Fréttablaðið - 17.12.2011, Side 136

17. desember 2011 LAUGARDAGUR104
Tónlist ★★★★
Astrocat Lullaby
Ragga Gröndal
Fyrsta flokks
poppplata
Astrocat Lullaby er sjöunda plata
Ragnheiðar Gröndal og sú fyrsta
sem hún sendir frá sér undir nafn-
inu Ragga Gröndal. Ragnheiður er
búin að vera ein af okkar bestu
söngkonum lengi, en hún hefur
gert ólíka hluti tónlistarlega. Hún
byrjaði sem djasssöngkona, en
fór svo út í popp og ýmis afbrigði af þjóðlagatónlist.
Plöturnar hennar hafa verið misspennandi þó að hún hafi oftast haldið
ákveðnum gæðastandard í því sem hún hefur sent frá sér.
Ragga semur öll lögin á Astrocat Lullaby, flest ein, en þrjú með öðrum
og hún útsetur þau að mestu sjálf ásamt Guðmundi Péturssyni. Og það
er óhætt að segja að hún hafi dottið niður á mjög góða tónlistarblöndu í
þetta skiptið. Það er hægt að greina áhrif frá bæði djassi og þjóðlagatónlist
á Astrocat Lullaby, en útkoman er mjög sérstakt og
persónulegt afbrigði af popptónlist. Útsetningarnar
eru frábærar, ekki síst raddútsetningarnar. Flutn-
ingurinn er líka afbragðsgóður, eins og við var
að búast þegar maður skoðar flytjendalistann.
Og lagasmíðarnar eru bæði vel samsettar og
grípandi. Platan líkist ekki beint neinni annarri
plötu, en á stöku stað kemur Kate Bush
samt upp í hugann, t.d. í poppsmellinum
Unconditional Love.
Tvö síðustu lög plötunnar eru gerð
með bresku hljómsveitinni The
Fancy Toys. Þau eru aðeins léttari
en annað á plötunni, en passa
samt ágætlega inn í heildar-
myndina. Fín lög bæði tvö.
Á heildina litið er Astrocat
Lullaby afbragðsplata. Að mínu
mati besta plata Ragnheiðar
Gröndal til þessa.
Trausti Júlíusson
Niðurstaða: Afbragðspoppplata frá
frábærri söngkonu.
Næsta samstarfsverkefni tísku-
risans H&M verður við ítalska
tískuhúsið Marni og var engin
önnur en Sofia Coppola fengin
til að leikstýra auglýsingu fyrir
verkefnið. Auglýsingin var tekin
upp í Marokkó nú í október og
verður sýnd í kvikmyndahúsum,
sjónvarpi og á Netinu.
Samstarf þessara þriggja á án
efa eftir að verða forvitnilegt og
sagði Coppola í viðtali við WWD.
com að hún hafi haft gaman af
verkefninu. „Mér finnst frábært
að H&M skuli með þessu gera
hátísku aðgengilega öllum og
Consuelo, hönnuður Marni, er
einnig einlægur og áhugaverður
hönnuður sem er annt um vinnu
sína. Þannig að ég naut þess að
vinna með þessum aðilum,“ sagði
leikstjórinn.
Coppola leikstýrir
auglýsingu
VINNUR MEÐ H&M Sofia Coppola var
fengin til að leikstýra auglýsingu fyrir
afrakstur samstarfs H&M og Marni.
NORDICPHOTOS/GETTY
Starfsmenn Herrafataverslunar Kormáks og
Skjaldar hafa tekið sig saman gefið út tímaritið
Spjátrungur en útgáfu þess var fagnað á fimmtu-
dagskvöldið. Tímaritið á að fanga gamlan anda
og hefur verslunin fengið til liðs við sig drengi
úr Leikfélagi Menntaskólans við Hamrahlíð sem
ætla að gefa vegfarendum miðbæjarins tímaritið
um helgina. Margt var um manninn í Kjörgarði
þegar sem skálað var í Bríó.
SPJÁTRUNGAR
FÖGNUÐU
GAMAN SAMAN Nýjasta par bæjarins, þau Bryndís Ásmundsdóttir leikkona og Fjölnir Þorgeirsson hestamaður, létu sig ekki vanta
í útgáfuhófið. FRÉTTABLAÐIÐ/STEFÁN
HERRALEGIR Magnús Berg Magnússon, Emil Guð-
mundsson og Hjalti Axel Yngvason voru ábúðar-
miklir.
EIGENDURNIR Kormákur og Skjöldur voru að vonum
ánægðir með blaðið Spjátrung.
HÖNNUNARHJÓN Þau Bergþóra
Guðnadóttir og Jóel Pálsson hjá Farmers
Market voru vel klædd að vanda.
GÓÐIR GESTIR Júlíus Þorfinnsson, Kristján
Björn Þórðarson og Kristján Jónsson stilltu sér
upp fyrir ljósmyndara.
HRESSAR Jóhanna Marteinsdóttir, Herdís Jónsdóttir, Hildur Gunnlaugsdóttir,
Sigrún Edda og Sigríður Rafnsdóttir fjölmenntu í útgáfuhófið.
REFFILEGIR Guðbrandur, verslunar-
stjóri herrafataverslunarinnar, og Friðrik
Svanur skemmtu sér vel.