Morgunblaðið - 27.02.2010, Síða 28

28
MORGUNBLAÐIÐ LAUGARDAGUR 27. FEBRÚAR 2010
Ríkisstjórn-in hefurkomið sér
í miklar og óþarf-
ar ógöngur með
því að knýja fram
umsókn um aðild
að Evrópusam-
bandinu. Erfið-
leikarnir voru nægir og verk-
efnin ærin án umsóknarinnar,
en þá ákvað ríkisstjórnin að
stíga þetta skref, sem lítill
stuðningur er við en fyrir-
sjáanleg hörð andstaða. Á
tímum þegar þjóðin þurfti að
standa saman, bæði gegn
ásælni erlendra ríkja og um
endurreisn efnahagsins,
ákvað ríkissstjórnin að rjúfa
friðinn með þeim hætti sem
tryggastur var.
Það kann að vísu að vera
ósanngjarnt að tala um ríkis-
stjórnina í þessu sambandi,
nær er að tala um Samfylk-
inguna eina, því að það er hún
sem hefur þvingað fram að-
ildarumsóknina. Þetta kom
vel í ljós í vikunni þegar deil-
ur urðu á sameiginlegum
þingflokksfundi ríkis-
stjórnarflokkanna um það
hvort þingmenn vinstri
grænna mættu tjá sig á nei-
kvæðan hátt um Evrópusam-
bandsaðild. Þingmenn Sam-
fylkingarinnar gagnrýndu
það harðlega að þingmenn
samstarfsflokksins leyfðu sér
að tjá skoðanir sínar á málinu
og þingmenn vinstri grænna
eru sumir afar ósáttir eftir
yfirhalninguna. Andinn í
samstarfi flokkanna hefur því
enn versnað og var þó ekki
góður fyrir.
Með því að setja aðildar-
umsókn að Evrópusamband-
inu sem skilyrði fyrir ríkis-
stjórnarþátttöku skapaði
Samfylkingin ekki aðeins
ólgu á þingi og í þjóðfélaginu.
Þingmenn flokks-
ins virðast ekki
hafa áttað sig á því
að með þessari
óbilgjörnu kröfu –
sem aðeins var
hægt að ná fram
vegna þeirra sér-
stöku og erfiðu að-
stæðna sem ríktu eftir hrunið
– veiktu þeir eigin ríkisstjórn
og gerðu henni erfiðara fyrir
á öðrum sviðum. Samfylk-
ingin misnotaði það erfiða
ástand sem ríkti í fyrra til að
knýja fram sjónarmið sem
enginn flokkur styður hana í
og sem almennt lítill stuðn-
ingur er við. Þessi óbilgirni er
nú að koma flokknum í koll.
Á hinn bóginn er undan-
látssemi forystu vinstri
grænna að koma þeim flokki í
koll. Sá flokkur var í lykil-
stöðu eftir kosningar til að fá
sitt fram, en í stað þess að
framfylgja stefnu flokksins
ákvað forystan að gefa allt
eftir til að þóknast Samfylk-
ingunni. Þessi hræðsla við að
standa með eigin sannfær-
ingu hefur orðið til þess að
Samfylkingin hefur gengið á
lagið og orðið æ frekari til
fjörsins í samstarfinu. Til-
raun þingmanna flokksins á
hinum sameiginlega þing-
flokksfundi er aðeins nýjasta
dæmið þar um.
Á meðan forysta vinstri
grænna leyfir að vaðið sé yfir
þingmenn flokksins, og sýnir
í verki að Samfylkingin getur
sagt þingmönnum hans fyrir
verkum, þá þarf ekki að efast
um að Samfylkingin mun
halda uppteknum hætti. Sam-
starf flokkanna verður þá
áfram erfitt, jafnt fyrir þá
sjálfa sem þjóðina, og ríkis-
stjórnin verður áfram of veik-
burða til að halda um stjórn-
artaumana svo gagn sé að.
Óbilgirni og sund-
urlyndi einkenna rík-
isstjórnina þegar
þörf er á samstöðu
innan og utan
stjórnar }
Ógöngur
ríkisstjórnarinnar
ÞingmennHreyfingar-
innar og Fram-
sóknarflokksins
hafa lagt fram til-
lögu til þingsálykt-
unar um mótun efnahagsáætl-
unar sem tryggi velferð og
stöðugleika án aðstoðar Al-
þjóðagjaldeyrissjóðsins. Þing-
mennirnir vilja að Alþingi feli
fjármálaráðherra að láta vinna
slíka efnahagsáætlun. Stefnan
liggi fyrir 1. október nk. og
komi til framkvæmda á árinu.
Ályktunin er góð ábending
um að nóg er kom-
ið af aðgerðarleysi
og að ríkisstjórnin
getur ekki lengur
beðið eftir að
hjálpin komi utan
frá. Endurreisnin þarf að hefj-
ast án tafar og hún hefst ekki
nema með innlendum aðgerð-
um og innlendri framtaks-
semi. Eilíf bið eftir ákvörð-
unum erlendra þjóða eða
alþjóðastofnana er ekki væn-
leg til árangurs. Við höfum
ekki tíma til að bíða eftir að
biðstöðunni ljúki.
Lausnina á efna-
hagsvandanum er
að finna hér á landi}
Hættum að bíða
Feisbúkk opnist þú, sagði unglegurmaður á miðjum aldri norður í landi ívikunni. Og sjá, hún opnaðist upp ágátt.
-
Kona: Mér finnst eldhúsinnréttingin okkar
ljót. Þótti hún reyndar falleg en komst að því
fyrir tilviljun í dag að hún var ekki nógu dýr.
-
Sama kona: Hann hélt þessu með verðið
leyndu fyrir mér. Læt ekki bjóða mér þessa
niðurlægingu. IKEA! Stofna hér með hópinn
Mér finnst að þau eigi að fá sér nýja innrétt-
ingu. Smelltu hér til að gerast meðlimur.
-
Karl: Mér finnst eldhúsinnréttingin (okkar)
líka ljót. Ég hef bara aldrei þorað að segja þér
það. Ýti hér með á takkann og gerist meðlimur.
En við eigum ekki pening fyrir nýrri.
-
Kona: Hvað meinarðu? Komdu fram úr herberginu og
horfðu í augun á mér meðan þú segir að við eigum ekki
pening fyrir nýrri innréttingu.
-
Önnur kona: He he he he he...
-
Karl: Þú verður að trúa mér, elskan mín. Og ég þori
ekki fram ef þú ert reið.
-
Kona: Reið? Ég er ekkert reið. Drullaðu þér bara hing-
að fram. Og hvað áttu við með því að við eigum
ekki fyrir nýrri. Er ekkert inni á reikningnum?
-
Karl: Nei. Innan svona fjármálasamstæðu
geta verið ýmsar tilfærslur. Þær geta verið í
allar áttir. Ég las það í blaðinu í vikunni. En
hjá okkur voru þær reyndar, þér að segja,
bara í eina átt. Þú veist, útrásin mín var eigin-
lega innrás – í bankareikninginn okkar. Sorrí.
-
Kona: Viltu gjöra svo vel að koma fram.
Strax!
-
Karl: Mér kann að hafa misheyrst. Varstu
að biðja mig um að koma fram?
-
Önnur kona: He he he he he...
-
Kona: (Snökt!) Ég vil innréttingu. Og annan jeppa.
-
Þriðja konan: Það er gott að búa í Kópavogi. Og líka
rosa fjör. Tek þátt í prófkjöri um hverja helgi og svona...
Nóg af pítsum og allir vinir.
-
Þriðja konan: Sorrí. Ýtti óvart á send. Mér heyrðist í
fréttunum að von væri á nýju framboði og held að það heiti
Ruslflokkurinn? Einhver útlendingur er með þetta held
ég, Moodys. Ég ætla að styðja þennan flokk ef það verður
pítsa, og stofna núna hópinn Allir í rusli. Smellið hér til að
vera með. skapti@mbl.is
Skapti
Hallgrímsson
Pistill
Ruslflokkur í framboð?
Hægt er að lýsa skoðun á ritstjórnargreinum Morgunblaðsins á slóðinni http://morgunbladid.blog.is/
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
Atvinnumiðstöð brátt
opnuð í Hafnarfirði
Eftir Ingibjörgu Rósu Björnsdóttur
ingibjorgrosa@mbl.is
A
tvinnumiðstöð Hafnar-
fjarðar verður opnuð á
næstu vikum. Um til-
raunaverkefni er að
ræða sem félagsmála-
ráðuneytið, Vinnumálastofnun og
Hafnarfjarðarbær standa að. „Við
höfum talað fyrir því í töluverðan
tíma að fá starfsstöð í þessum dúr
hingað til okkar og því er mjög
ánægjulegt að þetta samstarf sé
komið í gang,“ segir Lúðvík Geirs-
son, bæjarstjóri í Hafnarfirði. Hann
segir að enn fremur verði bæjar-
félagið í samstarfi við atvinnurek-
endur og menntastofnanir í bænum,
en í atvinnumiðstöðinni verður boðið
upp á svæðisbundna vinnumiðlun og
faglega náms- og starfsráðgjöf og
verður sérstaklega stefnt að því að
byggja upp vinnumarkaðsúrræði á
borð við starfsþjálfun, vinnustað-
anám og reynsluráðningar í Hafn-
arfirði. Að auki mun atvinnu-
miðstöðin sinna almennri ráðgjöf,
atvinnutengdri endurhæfingu og sér-
tækri ráðgjöf fyrir annars vegar ungt
fólk og hins vegar langtímaatvinnu-
lausa.
Sérstök áhersla á ungt fólk
Hingað til hafa atvinnulausir á
stóru svæði þurft að leita til Reykja-
víkur til að skrá sig og fá ráðgjöf, en
með miðstöðinni verður unnið sér-
staklega að atvinnumiðuðum verk-
efnum í Hafnarfirði og atvinnulausir
bæjarbúar efldir í virkri atvinnuleit.
Þá verður lögð sérstök áhersla á
ungt, atvinnulaust fólk, en Vinnu-
málastofnun rekur átakið Ungt fólk
til athafna, sem hefur að markmiði að
finna úrræði handa atvinnulausum á
aldrinum 16-24 ára.
Átakinu var hleypt af stokkunum
um áramótin og er markmiðið að
ungt fólk sé ekki lengur en þrjá mán-
uði á atvinnuleysisskrá án þess að
bjóðast vinna eða virkniúrræði.
Stefnt var að því að ná þessu mark-
miði fyrir 1. apríl og segir Karl Sig-
urðsson, sviðsstjóri vinnumála, allar
líkur á að markmiðið náist, a.m.k. í
aprílmánuði.
Ekki eins svartsýnn og ASÍ
Karl segir aldursdreifingu í hópi
langtímaatvinnulausra nokkuð jafna,
en fólk á aldrinum 16-24 ára er um
þriðjungur þeirra á landsvísu. Lang-
tímaatvinnulausir eru þeir sem hafa
verið án atvinnu í 6 mánuði eða leng-
ur og fer fjöldi þeirra vaxandi eftir
því sem frá líður efnahagshruninu.
Samkvæmt mælingu Vinnu-
málastofnunar var atvinnuleysi í jan-
úar 9% og segist Karl búast við því að
í febrúar verði það um 9,4% en bendir
á að janúar og febrúar séu þyngstu
mánuðirnir og atvinnuleysi vanalega
meira þá en aðra mánuði ársins.
Hann sagðist ekki þekkja nógu vel til
útreikninga ASÍ til að geta dæmt um
nákvæmni þeirra, en hjá Vinnu-
málastofnun sé ekki búist við að at-
vinnuleysi fari yfir 10% líkt og hag-
deild ASÍ spáir.
„Það þarf eitthvað mikið að gerast
á vinnumarkaði til þess að það rætist.
Kannski vita sérfræðingar ASÍ meira
en við um hvernig vinnumarkaðurinn
á eftir að þróast, en atvinnuástand á
seinni helmingi ársins þyrfti að verða
verulega slæmt til að ársmeðaltal at-
vinnuleysis verði svona hátt.“
Morgunblaðið/Ómar
Tölur Samkvæmt mælingu Vinnumálastofnunar er atvinnuleysi nú 9%.
Þjónusta og ráðgjöf verður færð
til atvinnulausra í Hafnarfirði.
Kópavogur og fleiri bæjarfélög á
höfuðborgarsvæðinu eru áhuga-
söm um að setja einnig slíkar
miðstöðvar á laggirnar.
Á Norðurlandi eystra eru 20% at-
vinnulausra ungt fólk og segir
Soffía Gísladóttir, forstöðumaður
stofnunarinnar á Akureyri, að
átakið Ungt fólk til athafna sé kom-
ið vel á veg þar nyrðra, búið sé að
ræða við nær alla í þessum aldurs-
hópi um úrræði. Hún fagnar fyrir-
hugaðri atvinnumiðstöð í Hafnar-
firði. „Á Reykjavíkursvæðinu hefur
til langs tíma aðeins verið ein skrif-
stofa, sem er mjög bagalegt. At-
vinnulaust fólk á ekki að þurfa að
fara langar vegalengdir til að
sækja þau úrræði sem því býðst.
Þetta getur verið sérstaklega
slæmt fyrir ungt fólk sem á ekki
bíla. Net Vinnumálastofnunar er
miklu þéttara á landsbyggðinni en
höfuðborgarsvæðinu, á þessu svæði
erum við með stórar skrifstofur á
Akureyri og Húsavík en einnig
skráningarstaði t.d. á Ólafsfirði,
Grenivík, Þórshöfn og Kópaskeri.“
ÞÉTT NET ÚTI
Á LANDI
››