Morgunblaðið - 27.02.2010, Side 37

Minningar 37
MORGUNBLAÐIÐ LAUGARDAGUR 27. FEBRÚAR 2010
✝ Þórir Bjarnasonfæddist á Efri-Ey
í Meðallandi í Skaft-
árhreppi 5.12. 1941.
Hann lést á gjör-
gæsludeild Landspít-
alans 19. febrúar sl.
Foreldrar hans voru
Bjarni Árnason, f. 1.5.
1911, d. 12.7. 1996, og
Guðbjörg Runólfs-
dóttir, f. 29.12. 1919,
d. 30.9. 1997.
Systkini Þóris eru
Guðgeir Bjarnason, f.
10.6. 1944, maki Sig-
rún Sæmundsdóttir, f. 28.11. 1944.
Arndís Eva Bjarnadóttir, f. 2.11.
1946, maki Gunnar Þorsteinsson, f.
16.3. 1946, d. 14.2. 2003. Runólfur
Rúnar Bjarnason, f. 4.7. 1949, maki
Anna Árnadóttir, f. 16.7. 1954.
Gunnhildur Bjarnadóttir, f. 8.6.
1954 maki Sigurjón Einarsson, f.
12.3. 1950.
Eftirlifandi eignkona Þóris er
Sara Karlsdóttir, f.
1.4. 1948 á Fljóts-
bakka í Reykjadal í
Suður-Þing. Börn
hennar og fyrrver-
andi maka Lýður B.
Skarphéðinsson, f.
22.6. 1965, maki Elva
Björk Sveinsdóttir, f.
29.8. 1975. Börn
þeirra Skarphéðinn
Haukur Lýðsson og
Sara Kristín Lýðs-
dóttir, börn af fyrra
sambandi Guðjón Pét-
ur Lýðsson og Krist-
ján Lýðsson. Einar Þór Skarphéð-
insson, f. 24.10. 1968, maki Þóra
Þorkelsdóttir, börn þeirra Þorkell
Már Einarsson og Anton Elí Ein-
arsson. Sigrún S. Skarphéð-
insdóttir, f. 8.5. 1970, barn hennar
Andrea Björk Sigrúnardóttir.
Útför Þóris fer fram frá Lang-
holtskirkju í Meðallandi, 27. febr-
úar 2010, og hefst athöfnin kl. 14.
Í dag kveðjum við þig með söknuði,
kæri Þórir, alltof snemma. Við kveðj-
um þig með þakklæti fyrir þann
stutta en mjög svo ánægjulega tíma
sem við áttum saman. Við þökkum
fyrir þá hlýju sem þú ávallt sýndir og
tókst alltaf á móti okkur inn á þitt
heimili með opnum örmum.
Afa Þóris verður sárt saknað og á
Skarphéðinn Haukur eftir að geyma
margar góðar minningar af dráttar-
vélaferðum ykkar út og suður þegar
þú m.a. leyfðir honum að „keyra“
dráttarvélina. Samverustundirnar í
útihúsunum urðu líka margar og
munu þessar minningar lifa og er
Skarphéðinn staðráðinn í að verða
ömmu Söru góður og duglegur vinnu-
maður eins og þú kenndir honum
best.
Þér gafst því miður ekki tími til að
stússast svo mikið með Söru Kristínu
litlu, en frá fyrstu kynnum ykkar átti
hún athygli þína alla og húsið iðaði af
lífi þegar börnin komu í sveitina, það
leiddist þér nú ekki.
Við þökkum þér fyrir að hafa veitt
mömmu, tengdamömmu, ömmu Söru
þá vináttu, ást og hamingju í þann
tíma sem þið áttuð saman, þó svo að
okkur finnist lífið hafa verið afar
ósanngjarnt að binda enda á ykkar
tíma með þessum hætti. Nú vitum við
að þú hefur fengið hvíld frá veikind-
um þínum og munum við aðstoða sem
mest við getum í sveitinni.
Hvíl í friði.
Lýður, Elva og börn.
Ég var ekki há í loftinu þegar ég
kom í mína fyrstu sumardvöl að Efri-
Ey, hjá Guðbjörgu föðursystur minni
og hennar fjölskyldu. Heimilisfólkið
tók vel á móti mér og alltaf leið mér
vel þessi sumur sem ég var þar. Þar
kynntist ég Þóri. Ég man varla eftir
honum öðruvísi en að vinna við bú-
skapinn. Þórir var vinnuþjarkur, hon-
um féll sjaldan verk úr hendi. Það
þurfti m.a. að sinna skepnunum,
heyja og gera við vélarnar. Allt lék í
höndum hans.
Minningarnar eru margar úr sveit-
inni. Við Gunnhildur áttum bú sem
meðal annars Þórir hjálpaði okkur að
koma upp. Það var oft mikið að gera í
búinu og ósjaldan voru haldnar veisl-
ur. Þó að mikið væri að gera gaf Þórir
sér samt oft tíma til að koma og
þiggja veitingar sem voru moldarkök-
ur, fallega skreyttar með blómum.
Þórir var ekki að spara hrósið fyrir
veitingarnar og þar kom það best í
ljós hvernig mann hann hafði að
geyma, að strákur um tvítugt skyldi
gefa sér tíma í dagsins önn til að setj-
ast niður og spjalla við okkur litlu
stelpurnar.
Árin liðu og alltaf fór ég austur öll
sumur eftir að ég var komin með fjöl-
skyldu. Við Þórir sátum oft lengi og
spjölluðum. Hann var fróður um
margt, fylgdist vel með og hafði skoð-
un á flestu. Síðustu árin var hann
mikið á spítala og þar áttum við oft
langar og góðar stundir saman. Alltaf
spurði hann um börnin mín og aðra í
fjölskyldunni.
Ég mun sakna þess að geta ekki
sest niður og skipst á skoðunum við
Þóri frænda minn því að í mínum aug-
um er hann einn af bestu mönnum
sem ég hef kynnst. Hann kom alltaf
heiðarlega fram, var nægjusamur og
algjört ljúfmenni.
Ég og fjölskylda mín vottum eig-
inkonu, systkinum og öðrum aðstand-
endum samúð okkar. Elsku Þórir, ég
þakka þér fyrir allar okkar stundir,
guð geymi þig.
Þín frænka,
Guðrún Þorbjörnsdóttir.
Það fyrsta sem kemur upp í hug-
ann þegar við minnumst þín, elsku
Þórir, eru allar góðu stundirnar í
sveitinni. Eftir að við fluttum úr Með-
allandi og til Hafnar var beðið með
eftirvæntingu eftir páskunum og vor-
inu á hverju ári því þá fengum við að
fara í gömlu sveitina okkar og dvelja
um stund í Efri-Ey hjá ömmu, afa,
Gunnu og Þóri.
Það var alltaf tekið vel á móti okkur
í Efri-Ey og við vorum alltaf velkomin
þar. Störfin í sveitinni voru óteljandi
eins og lög gera ráð fyrir og með þér
fékk maður næstum því að vera full-
orðinn og taka þátt í öllum störfunum.
Það var alveg sama hvaða börn komu
að Efri-Ey, öll hændust þau að þér og
það virtist alltaf vera nóg pláss fyrir
alla í kringum þig. Það er með söknuð
í hjarta sem við minnumst þín og allra
yndislegu stundanna í sveitinni.
Hvíldu í friði, elsku frændi.
Einar, Björg, Heiðar og Ósk.
Þórir frændi í sveitinni, eins og
hann var alltaf kallaður í minni fjöl-
skyldu, var minn uppáhaldsfrændi.
Ég var í sveit hjá honum, og afa og
ömmu, níu sumur og var jafnan mætt-
ur í sauðburðinn í byrjun maí. Fyrstu
árin var nú trúlega ekki mikið gagn í
mér en alltaf fékk ég að fara með hon-
um að sinna fénu og hann var óþreyt-
andi að útskýra allt milli himins og
jarðar fyrir forvitnum gutta þótt mik-
ið væri að gera. Sauðfé var hans líf og
yndi og hann var búinn að rækta
mjög fallegan alhvítan fjárstofn.
Hann hélt þó alltaf eftir nokkrum
skrautlegum til að lífga upp á fjár-
húsin.
Þórir átti engin börn sjálfur en
langflest systkinabörn hans voru í
sveit hjá honum á sumrin. Hann var
afar barngóður og leit á okkur systk-
inabörnin sem sín eigin og var mikill
áhrifavaldur í okkar uppeldi. Hjá hon-
um öðluðumst við dýrmæta reynslu á
mörgum sviðum, reynslu sem við bú-
um enn að. Mína fyrstu ökukennslu
fékk ég t.d. hjá honum sjö ára gamall.
Þá var ég settur undir stýri á Land
Rovernum hans og látinn keyra í
hringi á túni í fyrsta lága með herfi til
að dreifa úr hrossataði aftan í. Ég var
svo stuttur að ég þurti að sitja á
kindabyssukassa til að sjá út og
hoppa niður ef ég vildi stíga á kúp-
linguna og stoppa. Ég var að sjálf-
sögðu einn í heiminum við þessa iðju
en ég hef trú á að frændi hafi fylgst
náið með mér úr hæfilegri fjarlægð.
Aðdáun mín á Þóri frænda og jepp-
anum hans skaut rótum mjög
snemma. Þriggja ára eignaðist ég
bróður og að sjálfsögðu vildi ég láta
skíra barnið Land Rover. Eitthvað
gekk mér illa að sannfæra foreldra
mína um það og sættist því á næst-
besta kostinn, að skíra í höfuðið á eig-
anda Land Roversins.
Þóri var margt til lista lagt. Við-
gerðir á vélum og tækjum virtust oft
vonlausar þegar ekki voru til vara-
hlutir og langan tíma tók að panta þá.
Þórir var ótrúlega útsjónarsamur við
að bjarga málunum og nánast und-
antekningalaust tókst að gera við
a.m.k. til bráðabirgða þangað til vara-
hlutirnir bárust. Ef ekki reyndist
hægt að gera við bilaða hlutinn var
jafnvel smíðaður nýr. Þórir ber mikla
ábyrgð með því að hafa kynnt mig
fyrir tólum eins og slípirokk og suðu-
vél en enn er ekki séð fyrir endann á
viðskiptum mínum við slík tól.
Sú lexía sem helst situr eftir frá
tíma mínum með Þóri er að gefast
aldrei upp, sumir hlutir taka bara
lengri tíma en aðrir en alltaf er hægt
að klára málið. Eftir þessu lifði hann
alveg fram á síðasta dag. Hann var
ekkert á leiðinni frá okkur og var
fram á síðustu stundu að skipuleggja
búskapinn í Efri-Ey. Veikindin sem
hann hafði strítt við undanfarin ár
höfðu þó betur að lokum en minningin
um uppáhaldsfrændann mun lifa um
ókomna tíð.
Bjarni Gunnarsson.
Þórir Bjarnason ✝
Elskulegur bróðir minn, mágur og vinur,
MARKÚS JÓNSSON
fiskmatsmaður,
Álfheimum 64,
lést á Landspítalanum Hringbraut fimmtudaginn
11. febrúar.
Jarðarförin hefur farið fram í kyrrþey að ósk hins
látna.
Jón Kr. Jónsson, Ólöf Valdimarsdóttir,
Regína Steinsdóttir
og aðrir aðstandendur.
✝
SIGRÍÐUR ÓLAFSDÓTTIR MEYBURG
lést á hjúkrunarheimilinu Sunnuhlíð í Kópavogi
þriðjudaginn 9. febrúar.
Kveðjuathöfn hefur farið fram í kyrrþey að ósk
hinnar látnu.
Ólafur Indriðason Meyburg,
systkinabörn og fjölskyldur.
✝
Ástkær eiginmaður minn, faðir, tengdafaðir og afi,
KRISTJÁN ÖRN KRISTJÁNSSON,
Hólagötu 37,
Njarðvík,
lést á Landspítalanum í Reykjavík þriðjudaginn
23. febrúar.
Útförin fer fram frá Ytri-Njarðvíkurkirkju þriðju-
daginn 2. mars kl. 13.00.
Ólöf Ásta Þorsteinsdóttir,
Kristján Örn Kristjánsson,
Ellert Stefán Birgisson, Ásthildur Lísa Guðmundsdóttir,
Eydís Stefanía Kristjánsdóttir, Pétur Ingi Kolbeins,
Þorsteinn Hermann Kristjánsson
og barnabörn.
✝
Ástkær eiginmaður minn, faðir okkar, tengdafaðir
og afi,
ÞORSTEINN JÓNSSON,
verður jarðsunginn frá Grensáskirkju mánudaginn
1. mars kl. 13.00.
Hulda Svansdóttir,
Ágústa Margrét Þorsteinsdóttir, Gauti Ástþórsson,
Jóhanna Sigurjónsdóttir, Karl G. Kristinsson,
Sigurbjörg Sigurjónsdóttir, Hjalti J. Guðmundsson
og barnabörn.
✝
Elskulegur eiginmaður minn, faðir okkar, tengda-
faðir, afi og langafi,
JÓHANN JÓN JÓHANNSSON,
Skipalóni 20,
Hafnarfirði,
áður Hellubraut 7,
verður jarðsunginn frá Víðistaðakirkju í Hafnarfirði,
þriðjudaginn 2. mars kl. 13.00.
Friðbjörg Kristjana Ragnarsdóttir,
Jóhann Þór Jóhannsson, Rúna Baldvinsdóttir,
Ragnar Steinþór Jóhannsson,
Friðjón Viðar Jóhannsson,
Edda Sigurbjörg Jóhannsdóttir, Rúnar Páll Brynjúlfsson,
barnabörn og barnabarnabörn.
✝
Útför okkar elskulegu móður, tengdamóður, ömmu,
langömmu og langalangömmu,
SVEINBJARGAR HEIÐRÚNAR
ARNMUNDSDÓTTUR,
sem lést á Landspítalanum að morgni
þriðjudagsins 16. febrúar, verður frá Hallgrímskirkju
mánudaginn 1. mars kl. 13.00.
Þeim sem vilja minnast hennar er bent á Sveinusjóð
- sem stofnaður var til uppbyggingar sumarbúðastarfi KFUM og KFUK í
Ölveri. Kt. 420369-6119, reikningsnúmer 0701-05-302000.
Einnig er tekið við minningargjöfum í þjónustumiðstöð KFUM og KFUK
við Holtaveg eða í síma 588 8899.
Fyrir hönd fjölskyldunnar,
Inga Þóra Geirlaugsdóttir, Jón Dalbú Hróbjartsson,
Kári Geirlaugsson, Anna J. Guðmundsdóttir,
Hörður Geirlaugsson, Sigrún Gísladóttir,
Þuríður Erna Geirlaugsdóttir,
Laufey G. Geirlaugsdóttir, Sigurbjörn Þorkelsson,
Geirlaug B. Geirlaugsdóttir, Kristján Harðarson.
✝
Innilegar þakkir til allra sem sýndu okkur samúð og
hlýju við andlát og útför ástkærrar móður okkar,
tengdamóður, ömmu, langömmu og langa-
langömmu,
MAGNEU ÞÓRU GUÐJÓNSDÓTTUR.
Birna Óskarsdóttir, Ingvar Elísson,
Ingvar Óskarsson, Birna Ósk Björnsdóttir,
Eyrún Óskarsdóttir, Guðmundur Haraldsson,
Már Óskar Óskarsson, Ingunn Ragnarsdóttir,
Sigurður Óskarsson, Guðrún Leifsdóttir,
Birgir Óskarsson, Guðrún Þ. Kristjánsdóttir,
Kornína Óskarsdóttir, Hlöðver Pétur Hlöðversson,
Erla Óskarsdóttir, Karl J. Valdimarsson,
barnabörn, barnabarnabörn
og barnabarnabarnabörn.