SunnudagsMogginn - 10.01.2010, Blaðsíða 7
10. janúar 2010 7
Enda þótt Jermaine Beckford hafi
stolið fyrirsögnunum og Patrick Kis-
norbo snýtt rauðu áttu flestir ef ekki
allir leikmenn Leeds United leik lífs
síns á Old Trafford. Af þessum vitn-
isburði að dæma er liðið stríðmannað.
Athygli vekur að það hefur orðið til á
allra síðustu árum. Danski markvörð-
urinn Casper Ankergren hefur verið hjá fé-
laginu síðan 2007 en af varnarlínunni komu
þrír til Leeds á síðasta ári, Richard Naylor
fyrirliði, sem lengi lék með Ipswich Town,
Kisnorbo og Jason Crowe. Sá síðastnefndi
hefur víða komið við í neðri deildum en er
líklega frægastur fyrir að hafa verið rekinn
af velli í sínum fyrsta leik með Arsenal 1997,
aðeins 33 sekúndum eftir að honum var
skipt inn á. Það er met. Fjórði varnarmað-
urinn, Andy Hughes, kom til Leeds árið
2007.
Á miðjunni er uppalningurinn Jonny
Howson leikreyndastur, hann þreytti frum-
raun sína 2006. Neil Kilkenny og Bradley
Johnson hafa verið á Elland Road síðan 2008
og Michael Doyle er lánsmaður frá Coventry
City. Argentínumaðurinn Luciano Becchio,
sem leikur við hlið Beckfords í framlínunni,
kom til Leeds sumarið 2008. Hann hefur
gert 24 mörk í 76 leikjum og haldið Kon-
gómanninum Trésor Kandol á bekknum.
Inn á gegn Manchester United komu Aid-
an White, átján ára uppalningur, Slóvakinn
Ĺubomír Michalík, sem kom frá Bolton
2008, og Robert Snodgrass, sem þrumaði
knettinum í samskeytin úr aukaspyrnu.
Hann kom til liðsins 2008.
Með splunkunýtt lið í höndunum
Richard Naylor fyrirliði Leeds.
Eftir fimm ósigra í röð síðla árs
2008 var björgunaráætlun Leeds
United í uppnámi. Þetta forn-
fræga félag sat í níunda sæti C-
deildarinnar og sá ekki til sólar.
Stjórn félagsins kom saman til
neyðarfundar og tók þá erfiðu
ákvörðun að segja knatt-
spyrnustjóranum, þeim góða
dreng Gary McAllister, upp störf-
um. Stíga þurfti af fullum þunga
inn í atburðarásina.
Stjórnin hafði engar vöflur á.
Setti sig í samband við B-
deildarlið Blackpool og bað um
leyfi til að að ræða við knatt-
spyrnustjórann, Simon Grayson.
Þeirri beiðni var hafnað. Vilji Gray-
sons var á hinn bóginn skýr, hann
tók því til sinna ráða og sagði upp
störfum hjá Blackpool. Stjórn fé-
lagsins neitaði að taka við upp-
sögninni. Eigi að síður var Gray-
son kynntur til sögunnar sem nýr
knattspyrnustjóri Leeds. Félögin
komust síðar að samkomulagi um
sárabætur Blackpool til handa.
Eyjólfur hresstist undir stjórn
Graysons, Leeds vann ellefu síð-
ustu heimaleiki sína og jafnaði
þar með fjögurra áratuga gamalt
félagsmet sem sett var í tíð Dons
Revies. Gengið var á hinn bóginn
lakara á útivelli og Leeds varð að
gera sér fjórða sætið að góðu.
Einhver skjálfti var í mönnum í
umspilinu og laut Leeds í gras
gegn Millwall, 2:1 samanlagt.
Allt hefur gengið Grayson og
lærisveinum hans í haginn í vetur.
Liðið hefur unnið 17 af 23 deild-
arleikjum sínum og aðeins einu
sinni beðið ósigur. Nú ætla menn
sér upp og af leiknum á Old Traf-
ford að dæma á Leeds fullt erindi
upp í B-deildina – í það minnsta.
Simon Grayson er með yngri
knattspyrnustjórum, hélt upp á
fertugsafmæli sitt í síðasta mán-
uði. Hann hóf knattspyrnuferil
sinn hjá Leeds árið 1988 en lék
aðeins tvo leiki áður en hann
gekk til liðs við Leicester City.
Hann lék síðar með Aston Villa og
Blackburn Rovers en lauk ferl-
inum hjá Blackpool fyrir fimm ár-
um. Sama ár tók hann við stjórn-
velinum hjá félaginu. Vegur hans
hefur vaxið hratt síðan.
Simon Grayson hefur
náð góðum árangri
með lið Leeds United.
Þau eru vel
rekin, trippin