Morgunblaðið - 26.08.2009, Blaðsíða 6

6 FréttirINNLENT
MORGUNBLAÐIÐ MIÐVIKUDAGUR 26. ÁGÚST 2009
Eftir Magnús Halldórsson
magnush@mbl.is
ÍSLANDSBANKI hyggst leiðrétta
höfuðstól húsnæðislána heimila í er-
lendri mynt og einnig hefðbundin
verðtryggð húsnæðislán. Þetta stað-
festi Birna Einarsdóttir, bankastjóri
Íslandsbanka, í samtali við Morgun-
blaðið í gær.
Höfuðstóll lána í krónum, sem
bundinn er við erlenda mynt, hefur
hækkað gríðarlega samfara gengis-
falli krónunnar skömmu fyrir og eft-
ir hrun bankanna í október í fyrra.
Ekki liggur fyrir enn hversu mikið
höfuðstóll húsnæðislána verður
lækkaður. „Við [hjá Íslandsbanka
innsk. blm.] höfum verið að leita
lausna á þeim skuldavanda sem
heimili og fyrirtæki eru í. Við höfum
verið að vinna að lausn, sem byggist
á leiðréttingu höfuðstóls erlendra
húsnæðislána og verðtryggðra hús-
næðislána, í skiptum fyrir það að
fara í óverðtryggðar íslenskar krón-
ur. Nú erum við komin með efna-
hagsreikning bankans og sjáum
hvaða svigrúm við höfum. Ég er ekki
tilbúin til að segja til um hversu mik-
il leiðréttingin verður, þar sem
vinnunni er ekki lokið,“ segir Birna.
Bjartsýn á lausn skattamála
Meðal þess sem ekki hefur enn
fengist niðurstaða í er hvernig
skattahlið niðurfellingar á lánum
verður háttað. Íslandsbanki hefur
átt í viðræðum við skattayfirvöld og
stjórnvöld vegna þess, að sögn
Birnu. Samkvæmt lögum, eins og
þau eru nú, þyrfti lántakandi að
greiða skatt af niðurfellingunni.
Birna segist hafa trú á því að farsæl
lausn fáist í það mál, þ.e. að óþarft
verði að greiða skatt verði höfuðstóll
lána lækkaður. „Það á eftir að fá nið-
urstöðu í þau mál, hvort hugsanleg
niðurfelling skulda verður skatt-
skyld. Ef svo er þá er nú betra heima
setið. Ég tel að það sé gríðarlega
mikilvægt að það náist samfélagsleg
sátt um þessar aðgerðir. Fjármála-
stofnanir þurfa óhjákvæmilega að
vinna sameiginlega að vissum hlut-
um. Aðgerðirnar þurfa því að vera
samræmdar, a.m.k. upp að vissu
marki.“
Samkvæmt heimildum Morgun-
blaðsins hefur það komið til umræðu,
hjá stjórnvöldum og fjármálastofn-
unum, að höfuðstóll húsnæðislána í
erlendri mynt verði lækkaður til
jafns við ákveðna fasta gengisvísi-
tölu, til að halda samræmi á milli
fjármálastofnanna. Óljóst er þó
hvernig slíkt yrði framkvæmt þar
sem staða á milli banka og sparisjóða
getur verið mismunandi, þ.e. svig-
rúmið til afskrifta á lánum.
Höfuðstóll lækkaður
og lánum verður breytt
Íslandsbanki vinnur að útfærslu á leiðréttingu höfuðstóls
Morgunblaðið/RAX
Íbúðir Niðursveifla á fasteignamarkaði hefur verið mikil á sama tíma og höfuðstóll húsnæðislána hefur hækkað.
FRÉTTASKÝRING
Eftir Ingibjörgu B. Sveinsdóttur
ingibjorg@mbl.is
EKKI er útilokað að nafn ein-
staklings í greiðsluaðlögun verði á
vanskilaskrá í allt að fjögur ár eins
og tíðkast um nauðasamninga fyr-
irtækja. Þetta segir Rakel Sveins-
dóttir, framkvæmdastjóri Láns-
trausts.
„Í gegnum árin hefur vanskila-
skráin birt nauðasamninga fyrir-
tækja. Núna eru nauðasamningar
einstaklinga að verða til í fyrsta
sinn. Okkar lögmenn eru að fara yfir
þær heimildir og reglur sem gilda
um hvað okkur ber að birta og hvað
ekki í framhaldi af því. Það er verið
að skoða hvort meðhöndla eigi
nauðasamninga einstaklinga eins og
nauðasamninga fyrirtækja,“ segir
Rakel.
Þegar héraðsdómur hefur sam-
þykkt greiðsluaðlögun fer í gang
hefðbundið ferli, að því er Rakel
greinir frá. „Allir sem fara í
greiðsluaðlögun fara á vanskilaskrá
um leið og auglýsing um hana hefur
birst í Lögbirtingablaðinu. Auglýs-
ingin er til þess að tryggja að kröfu-
hafar sendi inn kröfulýsingu á því
sem viðkomandi skuldar þeim.“
Rakel segir starfsmenn Láns-
trausts hafa orðið vara við að al-
menningur fái ekki nægar upplýs-
ingar um hvaða úrræði séu í boði
auk þess sem einstaklingar fái mjög
misvísandi upplýsingar.
„Þess vegna er hætta á að ýmis at-
riði komi þeim í opna skjöldu. Sumir
tala við þjónustufulltrúa eða fjár-
málaráðgjafa. Aðrir tala við lög-
menn eða Ráðgjafarstofu heimilanna.
Það fá ekki allir samskonar aðstoð og
fólk er mismunandi vel að sér um
hvaða leiðir eigi að fara. Þar af leið-
andi er hætta á að jafnræði muni ekki
ríkja. Ég held að almenningur geri
sér ekki grein fyrir því að afskriftir af
skuldum eru þegar hafnar,“ segir
Rakel.
Hún getur þess að úrskurðurinn
frá héraðsdómi um greiðsluaðlög-
unina geti verið á ýmsa vegu. „Kröf-
urnar eru ýmist afskrifaðar að fullu
eða að hluta. Það eru einnig dæmi um
að nauðasamningar séu ekki stað-
festir.“
Rakel telur að kröfuhafar átti sig
heldur ekki á ferlinu. „Staðfesting á
nauðasamningum getur falið í sér að
skuldir hjá sumum lánveitendum séu
felldar niður en ekki öðrum. Ef við
eigum að koma í veg fyrir að deilt
verði um þessi mál í framtíðinni er
það grundvallaratriði að allir geri sér
grein fyrir því hvað úrræðið felur í
sér.“
Mögulega á vanskilaskrá í fjögur ár
 Lögmenn Lánstrausts skoða hvort meðhöndla eigi nauðasamninga einstaklinga eins og nauðasamn-
inga fyrirtækja  Framkvæmdastjórinn segir aðstoðina vegna greiðsluerfiðleika mjög misjafna
Þeir sem fara í greiðsluaðlögun
fara á vanskilaskrá um leið og
auglýsing um hana hefur birst í
Lögbirtingablaðinu. Óvissa ríkir
um hversu lengi menn eiga að
vera á skránni.
Morgunblaðið/Ásdís
Nauðasamningar Allir sem fara í greiðsluaðlögun fara á vanskilaskrá.
» Nauðasamningar
vegna greiðslu-
aðlögunar eru við-
bótarkafli við lögin
um gjaldþrotaskipti.
» Yfir 200 manns hafa
sótt um greiðsluað-
lögun.
ÞEIM sem
skulda enn fyrir
mataráskrift frá
síðasta skólaári
verður ekki gert
kleift að byrja í
mataráskrift á
nýju skólaári fyrr
en búið er að
semja um eða
greiða upp eldri
skuldir.
Þetta kemur fram í bréfi frá fjár-
málastjóra menntasviðs sem sent
var grunnskólum í Reykjavík. Voru
skólarnir beðnir að senda þessar
upplýsingar til foreldra nemenda.
„Auðvitað hefur verið skorað á
foreldra að greiða skuldir sínar. En
það er algjörlega ljóst að við gerum
allt sem við getum til þess að börnin
í grunnskólunum fái mat. Það er
engin harka í því,“ segir Ragnar
Þorsteinsson, fræðslustjóri Reykja-
víkur.
Ragnar segir að innheimtan
vegna mataráskrifta síðastliðið vor
hafi ekki verið slakari en undanfarin
ár. „Við sáum enga aukningu á van-
skilum í fyrravetur miðað við fyrri
ár, meira að segja miðað við árið
2007.“
Að sögn Ragnars liggur ekki fyrir
hversu margir foreldrar skulda enn
fyrir mataráskrift barna sinna frá
því í fyrravor. „Fólk er að koma úr
sumarfríi og fer að greiða skuldir
sínar frá því í vor.“
Mánaðargjald vegna matar-
áskriftar er nú fimm þúsund kr.
samkvæmt gjaldskrá borgarráðs og
er greitt eftir á. Ekki þarf að greiða
með fleiri börnum en tveimur á
hverju lögheimili.
Hafi skuld vegna mataráskriftar
ekki verið greidd 10 dögum eftir ein-
daga fer hún í milliinnheimtu, að því
er Jón Ingi Einarsson, fjármála-
stjóri menntasviðs, greinir frá.
ingibjorg@mbl.is
Sagt að semja um
eldri skuld til að fá
nýja mataráskrift
Ragnar
Þorsteinsson
Allt gert til að grunnskólabörn fái mat
Verði ákveðið að lækka höfuð-
stól gengistryggðra lána miðað
við vísitöluna 175, og þeim síð-
an breytt yfir í óverðtryggð lán í
krónum, lækkar höfuðstóllinn
um rúmlega 35 prósent í 26
milljónir. Sé miðað við vísitöl-
una 195 nemur lækkunin 22
prósentum. Það jafngildir því að
höfuðstóll láns upp á 40 millj-
ónir lækki niður í rúmlega 31
milljón króna.
Mikil breyting