Morgunblaðið - 26.08.2009, Blaðsíða 8

Sigurður G. Guðjónsson hrl. kom
fram með þá tillögu um helgina
að lántakendur miðuðu afborg-
anir sínar við upphaflega
greiðsluáætlun. Árni Páll segist
ekki ætla að hvetja fólk til slíkra
aðgerða en sé einhver óvissa
uppi sé sjálfsagt að láta á það
reyna fyrir dómstólum. „Ég hvet
fólk ekki til að grípa til ör-
þrifaráða. Við vitum að ástandið
er erfitt og fjöldi fólks að lenda í
vanskilum. Grundvallarreglan
hlýtur alltaf að vera að halda
lánum í skilum og forðast
óþarfa kostnað. Við höfum grip-
ið til aðgerða til að auðvelda
fólki þetta og náð að halda
fjölda gjaldþrota í horfinu,“ seg-
ir Árni Páll.
Engin örþrifaráð
8 FréttirINNLENT
MORGUNBLAÐIÐ MIÐVIKUDAGUR 26. ÁGÚST 2009
Eftir Björn Jóhann Björnsson
bjb@mbl.is
ÁRNI Páll Árnason félagsmálaráð-
herra segir mörg rök vera fyrir því
að setja þurfi sterkan almennan
lagaramma utan um leiðréttingu
eða afskriftir á íbúðalánum, líkt og
bankarnir hafa verið að skoða.
Bæði þurfi löggjöfin að greiða
fyrir þessum aðgerðum en um leið
að tryggja jafnræði lántakenda,
þannig að tekið sé á sambærilegum
málum með sambærilegum hætti,
hvort sem er innan sömu lána-
stofnunar eða á milli lánastofnana.
„Markmiðið hlýtur að vera það
að koma út úr kerfinu þessari gríð-
arlegu skuldsetningu, sem í reynd
er töpuð þó að minna sé af henni
hjá Íbúðalánasjóði þar sem erlend
lán hafa ekki verið í boði og höml-
ur verið á hámarkslánum. Við
þurfum að búa til almenna um-
gjörð þannig að þessar aðgerðir
verði ekki settar
í vald hvers fjár-
málafyrirtækis
um sig,“ segir
Árni Páll.
Hann segir
nauðsynlegt að
ná meira sam-
ræmi á milli
skuldsetningar,
eignastöðu og
greiðslugetu.
Það sé ekki hægt með almennri
flatri lækkun skulda.
„Þá lækkum við ekki nóg hjá
þeim sem skulda mest og við lækk-
um að óþörfu hjá þeim sem hafa
fullnægjandi eignir og greiðslugetu
til að geta staðið í skilum. Ef menn
eru sammála um að koma skuld-
setningu samfélagsins, jafnt heim-
ila og fyrirtækja, í eðlilegt horf
miðað við þá verðmætasköpun,
greiðslugetu og eignastöðu sem
raunverulega er að baki, þá verður
að horfa á hvert og eitt tilvik,“ seg-
ir ráðherra.
Aðspurður segist hann ekki hafa
skipt um skoðun varðandi afskrift-
ir skulda. Hann hafi alltaf talað
fyrir því að laga greiðslubyrði fólks
og fyrirtækja að greiðslugetu og
eignastöðu. Stjórnvöld hafi verið
að finna leiðir til þess, m.a. með
greiðsluaðlöguninni, og sú hugsun
hafi síðan verið útfærð með al-
mennum lagaheimildum, sem
bankarnir séu nú að nýta sér.
Starfshópur skilar tillögum
Árni Páll skipaði á dögunum
starfshóp sem ætlað er einmitt að
endurskoða löggjöf varðandi úr-
ræði fyrir skuldsett heimili. Er
hópnum ætlað að skila tillögum áð-
ur en haustþing kemur saman.
Árni Páll reiknar með að starfs-
hópurinn komi með innlegg í um-
ræðuna um aðgerðir banka og
stjórnvalda.
Setja þarf lagaramma
 Félagsmálaráðherra telur almenna flata skuldalækkun ekki koma til greina
 Samræmi þurfi að vera á milli skuldsetningar, eignastöðu og greiðslugetu
Árni Páll
Árnason
VINIRNIR Hilmar Örn Þráinsson og Benedikt
Bjarni Níelsson nýttu sér lága vatnsstöðu í
Rauðavatni til að bregða sér út í það á reiðfákum
sínum. Þeir þurftu þó ekki að sundríða því fák-
arnir eru úr málmum góðum og héldu þeim vel
upp úr svo enginn vöknaði.
Í dag er spáð skúrum eða dálítilli rigningu
sunnan til þannig að spurning er hvort lítið vatn
verður áfram í Rauðavatni. sia@mbl.is
Á REIÐFÁKUM Í RAUÐAVATNI
Morgunblaðið/Kristinn
Eftir Guðna Einarsson
gudni@mbl.is
NÝR vegur þvert yfir Melrakka-
sléttu, svonefnd Hófaskarðsleið,
verður væntanlega tekinn í notkun
næsta haust ef allt gengur eftir áætl-
unum, að sögn Gunnars Gunnarsson-
ar aðstoðarvegamálastjóra. Vegur-
inn mun stytta leiðina milli Kópa-
skers og Þórshafnar. Þessum vegi
mun svo tengjast nýr vegur til Rauf-
arhafnar.
„Vegurinn er nú að mestu upp-
byggður, en ekki búið að leggja
bundið slitlag,“ sagði Gunnar um
Hófaskarðsleiðina.
Deilt um vegstæðið á kafla
Deilur hafa staðið um legu vegar-
ins þar sem hann tengist Norðaust-
urvegi sunnan við Kópasker. Gunnar
sagði að þær hafi tafið verkið. Hæsti-
réttur ógilti 19. mars sl. eignarnám
Vegagerðarinnar á landi og jarðvegi
í landi Brekku í Núpasveit vegna
nýja vegarins. Vegagerðin kynnti
fyrirhugaða breytingu á veglínunni
(162) á 1,7 km kafla hinn 3. júní sl.
Skipulagsstofnun taldi að veglína 162
myndi hafa sjónræn áhrif á landslag
og á votlendi og ákvað að hún skyldi
vera háð mati á umhverfisáhrifum.
„Við höfum kært þann úrskurð
Skipulagsstofnunar til umhverfis-
ráðherra,“ sagði Gunnar.
Hann sagði að upphafleg leið um
land Brekku hafi verið valin af veg-
tæknilegum ástæðum. Eigendur
jarðarinnar voru mótfallnir þeirri
leið. Að Brekku liggja lönd Kata-
staða og Presthóla. Síðarnefndu
jarðirnar voru ríkisjarðir og beiti-
land þeirra, annað en tún, í óskiptri
sameign. Í millitíðinni voru Kata-
staðir síðan seldir einkaaðila. Gunn-
ar sagði það ekki hafa einfaldað mál-
ið. Nýja veglínan númer 162 liggur
rétt sunnan við landamerki Brekku
og í landi Presthóla og Kataness.
Gunnar taldi líklegt að sátt yrði um
þessa veglínu við landeigendur.
Hófaskarðsleið líklega opnuð næsta haust
Morgunblaðið/Golli
Melrakkaslétta Nýi vegurinn, svonefnd Hófaskarðsleið, mun greiða leiðir
milli þéttbýlisstaða á Melrakkasléttu og að flugvellinum á Raufarhöfn.
Tillaga komin að nýrri veglínu í stað kafla sem deilur stóðu
um milli Vegagerðarinnar og landeigenda Brekku
 




        

 


 
  

 
   
















 


  

 !

 !

  

 


   

 EMBÆTTI land-
læknis og sótt-
varnalæknis und-
irbúa nú bólu-
setningu við
svínaflensunni og
svonefndir
áhættuhópar
fólks munu fá
slíka bólusetn-
ingu ókeypis. Að
sögn Haraldar Briem sóttvarna-
læknis er verið að skilgreina áhættu-
hópana nánar en það ræðst af þróun
faraldursins hér á landi. Búist er við
að bólusetningar hefjist í lok sept-
ember eða byrjun október. Á sama
tíma mun fara fram bólusetning
gegn árstíðabundinni inflúensu.
Bóluefni við svínaflensu berst í
lotum til landsins og vonast sótt-
varnalæknir til að allt bóluefni sem
pantað hefur verið, um 300 þúsund
skammtar, verði komið til landsins
um eða upp úr áramótum. Fram-
leiðsla á bóluefni við flensunni er
skammt á veg komin, að sögn Har-
aldar, en reiknað er með að bólusetja
þurfi hvern og einn sjúkling tvisvar
með mánaðarmillibili.
„Allar þjóðir standa frammi fyrir
því að þurfa að forgangsraða bólu-
setningum og mest áhersla er lögð á
að þeir fái fyrst bólusetningu sem
eru með undirliggjandi sjúkdóma,“
segir Haraldur og nefnir þar m.a.
hjarta- og lungnasjúkdóma, ónæmis-
bælingu og þá sem þarf að vernda
sérstaklega, s.s. þungaðar konur og
starfsmenn sem sinna sjúkum.
Haraldur reiknar með að bráða-
birgðatilhögun á bólusetningu liggi
fyrir um næstu mánaðamót.
bjb@mbl.is
Áhættu-
hópar fá
ókeypis
Haraldur Briem
Undirbúa bólusetn-
ingu við svínaflensu
Reuters
Bólusetning Forgangsraðað verð-
ur í bólusetningu gegn svínaflensu.