Morgunblaðið - 27.02.2010, Qupperneq 25

Fréttir 25ERLENT
MORGUNBLAÐIÐ LAUGARDAGUR 27. FEBRÚAR 2010
Fulltingi lögfræðiþjónusta hefur hlotið nýtt nafn og nefnist nú ADVEL
lögfræðiþjónusta.
Samhliða nafnabreytingunni verður sérfræðiþjónusta við fyrirtæki og
stofnanir breikkuð og efld. Lögfræðistofan Fulltingi ehf. var stofnuð árið
2001. Fyrirtækið óx hratt og fyrir röskum tveimur árum var starfseminni skipt
milli eigenda í tvö sjálfstæð fyrirtæki með mismunandi starfssvið: Fulltingi
lögfræðiþjónustu og Fulltingi slysa- og skaðabótamál. Nafnabreytingin nú
undirstrikar fullan aðskilnað þessara tveggja lögmannsstofa en alþjóðlegt
Advel - lögfræðiþjónusta ehf. • Suðurlandsbraut 18 • 108 Reykjavík • Sími 520 2050 • Fax 552 2050
Lögfræðiþjónusta
www.advel.is
yfirbragð heitisins ADVEL speglar aukna áherslu fyrirtækisins á þjónustu
á alþjóðlegum vettvangi.
ADVEL lögfræðiþjónusta veitir fyrirtækjum, opinberum stofnunum og
almenningi alhliða lögfræðiráðgjöf og er starfseminni skipt í þrjú starfs-
svið: Fyrirtækjasvið, Alþjóðasvið og Almennt svið. Starfsmenn ADVEL
lögfræðiþjónustu eru 17 talsins, þar af 10 héraðsdómslögmenn og tveir
hæstaréttarlögmenn.
Fulltingi lögfræðiþjónusta fær nafnið ADVEL
Eftir Boga Þór Arason
bogi@mbl.is
MARGIR stjórnmálamenn og fjöl-
miðlar í Danmörku gagnrýndu í gær
þá ákvörðun dagblaðsins Politiken að
biðja múslíma afsökunar hefði það
sært þá með því að birta umdeildar
teikningar af Múhameð spámanni.
Politiken er fyrsta danska dagblaðið
sem biður múslíma formlega afsökun-
ar vegna málsins. Blaðið birti í gær
samning við lögfræðinga 94.923 af-
komenda Múhameðs spámanns í Ástr-
alíu, Egyptalandi, Jórdaníu, Líbanon,
Líbýu, Katar, Sádi-Arabíu og svæðum
Palestínumanna. Í samningnum segir
að Politiken þyki það miður hafi teikn-
ingarnar sært múslíma. Blaðið kveðst
þó ekki sjá eftir því að hafa birt teikn-
ingarnar og ekki afsala sér rétti til að
birta þær aftur.
Aðalritstjóri Politiken, Tøger Seind-
enfaden, kveðst vera ánægður með
niðurstöðuna. „Við hörmum að músl-
ímar skuli hafa móðgast þótt það hafi
ekki verið ætlun okkar að móðga þá.“
Veikir utanríkisstefnuna
Margir danskir stjórnmálamenn
gagnrýndu afsökunarbeiðni Politiken,
sökuðu blaðið um að hafa látið undan
þrýstingi og fórnað tjáningarfrelsinu
sem væri hornsteinn lýðræðisins í
Danmörku. Per Stig Møller, fyrrver-
andi utaníkisráðherra og nú menning-
arráðherra, sagði afsökunarbeiðnina
grafa undan utanríkisstefnu danskra
stjórnvalda.
Önnur dönsk dagblöð gagnrýndu
einnig afsökunarbeiðnina og lýstu
henni sem tilræði við tjáningarfrelsið.
„Þetta er dapurlegur dagur fyrir
danska fjölmiðla, dapurlegt fyrir tján-
ingarfrelsið og líka dapurlegt fyrir
Politiken,“ sagði Jørn Mikkelsen, aðal-
ritstjóri Jyllands-Posten, sem birti
teikningarnar fyrst.
Sagt tilræði við
tjáningarfrelsið
 Danska dagblaðið Politiken gagnrýnt
fyrir að biðja múslíma afsökunar
DANSKI skopmyndateiknarinn
Kurt Westergaard gagnrýnir af-
sökunarbeiðni danska blaðsins.
„Politiken óttast hryðjuverk. Það
er skiljanlegt, en þarna eru menn á
hálum ís,“ sagði hann í gær.
Westergaard teiknaði eina af
skopmyndunum, sem deilt er um,
og nýtur verndar dönsku öryggis-
lögreglunnar vegna morðhótana.
Blaðið á hálum ís
HÆSTIRÉTTUR Taílands úr-
skurðaði í gær að rúmur helmingur
auðæfa Thaksins Shinawatra, fyrr-
verandi forsætisráðherra landsins,
yrði gerður upptækur.
Dómstóllinn komst að þeirri nið-
urstöðu að Thaksin hefði misnotað
völd sín sem forsætisráðherra í
ágóðaskyni.
Eignir Thaksins eru metnar á sem
svarar tæpum 300 milljörðum króna
og dómstóllinn svipti hann eignum
að verðmæti 180 milljarða.
Þúsundir her- og lögreglumanna
voru á varðbergi á götum taílenskra
borga í gær þar sem óttast var að
óeirðir blossuðu upp meðal stuðn-
ingsmanna Thaksins, einkum ef
hann yrði sviptur öllum eignum sín-
um. Thaksin hefur búið erlendis,
einkum í Dubai, til að komast hjá
handtöku í heimalandinu eftir að
hann var dæmdur í tveggja ára fang-
elsi fyrir spillingu. Hann sagði í
ávarpi að úrskurðurinn væri „mjög
pólitískur“ og „aðhlátursefni allrar
heimsbyggðarinnar“.
Reuters
Mótmæli Stuðningsmenn Thaksins í Bangkok kveikja í „andahúsi“ sem þeir segja tákna hæstarétt Taílands.
Missir helming auðsins
 Hæstiréttur Taílands úrskurðar að Thaksin hafi misnotað
pólitísk völd sín í ágóðaskyni og sviptir hann eignum