SunnudagsMogginn - 10.01.2010, Blaðsíða 8

8 10. janúar 2010
Í könnun vísindamannanna í
Kings’ College svöruðu 1.804
breskar konur, 23 til 83 ára,
margvíslegum spurningum. Í öll-
um tilfellum var um að ræða tví-
burasystur, sumar eineggja.
Segist annar eineggja tvíburinn
vera með G-blett ætti að vera lík-
legra að hinn væri sama sinnis, að
mati vísindamannanna, en þeir
fullyrða að ekkert slíkt mynstur
hafi komið í ljós. Því finnst þeim
ólíklegt að G-bletturinn sé til.
Þetta segja þeir þrátt fyrir að
56% kvennanna, sem tóku þátt í
könnuninni, segist hafa fundið fyr-
ir G-blettinum. Vísindamennirnir
benda á að flestar séu þær í hópi
hinna yngri og þeirra sem lifa fjör-
ugu kynlífi.
Beverly Whipple, þekktur kyn-
fræðingur og heiðursprófessor í
Rutgers-háskóla í New Jersey,
hefur mikið fjallað um G-blettinn í
gegnum tíðina í kjölfar rannsókna
sinna. Hún telur niðurstöður Bret-
anna ekki mikils virði því þeir
hefðu ekki tekið með í reikning-
inn mismunandi tækni sem beitt
er við kynmök. Þá hafi tvíburar
alla jafna ekki sama bólfélaga og
reynsla þeirra í kynlífinu því mis-
munandi.
Reynslan misjöfn, segir bandarískur fræðingur
Reuters
G
etur verið að G-bletturinn sé hugar-
burður? Að þetta margumtalaða svæði
í kynfærum kvenna, sem sagt er veita
sérstaklega kynferðislega ánægju við
örvun, sé ímyndun ein?
Fréttir þess efnis, að vísindamenn hefðu komist
að því að bletturinn væri að öllum líkindum alls
ekki til, flugu um heimsbyggðina í vikunni, og ef
ekki væri fyrir sögulega ákvörðun forseta lýð-
veldisins, hefði málið jafnvel verið það mest
rædda á kaffistofum landsmanna síðustu daga.
Það voru vísindamenn við King’s College í
London sem kváðu upp úr um það, að undan-
genginni umfangsmikilli rannsókn að bletturinn –
sem hingað til hefur verið talinn finnast í sumum
konum en öðrum ekki – væri væntanlega ekki til.
Ekki allir á sama máli
„Konur kunna að halda því fram, að mögulegt sé
að leiða G-blettinn í ljós með æfingum eða sér-
stöku mataræði en í raun er allt að því vonlaust að
finna nokkrar vísbendingar um hann,“ hafði dag-
blaðið The Times eftir Tim Spector, vísindamann-
inum sem stýrði könnuninni í King’s College.
„Þetta er langstærsta könnunin, sem gerð hefur
verið og hún sýnir fram á að G-bletturinn er að-
eins til í hugum fólks,“ sagði Spector.
Jóna Ingibjörg Jónsdóttir, kynfræðingur, gefur
ekki mikið fyrir niðurstöðu Bretanna. Talar um
„ekki-frétt“ sem muni væntanlega prentast inn í
huga landsmanna á næstu mánuðum og árum og
það sé rannsóknarefni í sjálfu sér hvernig hægt sé
að fóðra almenning og fjölmiðla á slíkum fréttum.
Jóna Ingibjörg, sem rekur Kynstur ráðgjafa-
stofu og starfa sjálfstætt við kynlífsráðgjöf, al-
menningsfræðslu og kennslu á sviði kynfræða,
segir rannsóknina hvorki sanna né afsanna tilvist
G-blettsins. Hún segir blettinum hafi í tímans rás
verið eignaðir ýmsir eiginleikar og það séu
vísindamennirnir við King’s College eru í raun-
inni að segja. „Til dæmis hefur honum verið eign-
aður sá eiginleiki að vera óvenjunæmt taugabúnt
inni í leggöngunum og að allar konur ættu að
finna það. Það er ekki svo. Hjá sumum konum
eykur örvun á þetta svæði kynferðislega nautn,
aðrar merkja engin áhrif og enn öðrum finnst
örvun á G-blettinn beinlínis vond eða óþægileg.“
Kynfræðingurinn getur því hreint ekki tekið
undir að G-bletturinn sé eitthvað sem konur hafi
ímyndað sér. En spurningunni um það, hvort
hægt sé að taka mark á niðurstöðum rannsókn-
armannanna við King’s College, svarar hún á
þann veg að rannsóknin sé hvorki rétt né röng.
Kynsvörun er ekki einsleit
Jóna Ingibjörg bendir á að í öðrum rannsóknum á
kynsvörun kvenna, sem vísindamennirnir í
King’s College virðist ekki hafa kynnt sér, sé bent
á að kynsvörum kvenna sé ekki einsleit heldur
margbreytileg. Hún fjallar meðal annars um þetta
í bókinni Kynlíf – heilbrigði, ást og erótík sem
kom út fyrir jólin. „Ég ræði einnig hvað það er at-
hyglisvert hvað mörg lyfjafyrirtæki eru farin að
kosta rannsóknir á þessu sviði og líklega er sá
áhugi ekki af góðmennsku einni saman.
Þessi frétt um að G-bletturinn sé ekki til hefur
ólík áhrif á fólk. Fyrir örvæntingarfulla elskhuga
sem hafa leitað lengi án árangurs kemur fréttin
sér vel. Fyrir þær ástkonur sem hafa notið þess að
láta gæla við svæði G-blettarins skiptir fréttin
litlu. Þær halda vonandi bara áfram að njóta eigin
upplifunar. Fyrir konur sem hafa haft áhyggjur af
að vera eitthvað afbrigðilegar fyrst þær fíluðu
ekki örvun á þetta svæði er fréttin af hinu góða.
Svona mætti lengi telja. Og þessi frétt slær von-
andi á hina áráttukenndu þráhyggju sem margir
hafa fyrir fyrirbærinu fullnæging.“
Þegar öllu er á botninn hvolft, segir Jóna Ingi-
björg, hafa konur í raun aðeins einn kynferðis-
legan blett, heilann; það sé hugsunin sem gefi
reynslunni raunverulega merkingu.
Í stað þess að hafa áhyggjur af því hvort G-
bletturinn sé ímyndun eða raunveruleiki ætti
hver og ein kona og hennar elskhugar og ástkon-
ur einfaldlega að njóta eigin kynlífsupplifunar,
sama hver hún er og hvernig sem örvunin er
fengin.
G-blettur eða
ekki, þar er efinn
„Ekki-frétt“ að hann sé hugar-
burður segir Jóna Ingibjörg
Jóna Ingibjörg Jónsdóttir
Morgunblaðið/Kristinn
Vikuspegill
Skapti Hallgrímsson skapti@mbl.is
Hvers vegna G? Hið margum-
rædda, kynörvandi svæði, er
kallað G-bletturinn vegna
þess að það var þýski
vísindamaðurinn Ernst Grä-
fenberg sem telst hafa „fund-
ið“ svæðið um miðja síðustu
öld. Blettinn hafði reyndar
borið á góma löngu áður en
Þjóðverjinn var í það minnsta
kosti fyrstur síðari tíma fræði-
manna til þess að lýsa hon-
um.
Gräfenberg hlotnaðist frægð
fyrir rannsóknir á kynfærum
kvenna og varpaði ljósi á
meintan blett í grein um hlutverk þvagrásarinnar
í fullnægingunni.
Það var reyndar ekki fyrr en 1981 sem kynfræð-
ingarnir John D. Perry og Beverly Whipple notuðu
fyrst þetta heiti, G-blettinn, til heiðurs þýska
fræðimanninum.
Gräfenberg, sem var gyðingur, fæddist árið
1881. Hann yfirgaf heimalandið árið 1940 vegna
nasismans og settist að í New York í Bandaríkj-
unum. Hann lést í New York árið 1957.