkin eru meðal elstu
og þekktustu verka íslenskra píanóbók-
mennta. „Þetta eru afskaplega aðgengileg
verk.“
Nína Margrét fær styrk úr Menntasjóði
Listaháskóla Íslands til Ítalíufararinnar.
Nína Margrét í Róm
Samstarf sendiráðsins og ítalsks tónleikahaldara
Nína Margrét Spilar í Róm en fyrst hér heima.
SKÚLPTÚR af listamanninum Da-
mien Hirst eftir spænska lista-
manninn Eugenio Merino hefur
vakið athygli á
ARCO-
listastefnunni
sem stendur nú
yfir í Madríd.
Skúlptúrinn
sýnir Hirst
beina byssu að
eigin höfði þar
sem má sjá
blóðuga holu
eftir byssukúlu.
Verkið á að vera vísun í verk
Hirst af demantshauskúpunni, For
the Love of God. Merino hefur
nefnt verk sitt 4 the Love of Go(l)d.
Merino segir að verðgildi verka
Hirst myndi aðeins hækka við
dauða hans. „Ég hugsaði að þar
sem hann hugsar svona mikið um
peninga yrði næsta verk hans að
skjóta sjálfan sig til þess að verð-
gildi verka hans myndi hækka
dramatískt,“ sagði Merino í viðtalið
við The Guardian. „Þetta er grín en
þetta er líka mótsagnakennt.“
Verk Merino er sett í sérstakan
glerkassa, svipaðan og Hirst fyllir
oft með formalíni og dauðum dýr-
um. Merino segir að margir haldi
að verkið þýði að hann hati Hirst
en raunin er að hann er mikill
aðdáandi. Fleiri verk Merino á sýn-
ingunni vísa í verk Hirst og öll hafa
þau selst.
Dauður Da-
mien Hirst
Verkið af Hirst.
MICHELLE Harrison fékk barna-
bókaverðlaun Waterstone í Bret-
landi fyrir ævintýrasöguna The 13
Treasures sem fjallar um unglings-
stúlku sem sér
álfa.
Þetta er fyrsta
bók hinnar 29 ára
Harrison sem
skrifaði fyrstu
kafla hennar þeg-
ar hún var við
nám í háskól-
anum í Stafford
árið 2002.
Waterstones
segir að bókin eigi eftir að slá í gegn
á þessu ári. Sarah Clarke yfirmaður
barnabókadeildar Waterstone segir
að bókin eigi eftir að heilla og
skemmta mörgum kynslóðum les-
enda. Hún hefur þegar verið seld til
fjöldamargra landa og hefur verið
líkt við klassísk ævintýri Grimms-
bræðra.
„The 13 Treasures er frumlegt
ævintýri og þú gleðst yfir að geta
ekki séð álfa. Harrison er frábær
nýr höfundur og ég mun fylgjast
með næstu bók hennar,“ segir Car-
oline Horn, ritstjóri The Bookseller.
Ný J.K.
Rowling?
Michelle Harrison
ÞRÆLKUN, þroski, þrá?
nefnist ljósmyndasýning sem
verður opnuð í Bogasal Þjóð-
minjasafns Íslands á morgun.
Á sýningunni verður úrval
ljósmynda sem sýna börn við
vinnu á sjó og á landi á árunum
1920-1950. Er sýningunni ætl-
að að vekja spurningar um
vinnumenningu og barnaupp-
eldi á Íslandi á 20. öld.
Samhliða sýningunni er gef-
in út bókin Afturgöngur og afskipti af sannleik-
anum eftir sýningarhöfundinn, Sigrúnu Sigurð-
ardóttur menningarfræðing. Sýningin stendur til
6. september.
Myndlist
Börn við vinnu
á sjó og landi
Sigrún
Sigurðardóttir
SALKA Valka, dansverk eftir
Auði Bjarnadóttur, verður
frumsýnt í meðförum Svölu-
leikhússins í dag í húsnæði
Hafnarfjarðarleikhússins.
Verkið er gert eftir sam-
nefndri sögu Halldórs Lax-
ness. Helstu hlutverk eru í
höndum Unnar Elísabetar
Gunnarsdóttur, Láru Stef-
ánsdóttur, Johanns Lindells og
Pontus Pettersen. Þann 8.
mars verður verkið svo sýnt á danshátíðinni Tanz-
welt í Braunschweig í Þýskalandi en það var frum-
sýnt á Listahátíð 2002 með Íslenska dans-
flokknum. Sýningar eru líka 28. feb. og 1. mars.
Dans
Salka Valka hjá
Svöluleikhúsinu
Auður
Bjarnadóttir
FÉLAG um átjándu aldar
fræði heldur málþing í tilefni
þess að á árinu eru liðnar tvær
aldir frá valdaskeiði Jörundar
hundadagakonungs á Íslandi.
Málþingið fer fram í fyr-
irlestrasal Þjóðarbókhlöðu, á 2.
hæð á morgun, laugardag, kl.
13.30 og lýkur um kl. 16.30.
Sigurður Líndal fjallar um
réttarstöðu Íslands 1809,
Bragi Þorgrímur Ólafsson
sagnfræðingur fjallar um Jörund í Íslandssög-
unni, Sveinn Einarsson, bókmenntafræðingur,
fjallar um Jörund í skáldskap og Anna Agnars-
dóttir, sagnfræðingur, um stjórnleysi og kúgun.
Sagnfræði
Jörundur hunda-
dagakonungur
Sigurður
Líndal
Eftir Ingveldi Geirsdóttur
ingveldur@mbl.is
NÝSTOFNAÐUR Hönnunarsjóður Auroru var kynntur í
gær. Sjóðurinn hefur úr 75 milljónum að spila næstu þrjú
árin og hefur það eina markmið að styrkja hönnun á Ís-
landi.
„Þetta eru mikil tímamót í umhverfi íslenskrar hönn-
unar. Það sem hefur háð greininni síðustu ár er að það
hefur vantað viðskiptaþekkingu og fjármagn. Það hefur
aldrei verið til neitt fjármagn sem hefur verið sérmerkt
hönnun og hvað þá svona styrktarsjóður,“ segir Þórey
Vilhjálmsdóttir framkvæmdastjóri Hönnunarmiðstöðvar
Íslands.
Sjóðurinn er angi út frá Aurora velgerðarsjóði sem hef-
ur það markmið að styrkja mannúðarmál, menntun og
menningu hérlendis og í tveimur Afríkuríkjum. Velgerð-
arsjóðurinn, sem var stofnaður að frumkvæði hjónanna
Ingibjargar Kristjánsdóttur og Ólafs Ólafssonar í Sam-
skipum árið 2007, setti 25 milljónir á ári í þrjú ár í hönn-
unarsjóðinn en verkefninu er ætlað að skjóta styrkum
stoðum undir íslenska hönnun með því að veita hönnuðum
fjárhagslega aðstoð til kynningar- og söluverkefna hér-
lendis og erlendis og styðja við bak efnilegra hönnuða og
vera vettvangur hugmynda og skapandi hugsunar í grein-
inni.
Lítill heimamarkaður heftandi
„Þetta á eftir að skapa gríðarlegan virðisauka í grein-
inni, það eru svo margir hönnuðir sem eru komnir með
mikla reynslu en það sem háir þeim er hvað heimamark-
aðurinn er lítill sem gerir það að verkum að hönnuðir eru
knúnir til að fara í útflutning snemma á ferlinum. Það er
mjög dýrt að hefja útflutningsferlið en þessi sjóður á eftir
að breyta þessu umhverfi tölvert. Hann mun líka ýta und-
ir nýsköpun í greininni. Það hefur mikil áhrif að fá 75
milljónir inn í hönnunargeirann, það mun augljóslega
skila sér. Því hönnun er á þeim stað núna á Íslandi að það
eru svo margir aðilar sem geta gert það svo gott með því
að fá smávegis aðstoð. Það eru rosalega fá fyrirtæki starf-
andi sem eru komin yfir það að vera kölluð grasrót,“ segir
Þórey sem telur sjóðinn vera mikla traustsyfirlýsingu á
greinina.
„Stjórn Auroru veðjar á að í þessum geira muni eiga
sér stað mikill vöxtur á næstunni og vill taka þátt í því.
Þarna skilar sér samstaða hönnuða, sem varð til þess að
Hönnunarmiðstöðin var stofnuð, og fólk sér tækifærin
þannig að ég er sannfærð um að þessi sjóður eða annar
sambærilegur muni starfa áfram eftir þrjú ár,“ segir Þór-
ey og bætir við að kannski verði þetta fjármagn til þess að
hönnun bjargi Íslandi upp úr efnahagslægðinni. „Það hef-
ur verið nefnt við okkur að hönnun sé ein af þeim greinum
sem eiga eftir að byggja upp ímynd okkar aftur og von-
andi líka efnahaginn. “
Fjármagn sérmerkt hönnun
 Nýr sjóður til styrktar íslenskri hönnun kynntur í gær  Veitir 25 milljónir
á ári í þrjú ár  Ætlað að skjóta styrkum stoðum undir íslenska hönnun
Morgunblaðið/Golli
Aurora Ingibjörg Kristjánsdóttir, stjórnarformaður hönnunarsjóðs Auroru, Þórey Vilhjálms-
dóttir framkvæmdastjóri og Hlín Helga Guðlaugsdóttir framkvæmdastjóri.
„Það verður tekið við umsóknum allt ár-
ið en við miðum við að úthluta þrisvar
til fjórum sinnum ári. Það er gert til að
við höfum ákveðinn sveigjanleika og
getum brugðist skjótt við því sem er að
gerast,“ segir Hlín Helga Guðlaugsdóttir
framkvæmdastjóri sjóðsins.
„Sjóðnum er ætlað að styrkja og efla
hönnun á Íslandi með beinum styrkjum
til hönnuða. Það er markmið hjá okkur
að styrkja frekar færri en fleiri í einu
svo upphæðin í hvert skipti verði veg-
leg.“
Spurð út í forsendurnar fyrir úthlutun
segir Hlín að þær geti verið misjafnar.
„Þetta er verkefnadrifið en við sjáum
fyrir okkur að styrkurinn sé eitthvað
sem skiptir viðkomandi miklu máli og hafi
eitthvað að segja um vinnuferli hans,“ segir
Hlín. „En annars ætlum við að horfa á alla
flóruna því hönnun á Íslandi er svo ungt fag.
Hvert verkefni fyrir sig verður metið. Það
geta allir fagmenntaðir hönnuðir sótt um en
markmiðið er að sjóðurinn geti komið inn
með stuðning sem skiptir máli fyrir viðkom-
andi til að koma sér á framfæri.“
Hönnunarsjóður Auroru er tilraunaverk-
efni til þriggja ára eins og komið hefur fram
og segir Hlín engin bein áform um framhald
að svo stöddu. „Von okkar allra er að þetta
geti haldið áfram því það hefur aldrei áður
verið til sjóður sem miðar beint að hönnun.
Sjóðurinn ætlar að renna undir þessa grein
enn faglegri stoðum með þessu fjármagni.“
Úthlutað úr sjóðnum nokkrum sinnum á ári