Morgunblaðið - 26.08.2009, Blaðsíða 9

Fréttir 9INNLENT
MORGUNBLAÐIÐ MIÐVIKUDAGUR 26. ÁGÚST 2009
LAGERSALA 50-70% AFSL.
Max Mara, Hverfisgötu 6, 101 Reykjavík, sími 562 2862
FRÁBÆR BUXNASNIÐ
FALLEGAR SVARTAR OG DÖKKBLÁAR GALLABUXUR
EINNIG KLASSÍSKAR SVARTAR OG BRÚNAR,
SPARI- OG VINNUBUXUR
MÖRG SNIÐ – 2 SÍDDIR
Tískuvöruverslunin Vera
Vorum að fá sendingu frá Olsen
buxur, peysur og bolir
Tískuvöruverslunin Vera
Laugavegi 49 - Sími 552 2020
LOKA - ÚTSÖLULOK
25% AUKAAFSLÁTTUR
AF ÚTSÖLUVÖRUM
Skeifan 11d • 108 Reykjavík • sími 517 6460 • www.belladonna.is
Opið mán.-fös. kl. 11-18, lau. kl. 11-15
FRÉTTASKÝRING
Eftir Skúla Á. Sigurðsson
skulias@mbl.is
„LÝSING hefur þróað með sér þá
aðferð að líta á alla sem glæpamenn
og beita mikilli hörku,“ segir Sigþór
Ari Sigþórsson verkfræðingur.
Hann kveðst hafa reynslu af öðrum
fjármögnunarfyrirtækjum og þar
viðgangist ekki sú harka sem Lýsing
beiti. Þau komi til móts við viðsemj-
endur og leitist við að veita þeim
svigrúm til að standa skil á skuldum.
Tveir aðrir viðmælendur bera mis-
kunnarleysi fyrirtækisins vætti og
væna fyrirtækið um óheiðarleg
vinnubrögð og blekkingar. Þá telja
þeir óhæft að á sama tíma og Lýsing
hafi mælt með fjármögnun í erlendri
mynt hafi eigendur fyrirtækisins í
Existu tekið afstöðu gegn krónunni.
„Það vekur furðu að menn sem eiga
stóran þátt í þessu hruni hér skuli
óáreittir fá að níðast á fyrirtækjum
og fólki í gegnum Lýsingu.“ Tví-
menningarnir sáu sér ekki fært að
koma fram undir nafni og báru við
að það gæti haft áhrif á yfirstand-
andi samningaviðræður við Lýsingu.
Sigþór Ari er framkvæmdastjóri
Klæðningar en Lýsing hefur leyst til
sín fjölda vinnutækja fyrirtækisins
vegna greiðsluerfiðleika. Hann segir
það hafa verið gert án alls samráðs
og þrátt fyrir munnlegt samkomulag
um greiðslufrest. „Það er ekki hægt
að treysta orði sem kemur frá þeim,
samvinnan er engin og skilningurinn
er enginn,“ fullyrðir Sigþór.
Hann kveðst ítrekað hafa bent Fjár-
málaeftirlitinu á háttsemi Lýsingar
á ýmsum sviðum. Meðal annars hafi
hann viðrað grunsemdir um að fyr-
irtækið komi vinnuvélum undir önn-
ur fyrirtæki og hyggist keyra Lýs-
ingu í þrot og koma þannig
verðmætum undan.
Hafnar ásökununum alfarið
„Ég hafna þessu algerlega,“ segir
Halldór Jörgensson, forstjóri Lýs-
ingar hf. „Við gerum allt sem við
mögulega getum til að þurfa ekki að
taka tæki til okkar.“ Hann segir fyr-
irtækið beinlínis tapa á að leysa inn
vélarnar vegna þess hluta sem ekki
fæst greiddur og því reyni þeir að
forðast það í lengstu lög.
Halldór vísar því einnig alfarið á
bug að fyrirtækið beiti blekkingum,
gangi á bak orða sinna eða brjóti lög
í starfi sínu. Hann segist hafa skiln-
ing á að fólk sé ósátt en leggur
áherslu á að langflestir þeirra við-
skiptavina sem komi heiðarlega
fram sleppi við langtímatjón.
Um það hvort framkoma Lýs-
ingar við skuldara sína sé frábrugðin
aðferðum sams konar fyrirtækja vill
Halldór ekki tjá sig, hann þekki ekki
til utan Lýsingar. Hann segir að-
stöðu Lýsingar þó ólíka stöðu ann-
arra fjármögnunarfyrirtækja sem
öll hafi einhvern ríkisbankanna að
baki sér. Lýsing standi aftur á móti
ein og óstudd og þurfi að standa í
skilum við sína eigin lánardrottna.
Svigrúm fyrirtækisins til tilslakana
sé því minna en ella.
Lýsing sökuð um
miskunnarleysi
Forstjóri Lýsingar hf. segir svigrúm til tilslakana takmarkað
„MENN hafa kvartað yfir því að það væru notaðar aðrar aðferðir hjá Lýs-
ingu en hjá öðrum fjármögnunarfyrirtækjum,“ segir Jón Bjarni Gunnars-
son, aðstoðarframkvæmdastjóri Samtaka iðnaðarins.
Hann segir þó að talsmenn fyrirtækisins hafi gert samtökunum grein
fyrir ástæðum þess með fullnægjandi hætti; erlend fjármögnun sníði Lýs-
ingu þröngan stakk. Fleiri kvartanir hafa borist yfir Lýsingu en öðrum, en
Jón segir fyrirtækið ekki fara út fyrir þær heimildir vegna vanskila sem
lög veita því.
Hafa útskýrt kvartanir fyrir SI
Innleystar Gröfur, malarvinnslutæki, lyftarar og steypubílar sem Lýsing hefur leyst til sín við Hafnarfjarðarhöfn.
Lýsingu hf. er borið á brýn að
sýna enga miskunn þegar
skuldunautar lenda í vanskilum
og beita þá bolabrögðum.
Eftir Skúla Á. Sigurðsson
skulias@mbl.is
FASTANEFND dómsmálaráðu-
neytis um happdrættismál vinnur nú
að endurskoðun laga um happdrætt-
ismál, getraunir, fjárhættuspil og
veðmálastarfsemi hér á landi. Meðal
þess sem til skoðunar er mun vera
lagarammi auglýsinga á fjárhættu-
spilum, en slíkar auglýsingar frá er-
lendum fyrirtækjum hafa verið
nokkuð áberandi í íslenskum fjöl-
miðlum að undanförnu.
Í nýlegum hæstaréttardómi um
auglýsingu á vefsetri þar sem leika
má fjárhættuspil kvað dómurinn að
ekki væri hægt að beita ákvæði sem
bannar auglýsingar fjárhættuspila
gegn erlendum fyrirtækjum af þeirri
ástæðu að starfsemin væri ekki rek-
in hérlendis. Að starfsemin væri
ólögleg hér á landi var ekki talið hafa
áhrif.
„Markmið ákvæðisins er að banna
auglýsingar á hvers konar happ-
drættis- og verðmálastarfsemi sem
hefur ekki tilskilin leyfi samkvæmt
happdrættislögum, hvort sem sú
starfsemi er innlend eða erlend,“
segir Eyvindur G. Gunnarsson, lög-
fræðingur og formaður nefndar
dómsmálaráðuneytisins. Ljóst sé að
miðað við dóminn þjóni ákvæðið ekki
því markmiði.
Eyvindur segir að setja verði lög
sem auðveldi að framfylgja banni við
auglýsingum á happdrættis- og veð-
málastarfsemi sem starfar ekki sam-
kvæmt opinberum leyfum hvort sem
er hér á landi eða erlendis. Niður-
staða dómsins sé að sérstaklega
þurfi að taka á því í lögunum hvar
viðkomandi fyrirtæki starfar. Kveð-
ur hann að tekið verði tillit til þess
við endurskoðun laganna.
Lagarammi
fjárhættuspila
endurskoðaður
Þrengt að auglýsingum um fjárhættuspil
Spil Póker, Rommí og Ólsen sætir
hömlum séu peningar í spilinu.
VARÐSKIPIÐ Týr er nú á heimleið
frá Noregi en þangað var lagt af stað
15. ágúst með prammana Mikael og
Gretti, að því er segir í fréttatilkynn-
ingu frá Landhelgisgæslunni. Nú er
varðskipið á heimleið.
„Ístak efh. hafði samband við
Landhelgisgæsluna í maí til að at-
huga hvort hún gæti dregið dýpk-
unarpramma til Noregs vegna hugs-
anlegs verkefnis þar. Ístak var að
skoða málið vegna útboðs á hafn-
arframkvæmdum í Stamsund á
Lofoten í Noregi,“ segir í tilkynning-
unni.
„Landhelgisgæslan tók vel í er-
indið og vildi gjarnan aðstoða við
þetta verkefni ef það hentaði henni,
m.a. í tengslum við gæslustörf. Strax
var tekið fram af hálfu Landhelg-
isgæslunnar að hún mundi aðeins
taka að sér verkefnið ef enginn inn-
lendur aðili gæti sinnt því.“ Notað
hafi verið tækifærið til að senda
varðskipið í Síldarsmuguna og
minna á réttindi Íslendinga þar.
Einnig hafi Landhelgisgæslan feng-
ið töluverðar greiðslur fyrir aðstoð-
ina og um leið getað aðstoðað ís-
lenskt fyrirtæki í að afla sér
verkefna erlendis.
Varðskipið Týr dró tvo
pramma fyrir Ístak til Noregs
Nýttu tækifærið til að minna á rétt Íslendinga í Smugunni
Morgunblaðið/Sverrir
Gæslan Varðskipið Týr var endurbætt mikið fyrir nokkrum árum.