Morgunblaðið - 27.08.2010, Blaðsíða 4

4 FréttirINNLENT
MORGUNBLAÐIÐ FÖSTUDAGUR 27. ÁGÚST 2010
Færanlegar kennslustofur voru fluttar á skóla-
lóð Vesturbæjarskóla í fyrrinótt en nota á þær til
að leysa húsnæðisvandræði frístundaheimilis
skólans. Nemendum hefur fjölgað mikið milli ára
og núverandi húsnæði skólans dugar ekki. For-
eldrum líst ekki á skúrana og gagnrýndu þetta
fyrirkomulag harðlega í samtölum við mbl.is.
Slæm skilaboð
Foreldrarnir segjast ætla að berjast fyrir því
að fundin verði önnur lausn á húsnæðisvand-
anum strax. Þórhildur Elín Elínardóttir segir
ástandið ótækt og ef þetta séu skilaboð frá
menntasviði Reykjavíkurborgar séu það ekki
góð skilaboð. Hún segir það ekki koma til greina
að þessir kofar hýsi börn sín og vonar að skúr-
arnir verði fjarlægðir í skjóli nætur. Hún bendir
á að á næstu lóð sé fyrrverandi húsnæði Byko
sem hafi staðið autt í marga mánuði og auðvelt
ætti að vera að innrétta það fyrir starfsemi frí-
stundaheimilisins.
Á fundi menntaráðs Reykjavíkur sl. miðviku-
dag óskaði Kjartan Magnússon, borgarfulltrúi
Sjálfstæðisflokksins, eftir því að leitað yrði ann-
arra leiða til að bæta úr húsnæðisþörf frístunda-
heimilisins en að skerða leikaðstöðu nemenda og
benti á aðstöðu í skólahúsnæðinu eða í lausu hús-
næði í grenndinni. Ragnar Þorsteinsson,
fræðslustjóri Reykjavíkurborgar, sagðist ekki
hafa áhyggjur af húsunum en hefði skilning á því
að leiksvæðið væri aðþrengt.
Foreldrar vilja skúrana af lóðinni
 Færanlegar kennslustofur fluttar í skjóli nætur á lóð Vesturbæjarskóla í Reykjavík
 Móðir segir það ekki koma til greina að skúrarnir hýsi börn sín og bendir á lausn
Morgunblaðið/Jakob Fannar
Kennstustofur við Vesturbæjarskóla Lóðin er lítil og stofurnar bæta ekki úr skák.
Egill Ólafsson
egol@mbl.is
Geysir Green Energy hefur neitað
að veita nefnd sem rannsakar kaup
Magma Energy og HS Orku neinar
upplýsingar um viðskiptin. Fyrir-
tækið hefur óskað eftir að umboðs-
maður Alþingis fari yfir stjórnsýslu-
lega meðferð málsins sem og
lagalegar heimildir að baki störfum
rannsóknarnefndarinnar.
Forsætisráðherra skipaði fyrr í
þessum mánuði nefnd sem vinna á
óháða og sjálfstæða rannsókn sem
lýtur að kaupum Magma Energy
Sweden AB á hlutabréfum í HS
Orku.
„Það er óskýrt í hvaða umboði
þessi nefnd starfar því hún starfar
ekki eftir neinum lögum. Við teljum
þess vegna að við getum ekki tekið
afstöðu til þess hvort hún fái aðgang
að upplýsingum um þessi viðskipti
eða ekki. Við höfum jafnframt lagt
áherslu á að þau gögn sem við af-
hendum nefnd um erlenda fjárfest-
ingu, sem voru öll gögn um viðskipt-
in og allt sem nefndin bað um, séu
bundin trúnaði. Sú nefnd hefur lokið
störfum og skilað niðurstöðum til
okkar,“ sagði Alexander Guðmunds-
son, forstjóri Geysis Green Energy.
Meirihluti nefndar um erlenda
fjárfestingu komst að þeirri niður-
stöðu að kaup Magma á hlut í HS
Orku hefðu farið fram í samræmi við
lög.
Geysir Green Energy hefur óskað
eftir því við umboðsmann Alþingis
að hann kanni og fari yfir stjórn-
sýslulega meðferð málsins sem og
lagalegar heimildir að baki störfum
rannsóknarnefndarinnar enda sé
ljóst að niðurstaða nefndarinnar geti
ekki haft nokkur áhrif á viðskipti
milli einkaaðila og framkvæmda-
valdið geti ekki aðhafast með lög-
mætum hætti gagnvart þeim einka-
aðilum sem um ræðir á grundvelli
niðurstaðna nefndarinnar.
Alexander sagði að þótt stjórnvöld
hefðu ekki enn sem komið er gripið
inn í þetta mál þá hefði verið hætta á
því og sú hætta væri kannski ekki
liðin hjá. „Yfirlýsingar stjórnvalda
hefðu getað sett þessi viðskipti í upp-
nám, þ.e.a.s. gert okkur ókleift að
ljúka viðskiptum upp á 16 milljarða í
okkar helstu eign. Ef svo hefði farið
hefðum við verið skilin eftir í um-
hverfi sem er það óvíst og óöruggt að
það væri erfitt að finna nýja kaup-
endur fyrir einhvers konar sann-
virði.“
Ríkinu boðin aðkoma
Alexander sagði að Geysir Green
hefði í vor boðið ríkinu aðkomu að
formlegu söluferli í HS Orku. Lífeyr-
issjóðirnir hefðu komið að málinu, en
ekkert hefði orðið af viðskiptunum.
Geysir Green hefur sent við-
skiptaráherra bréf þar sem vinnu-
brögðum stjórnvalda er mótmælt og
félagið áskilur sér allan rétt til bóta
verði það fyrir tjóni af völdum að-
gerða ríkisvaldsins.
Í tilkynningu frá félaginu segir að
það harmi þær neikvæðu móttökur
sem fyrsti erlendi fjárfestirinn eftir
hrun fær af hálfu stjórnvalda.
Afhenda nefndinni ekki upplýsingar
Ljósmynd/Víkurfréttir
Viðskipti Ásgeir Margeirsson, Ross J. Beaty og Alexander Guðmundsson.
 Geysir Green segir að nefnd sem rannsakar kaupin á HS-Orku hafi enga stjórnskipulega stöðu
 Fyrirtækið hefur óskað eftir að umboðsmaður Alþingis skoði stjórnsýslulega meðferð þeirra á málinu
Geysir Green
» Geysir Green Energy er fyr-
irtæki á sviði sjálfbærrar orku-
vinnslu. Helstu eignir Geysis
nú eru Jarðboranir hf., meiri-
hluti í Envent Holding Phil-
ippines og hlutur í Enex China.
» Geysir er einn af stofn-
aðilum Keilis, menntastofn-
unar á háskólastigi á Suð-
urnesjum.
Íslandsmeistaramótið í fjallahjólreiðum fór fram í
við Rauðavatn í fyrrakvöld. Hringurinn var sjö
kílómetra langur og bauð upp á venjulega mal-
arvegi, skógarstíga, rótarkafla, malarstíga, gras-
stíga og grófa moldarstíga innan um lúpínu og
annan gróður, eins og segir á heimasíðu hjólreiða-
manna. Þetta var síðasta fjallahjólakeppni sum-
arsins og keppnisdagskránni lýkur um helgina
með fjallabrunmóti í Hlíðarfjalli á Akureyri.
Morgunblaðið/Árni Sæberg
Fjallahjólreiðar á fjölbreyttum stígum
Kennslustofurnar eru tíma-
bundin lausn, segir í tilkynn-
ingu frá Reykjavíkurborg.
Innrétta á stofurnar, lagfæra
þær og bæta aðgengi að
þeim. „Starfsemi hefst ekki í
húsnæðinu fyrr en að eftir-
litsaðilar, eins og heilbrigðis-
og eldvarnareftirlit, hafa
gengið úr skugga um að það
uppfylli þær kröfur sem gerð-
ar eru til skólahúsnæðis,“
segir jafnframt.
Lausn til
bráðabirgða
KRÖFUR UPPFYLLTAR
Vegna áframhaldandi verkefnaskorts
hafa Jarðboranir neyðst til að segja
upp 20 starfsmönnum og taka upp-
sagnirnar til allra deilda félagsins.
Meginástæðan fyrir þessum upp-
sögnum er sá dráttur sem orðið hefur
á fyrirhuguðum framkvæmdum við
orkuöflun í tengslum við álverið í
Helguvík, segir í frétt frá Jarðbor-
unum.
Í fréttinni kemur fram að félagið
hafi neyðst til að fækka starfsmönnum
úr 210 niður í 90 á tveimur árum.
„Ljóst er að áframhaldandi frestun
jarðhitaverkefna hérlendis veldur örð-
ugleikum í starfsemi félagsins. Enn er
þó haldið í þá von að verkefnastaðan
glæðist á næstu mánuðum, sem gerði
kleift að draga einhverjar uppsagnir
til baka.“
Í fréttinni segir að í ljósi breyttrar
stöðu hafi félagið lagt enn meiri
áherslu á verkefnaöflun erlendis, ekki
aðeins á sviði jarðhita sem hafi verið
sérgrein Jarðborana fram að þessu,
heldur einnig á sviði borana eftir olíu
og gasi. Þessi nýja áhersla hafi þegar
skilað dótturfélagi Jarðborana í
Þýskalandi, Heklu Energy, verkefni
við borun eftir gasi í Sviss. Langt sé þó
í land að verkefnaöflun ytra vegi upp
hinn mikla verkefnamissi hér heima.
Segja upp
20 manns