Fréttablaðið - 17.12.2011, Síða 140

17. desember 2011 LAUGARDAGUR108
sport@frettabladid.is
DEILDARBIKAR HSÍ mun fara fram á milli jóla og nýárs líkt og síðustu ár. Fjögur efstu liðin í N1-
deildunum fyrir jól taka þátt. Í karlaflokki munu Fram, FH, Haukar og HK etja kappi en í kvennaflokki eru það
Valur, Fram, HK og Stjarnan. Leikið verður í Strandgötu og mótið er spilað 27. og 28. desember.
Maður hefur oft
séð hann spila í
sjónvarpinu en loksins sá
maður þetta beint. Þetta eru
ótrúlegar spyrnur og líka svo
fastar. Það var magnað að
fylgjast með honum.
RAY ANTHONY JÓNSSON
UM DAVID BECKHAM
FÓTBOLTI Fyrir rúmu ári var Grind-
víkingurinn Ray Anthony Jónsson
valinn í landslið Filippseyja. Faðir
Rays er íslenskur en móðir hans
frá Filippseyjum. Þar sem hann
hafði aldrei leikið fyrir A-landslið
Íslands var hann gjaldgengur í fil-
ippseyska landsliðið.
Ray ákvað að stökkva til og taka
slaginn. Hann sér ekki eftir því í
dag. Hann er nýkominn heim eftir
enn eina ævintýraferðina, þar sem
hann lék með landsliðinu gegn
David Beckham og félögum í LA
Galaxy. Leikið var í Maníla á Fil-
ippseyjum.
„Þetta var mögnuð reynsla. Það
var samt leiðinlegt að tapa svona
stórt og í raun algjör óþarfi. Þeir
refsuðu okkur samt grimmilega,“
sagði Ray, en leiknum lyktaði með
6-1 sigri Galaxy. Ray sagði að tals-
vert hefði munað um að tvo fasta
varnarmenn vantaði í lið Filipps-
eyja.
Ray spilar sem vinstri bak-
vörður hjá landsliðinu og batt því
nokkrar vonir við að mæta Beck-
ham, sem leikur oftar en ekki á
hægri kantinum. Beckham lék
aftur á móti sem djúpur miðjumað-
ur í leiknum og Ray gat því lítið
tekið á honum.
Magnað að fylgjast með Beckham
í návígi
„Hann var ekkert mikið að rekja
boltann. Það var ein snerting og
svo snilldarsending. Maður hefur
oft séð þetta í sjónvarpinu en loks-
ins sá maður þetta beint. Þetta eru
ótrúlegar spyrnur og líka svo fast-
ar. Það var magnað að fylgjast með
honum,“ sagði Ray og mátti heyra
að draumur hefði verið að rætast
með því að spila gegn Beckham.
„Daginn fyrir leik fórum við
allir að horfa á æfingu með þeim.
Það eiga margir mynd af sér þar
sem þeir standa við hlið Beckhams
en ég vildi eiga mynd þar sem ég
er að berjast við hann á vellinum.
Ég var spenntastur fyrir að fá svo-
leiðis mynd og hún náðist. Það var
snilld,“ sagði Ray, en hann náði
líka að fara í taugarnar á ofur-
stjörnunni.
„Ég gaf honum óvart olnboga-
skot. Hann var ekki sáttur við
það. Hann bölvaði eitthvað og ætl-
aði svo í ökklann á mér. Hann hitti
mig ekki og var reiður við mig,“
sagði Ray og hló við. „Hann fór
samt lítið í návígi og hoppaði upp
úr öllum tæklingum. Hann vildi
greinilega ekki meiða sig enda
með lausan samning.“
Fékk frí frá æfingu til þess að
biðja um treyju Beckham
Ansi sérstök uppákoma átti
sér stað daginn fyrir leik þegar
stærsta stjarna filippseyska lands-
liðsins, Phil Younghusband, mætti
á blaðamannafund með Beckham
og tryggði sér keppnistreyju Beck-
hams eftir leikinn.
„Hann fékk frí á æfingu til þess
að fara á blaðamannafundinn. Þar
stóð hann upp fyrir framan alla og
spurði hvort Beckham myndi ekki
gefa honum treyjuna eftir leikinn.
Beckham gat ekki sagt nei enda í
erfiðri stöðu. Þetta var helvíti gott
hjá honum,“ sagði Ray. Beckham
deildi út treyjum þennan daginn
því er hann kom af velli afhenti
hann frægasta íþróttamanni Fil-
ippseyja, hnefaleikamanninum
Manny Pacquiao, líka treyju.
„Þetta var líka mjög sérstakur
leikur og okkur leið eins og á úti-
velli enda flestir að styðja Beck-
ham. Við vorum meira að segja
sendir í búningsklefa aðkomuliðs-
ins á meðan Galaxy var í okkar
klefa. Dómgæslan var meira að
segja afar hliðholl Galaxy. Þetta
var alveg magnað.“
50-60 flugferðir á einu ári
Árið hefur verið mikið ævin-
týri fyrir Ray, sem hefur ferðast
á ótrúlega staði, og fram undan er
mikið af spennandi verkefnum.
„Ég er að fara í æfingaferð með
liðinu til Tyrklands í janúar. Svo
förum við til Dúbaí í enda febrú-
ar. Við förum svo á spennandi átta
liða mót í Nepal í byrjun mars. Við
erum því að undirbúa okkur fyrir
það mót. Þar mætum við meðal
annars Suður-Kóreu, Indlandi,
Brúnei og fleirum. Það verður
hrikalega heitt þarna og ég mun
örugglega þurfa 1-2 leiki til þess að
venjast hitanum,“ sagði Ray, sem
bíður engu að síður spenntur eftir
því að fara til Nepal.
„Ég og einn strákur í liðinu
fljúgum venjulega saman í leiki
frá Englandi og við töldum að við
værum búnir að fara 50-60 sinn-
um í flugvél á þessu ári. Við þurf-
um venjulega að fara í þrjú flug í
leiki og jafn mikið til baka. Þetta
er orðið ansi mikið og maður verð-
ur að fara að nýta punktana,“ sagði
Ray léttur.
Bakvörðurinn viðurkennir að
hafa ekki vitað hvað hann væri að
fara út í þegar hann ákvað að taka
slaginn með Filippseyingum.
Mikill uppgangur hjá landsliðinu
„Fyrstu mánuðina var þetta
afar sérstakt. Þá keyrðum við um
í ónýtum rútum. Í fyrsta mótinu
mínu náðum við góðum árangri
og þá komu styrktaraðilar að lið-
inu og eftir það hefur þetta verið
allt annað líf. Nú eigum við tvær
flottar rútur og gistum á almenni-
legum hótelum. Það er mikill upp-
gangur hjá okkur núna og gaman
að taka þátt í þessu,“ sagði Ray
Antony og bætti við að hann væri
búinn að ferðast til flestra landa
í Asíu.
„Þetta er búið að vera frábært
ævintýri og ég sé ekki eftir því að
hafa tekið slaginn. Ég er orðinn 32
ára og ætla að njóta þess að taka
þátt þessi fáu ár sem ég á eftir í
boltanum,“ sagði Ray Anthony
Jónsson. henry@frettabladid.is
Stjarna Filippseyinga tryggði sér
treyju Beckhams á blaðamannafundi
Grindvíkingurinn Ray Anthony Jónsson hefur verið á ferð og flugi síðastliðið ár með landsliði Filippseyja.
Bakvörðurinn hefur lent í ýmsum skemmtilegum ævintýrum á árinu og á dögunum hlotnaðist honum sá
heiður að spila gegn David Beckham. Ray gaf ofurstjörnunni óvart olnbogaskot í leiknum.
SKREFI Á UNDAN BECKHAM Ray Anthony er hér með boltann í leiknum gegn Galaxy og sjálfur David Beckham þjarmar að
Grindvíkingnum. Ray náði að pirra Beckham í leiknum. NORDIC PHOTOS/AP
Hnefaleikakappinn Manny Pacquiao er lang-
stærsta stjarna Filippseyja og í raun algjör
þjóðhetja í landinu. Þjóðlífið hreinlega lamast
þegar hann stígur í hringinn. Pacquiao er farinn
að mæta á flesta leiki hjá Ray og félögum og er í
ágætu sambandi við þá.
„Hann bauð okkur á síðasta bardagann sinn, sem
fór fram um daginn. Ég var búinn að fá fjóra miða
en vinur minn var að gifta sig sömu helgi þannig
að ég varð að gefa það frá mér að þessu sinni,“
sagði Ray.
Í maí er stefnt að því að Pacquiao mæti
Floyd Mayweather, en það yrði stærsti
hnefaleikabardagi sem fram hefur farið
í mörg ár. Ray á möguleika á því að komast þangað í
boði Pacquiao.
„Ég er búinn að tryggja mér miða á þann bardaga ef
hann fer fram. Það er örugglega geðveikt að horfa
á þetta á staðnum. Ég vona bara það besta og von-
andi kemst ég til Las Vegas.“
Margoft hefur verið reynt að láta verða af
bardaga með þessum köppum en það
hefur ekki gengið til þessa. Umboðsmenn
kappanna eru þó nokkuð bjartsýnir á að
það takist að þessu sinni og miðað við
eftirspurnina sem verður eftir miðum á
þennan viðburð er Ray afar heppinn að
fá miða frá þjóðhetju Filippseyja.
Besti boxari heims býður Ray á bardaga
Forvalshópurinn
Markverðir:
Björgvin Páll Gústavsson* Magdeburg
Hreiðar Levý Guðmundsson* Nötteroy
Aron Rafn Eðvarðsson Haukar
Birkir Ívar Guðmundsson Haukar
Aðrir leikmenn:
Arnór Atlason* AG
Ingvar Árnason Viking
Sturla Ásgeirsson Valur
Bjarki Már Elísson HK
Fannar Þór Friðgeirsson Emsdetten
Oddur Gretarsson* Akureyri
Snorri Steinn Guðjónsson* AG
Ólafur Guðmundsson Nordsjælland
Róbert Gunnarsson* RN Löwen
Arnór Þór Gunnarsson Bittenfeld
Ólafur Gústafsson FH
Ásgeir Örn Hallgrímsson* Hannover
Ingimundur Ingimundarson* Fram
Sverre Jakobsson* Grosswallstadt
Rúnar Kárason Bergischer
Kári Kristján Kristjánsson * Wetzlar
Þórir Ólafsson* Kielce
Aron Pálmarsson* Kiel
Alexander Petersson* Füchse Berlin
Ólafur Bjarki Ragnarsson HK
Sigfús Sigurðsson Valur
Guðjón Valur Sigurðsson* AG
Ólafur Indriði Stefánsson* AG
Vignir Svavarsson* Hannover
* Var á HM 2011
HANDBOLTI Guðmundur Guð-
mundsson landsliðsþjálfari þurfti
að senda inn lista með 28 leik-
mönnum til EHF í gær. Aðeins
leikmenn af þessum lista koma
til greina í 16 manna hópinn fyrir
Evrópumeistaramótið í janúar.
Þann hóp þarf að tilkynna eigi
síðar en 14. janúar.
Landsliðsfyrirliðinn Ólafur
Indriði Stefánsson er í hópnum
þó svo að hann sé nýbyrjaður að
spila og hafi gefið í skyn að hann
þurfi að hvíla í janúar. Guðmund-
ur hefur því ekki gefið upp alla
von um að nýta krafta Ólafs en
það kemur í ljós síðar hvort Ólaf-
ur fer með til Serbíu.
Einnig vekur athygli að Sigfús
Sigurðsson er á þessum lista en
Guðmundur opnaði dyrnar fyrir
Sigfúsi á dögunum. Sigfús hefur
tekið sig hraustlega í gegn, er
kominn í ágætis form og vonast
enn eftir því að fá kallið frá Guð-
mundi á nýjan leik.
Ekkert pláss er þó fyrir Ægi
Hrafn Jónsson sem æfði með
landsliðinu á dögunum. Sigur-
bergur Sveinsson er heldur ekki
í myndinni. Þá er áhugavert að
sjá Valsarann fyrrverandi Ingvar
Árnason í forvalshópnum en
hann spilar nú í Noregi. - hbg
Hverjir koma til greina á EM?
Ólafur og Sig-
fús á listanum
SIGFÚS SIGURÐSSON Er í 28 manna
hópnum hjá Guðmundi Guðmundssyni.
FRÉTTABLAÐIÐ/VALLI