SunnudagsMogginn - 10.01.2010, Blaðsíða 49
10. janúar 2010 49
Sjá hátt rís Hallgrímskirkja
í helgri trú á Krist.
Hér vilja Guðs að virkja,
svo varð til Kristni fyrst.
Guðs orð er Andans, – fæðan
hið innra og trúin mest.
Er frelsun með Fjallræðan
oss fræðir Jesús best.
Björt sólin geislar geiminn
en Guðs son dagljóst mál:
Guð er, – sinn elskar heiminn.
Þar ertu í trú, hans sál.
Nú biðjum bræður, systur,
er bænar náð oss hjá
því hér er kominn Kristur,
með kærleik Guði frá.
Þegar ég var í Guðfræðideild, var þar mikilhæfur guðfræðikennari og stjórn-
málamaður sem hét Magnús Jónsson. Hann skilgreindi guðspjöllin þannig að Jó-
hannesar guðspjall, væri eins og málverk en Mattheusar, Markúsar og Lúkasar
(samstofna guðspjöllin) eins og ljósmyndir sem hefðu fleiri trúarleg atriði, Jóhann-
es færri sem hann skilgreinir og útmálar þó nákvæmar eins og málarinn málverk
sitt. Lúkas gerði nákvæma grein fyrir guðspjalli sínu og Postulasögunni sem hann
skrifaði hvoru tveggja til vinar síns. Það má gera ráð fyrir að Fjallræðan hafi greini-
lega verið afrituð af mönnum sem stóðu Jesú næst. Hún hefur ýmis atriði frábrugð-
in hinum guðspjöllunum t.d.: Þér hafið heyrt að sagt var við forfeðurna, en ég segi
yður… Hér gerir Kristur upp á milli gamla- og nýjatestamentisins og lýsir um leið
þörfinni fyrir nýjatestamenntið. Fjallræðan nær til allra kynslóða sem á undan eru
gengnar.
En hvað skyldi vera úrlausnarverkefnið í dag? Það er auðvitað efnahagshrunið
sem nú hrjáir þjóðina meira en nokkuð annað. Hvernig skyldi Kristur hafa leyst þá
erfiðleika? Skrifað stendur: „Enginn getur þjónað tveimur herrum. Annað hvort
hatar hann annan og elskar hinn eða þýðist annan og afrækir hinn, þér getið ekki
þjónað Guði og Mammon.“ Matt: 6. Kafli 24.v.
Hér er um sömu lausn að ræða og hjá AA samtökunum sem hafa hjálpað fjölda
manna gegn Bakkusi. En það finnst mér alvarlega skorta á hjá þeim sem eru nú að
reyna að leysa úr skelfilegum afleiðingum fégræðginnar. Þar eru menn að gleyma
Guði.
Andinn er þriðja orðið í hinni svokölluðu þrenningu sem er venjulega notað í
upphafi predikunar og almennra bæna: Í nafni Guðs föður, sonar og heilags anda.
Til frekari ritskýringar er þrenningunni líkt við sólskinið. Þar er sólin Guð faðir,
sólargeislinn sonurinn og sólarvarminn og ljósið andi sem glæðir lífið og gefur því
vöxt alveg niður í grasrótina. Þannig má segja að til séu tvær hliðar á lífsforminu
sem glæðir lífið innra og ytra skilningi.
Hallgrímskirkja
á Skólavörðu hæð
Morgunblaðið/Ómar
Eftir Pétur Sigurgeirsson biskup, emeritus
Þjóðarhelgidómur
Lag: Að biðja sem mér bæri
eftir sundið flutti Guðmundur Magn-
ússon landlæknir ræðu og afhenti sig-
urvegaranum bikarinn. Eins og við önnur
sambærileg tækifæri leyndi Guðmundur
ekki aðdáun sinni á íþróttum og íþrótta-
mönnum. Í hans augum var hvort tveggja
til þess fallið að efla íslenska þjóð til dáða.
Undir lok ræðunnar lyfti hann bikarnum
svo allir gætu séð hann og mælti til
fjöldans: „Þið haldið víst að hann sé alveg
tómur, en hann er fullur, fullur upp á
barma, – af ást og rækt við landið, af
heitum óskum ungra hreystimanna um
það, að verða landinu til gagns og þjóð-
inni til sóma, aldrei að flýja, hvorki eld
né ís, óstjórn eða kúgun, heldur eflast við
hverja þraut.“ (Ísafold 8. janúar 1910).
Síðan bað hann alla viðstadda að bjóða
fósturjörðinni gleðilegt nýár með marg-
földu fagnaðarópi. Það var gert. Mann-
fjöldinn tók undir með níföldu húrra-
hrópi.
Sigurganga Stefáns Ólafssonar hélt
áfram um sumarið. Í byrjun ágústmán-
aðar sigraði hann í 105 m sundi á móti
Ungmennafélags Reykjavíkur í Skerja-
firði. Stuttu síðar fór hann með sigur af
hólmi í fyrsta Íslendingasundinu sem
sama félag stóð fyrir, einnig í Skerjafirði.
Fyrir þann sigur hlaut hann titilinn
Sundkóngur Íslands og að auki Sund-
bikar Íslands sem Guðjón Sigurðsson úr-
smiður hafði líka gefið. Stefán sigraði svo
öðru sinni í Nýárssundinu árið eftir.
Sama ár varð hann annar í Íslend-
ingasundinu. Það sund var jafnframt
hans síðasta kappsund. Í Nýárssundinu
árið 1912 lét ungur sundkappi að sér
kveða. Það var Erlingur Pálsson. Hann
var aðeins 16 ára en sigraði með yfirburð-
um. Það gerði hann einnig næstu tvö árin
og vann þar með Nýársbikarinn til eign-
ar. Hann átti eftir að vinna sundið fimm
sinnum til viðbótar.
Nýárssundið var haldið árlega til
ársins 1923 en féll þó niður árin 1920 og
1921. Síðasta sundið vann bróðir Erlings,
Jón Pálsson, sem síðar varð þekktur
sundkennari.
Árið 1999 tóku lögreglumenn í
Reykjavík sig til og efndu til nýárssunds í
Reykjavíkurhöfn. Um eiginlegt kapp-
sund var þó ekki að ræða.
Þátttakendurnir fimm í Nýárssundinu árið 1910. Sigurjón Sigurðsson, Guðmundur Kr.
Guðmundsson, Stefán Ólafsson er með bikarinn, Sigurjón Pétursson og Benedikt G. Waage.
Útsynningur var og
gekk á með éljum.
Það var því fremur
ófýsilegt að leggjast til
sunds í sjónum.
Svört og hvít málverk í
hvítum og gráum römm-
um, 2008, eftir Kristján
Guðmundsson. Hann
hlaut fyrstu verðlaun,
milljón sænskar krónur.
Tvírætt látbragð, 2004-2009. Sænski listamaðurinn Felix
Gmelin hlaut þriðju verðlaun fyrir innsetninguna.