SunnudagsMogginn - 10.01.2010, Blaðsíða 22

22 10. janúar 2010
Í
raun kemur mér það ekki á óvart að ég skuli búa í
útlöndum. Hugur minn leitaði alltaf út. En ég
hefði reyndar aldrei giskað á að ég ræki veitinga-
hús,“ segir Konný þar sem við sitjum á veit-
ingastaðnum hennar Grand Italia á Meloneras-
ströndinni á Kanaríeyjum.
Meloneras-ströndin er rétt vestan við ensku strönd-
ina sem margir Íslendingar þekkja. Í raun er Grand
Italia þrír staðir í einu. Kaffihús þar sem boðið er upp á
ís, kökur og kaffi, veitingastaðurinn sjálfur og loks bar.
Þótt hún viðurkenni að fjölskyldan lifi mjög góðu lífi á
Kanaríeyjum segir hún gríðarlega mikla vinnu liggja að
baki því að reka vinsælan veitingastað.
Kynntust á ensku ströndinni
Konný er alin upp í Breiðholtinu, nánar tiltekið í Selja-
hverfinu. Foreldrar hennar eru þau Hannes Hólm Há-
konarson bifreiðarstjóri og Jóhanna Margrét Guðlaugs-
dóttir, starfsmaður Sjóvár. Konný er elst og á tvo yngri
bræður. Konný fór í Seljaskóla en þaðan lá leiðin í Fjöl-
brautaskólann í Breiðholti og svo loks í Ferðamálaskól-
ann í Kópavogi.
Ferðabakterían átti hug hennar allan og eftir að námi
lauk árið 1998 fór Konný að vinna sem fararstjóri hjá
Heimsferðum. „Ég byrjaði á Kanaríeyjum og vann svo í
stuttan tíma á Benidorm. Ég kunni alltaf betur við mig á
Kanaríeyjum einhverra hluta vegna. Kannski voru það
bara örlögin sem toguðu í mig aftur.“
Konný kynntist manninum sínum, Naim El Jabri, á
ensku ströndinni meðan hún var fararstjóri, í nóvember
1999. Hann er ættaður frá Líbanon en hefur lengst af
búið á Spáni, enda dagsdaglega kallaður eins spænsku
nafni og hugsast getur eða Miquel. „Eftir að við kynnt-
umst gerðust hlutirnir mjög hratt. Fljótlega keyptum
við okkur hús hérna skammt frá og leigðum rekstur
veitingahúss. Miquel hefur starfað í veitingabransanum
nánast alla sína starfsævi og vildi gjarnan prófa að reka
veitingastað. Ég var líka alveg til í að prófa en okkur
fannst það skynsamlegast að leigja rekstur, til að byrja
með. Þar að auki veitti okkur ekki af því að safna okkur
smá pening ef við ætluðum að opna okkar eigin stað
síðar. Reksturinn gekk vel og við ákváðum því fljótlega
að slá til og opna okkar eigin stað.“
Fengum sjokk strax á opnunarkvöldinu
„Við sáum mikla möguleika hér á Meloneras-strönd-
inni. Þegar við opnuðum var mikil uppbygging á svæð-
inu. Við vorum alveg sammála um það hvernig veit-
ingahús við vildum opna. Við erum bæði mjög hrifin af
ítölskum mat. Hann er bæði fjölbreyttur og svo er auð-
velt að selja hann, flestum þykir hann góður. En að
sama skapi var okkur ekki sama hvernig þetta yrði gert.
Við leggjum gríðarlega áherslu á ferskt hráefni. Til
dæmis framleiðum við allt pasta, sem boðið er upp á,
sjálf og sömuleiðis allan ís, brauðform og þessháttar
sem við seljum í kaffihúsinu. Við erum með litla verk-
smiðju hér skammt frá þar sem þessi framleiðsla fer
fram.“
Viðtalið fer fram á laugardegi klukkan hálfþrjú og allt
í kringum okkur situr fólk og snæðir hádegisverð, á
spænskum tíma.
„Kosturinn við svona rekstur er að nýting húsnæð-
isins er mjög góð. Við opnum klukkan níu á morgnana
og lokum um klukkan eitt til tvö á nóttunni. Það liggur
við að starfsemin sé í gangi allan sólarhringinn því eftir
að við lokum taka við þrif sem oft standa fram undir
morgun,“ segir Konný og er greinilega öllum hnútum
kunnug.
Grand Italia var opnað í september 2002. Konný segir
í raun ekkert auðvelt að opna veitingastað á Spáni. Hún
segir skriffinnskuna gríðarlega en hún hafi sem betur
fer getað nýtt sér reynslu eiginmanns síns sem hafði
mikla reynslu í veitingabransanum. En þegar skrif-
finnskan var að baki og staðurinn opnaður fengu þau
sjokk.
„Þetta var reyndar allt mjög jákvætt sjokk,“ segir
Konný. „Strax í opnunarveislunni var gríðarlega vel
látið af staðnum. Strax næstu daga var ótrúlega mikið
Sældarlíf á
ströndinni
Bára Konný fyrir framan veitingastaðinn sinn Grand Italia á Meloneras ströndinni á Kanaríeyjum.
Morgunblaðið/Árni Sæberg
Bára Konný Hannesdóttir
lifir lífi sem marga dreymir um.
Hún býr ásamt líbönskum
manni sínum og þriggja ára
dóttur á Kanaríeyjum þar
sem hún rekur vinsælan
ítalskan veitingastað.
Hlynur Sigurðsson hlynur@mbl.is
Á kvöldin er gjarnan þétt setinn bekkurinn á barnum en hann er hluti af veitingastaðnum auk kaffihúss.