Fréttablaðið - 17.12.2011, Síða 67

SPIL
LAUGARDAGUR 17. DESEMBER 2011
Kynningarblað
Ævintýraspil
Partýspil
Spurningaspil
Leik- og orðskýringaspil
Fróðleikur
Fyrir alla aldurshópa
Borðspilinu Ísland-Opoly, sem kom út fyrir skemmstu, hefur verið vel tekið enda
skemmtilegt spil þar á ferð. „Flest-
ir þekkja borðspilin Matador og
Monopoly en Ísland- Opoly er
mjög svipað,“ segir Gylfi Berg-
mann Heimisson, vörustjóri
leikfanga hjá Senu.
En hvernig varð spilið til?
„Ég var á sýningu í New York og
rakst á það í öðru formi. Banda-
ríska fyrirtækið Late for the Sky
hefur framleitt spil af þessu tagi
í mörg ár, en flest eru kennd við
borgir eins og New York og Hou-
ston. Þá eru þeir með einfaldari
spil fyrir yngri kynslóðina eins
og Dog-Opoly,“ upplýsir Gylfi.
Hann komst að því að hægt væri
að panta sérhönnuð spil byggð á
sömu hugmynd með merki fyr-
irtækisins. „Möguleikarnir eru
því margir og aldrei að vita nema
það komi annað spil á næsta ári
miðað við hversu góðar viðtök-
urnar á Ísland-Opoly hafa verið,“
segir Gylfi.
Hann segir að strax hafi verið
tekin ákvörðun um að hafa spilið
um Ísland í stað þess að gera
Reykjavík-Opoly, enda var vilji til
þess að höfða til sem flestra. „Lit-
rík hönnun og léttleiki var mark-
mið okkar og teljum við að vel hafi
tekist til, enda frábært fólk sem
kom að hönnun spilsins. Halldór
Baldursson teiknari, sem er okkur
flestum kunnugur fyrir sínar frá-
bæru teikningar í Morgunblaðinu
og Fréttablaðinu, sá alfarið um
að teikna myndir í spilið en síðan
fengum við landsliðið í gríni til
að hjálpa okkur með aðgerða-
spilin í borðinu og er spilið þar
af leiðandi mun léttara og litrík-
ara en sambærileg spil. Við reynd-
um að hafa spilið eins íslenskt og
hægt er og létum sérútbúa spila-
tákn sem leikmenn spila með, en
þau eru pylsa með öllu, innkaupa-
kerra, Vatnajökull, „þetta reddast“
og fleira skemmtilegt.“
Gylfi segir spilið frábæra gjöf og
að upplagt sé að senda það til Ís-
lendinga erlendis. „Þá höfum við
heyrt að erlendir ferðamenn kaupi
spilið, enda fínn minjagripur eftir
Íslandsför.“
Gylfi segir ríka hefð fyrir því
á Íslandi að gefa spil í jólagjöf og
segir Ísland-Opoly til að mynda
upplagða möndlugjöf. Spilið er
að sögn Gylfa hugsað fyrir tvo til
sex leikmenn, átta ára og eldri. „Í
hverju spili er síðan lukkumiði
með veglegum vinningum sem
má sjá hér að neðan. Það verður
dregið úr pottinum á Bylgjunni
28. desember en auk þess verður
hægt sjá vinningshafa á heima-
síðu Senu, www.sena.is. „Það
verða því einhverjir heppnir sem
fá auka möndlugjöf með spilinu
sínu,“ segir Gylfi.
Spil um skemmtilegasta land í heimi
Ísland-Opoly er bráðskemmtilegt og fræðandi spil. Það byggir á erlendri fyrirmynd en íslenskir hönnuðir og hugmyndasmiðir hafa farið um það
höndum. Teiknarinn Halldór Baldursson teiknar allar myndinar í spilinu og landslið grínista lagði hönd á plóg
Litrík hönnun og léttleiki einkennir spilið Ísland-Opoly. Halldór Baldursson teiknari á heiðurinn að öllum myndum í spilinu og lands-
þekktir grínarar komu að gerð þess. MYND/GVA
Spilið er hugsað fyrir tvo til sex leikmenn, átta ára og eldri að sögn Gylfa Bergmann
Heimissonar, vörustjóra leikfanga hjá Senu