Morgunblaðið - 27.08.2010, Blaðsíða 18

18 FréttirINNLENT
MORGUNBLAÐIÐ FÖSTUDAGUR 27. ÁGÚST 2010
Hjalti Geir Erlendsson
hjaltigeir@mbl.is
Undanfarið hefur átakið „Á allra
vörum“ staðið yfir til styrktar Ljós-
inu sem er endurhæfingar- og
stuðningsmiðstöð fyrir krabba-
meinsgreinda og aðstandendur
þeirra. Ljósið fagnar fimm ára af-
mæli á þessu ári og er tilgangur
átaksins að safna fyrir framtíð-
arhúsnæði undir starfsemina. Söfn-
unarátakið nær svo hápunkti með
skemmtiþætti sem hefst klukkan 21
í kvöld og verður í opinni dagskrá á
Skjá 1.
Einstaklingar sem nýta sér
þjónustu Ljóssins kallast ljósberar
og eiga allir það sameiginlegt að
hafa persónulega reynslu af krabba-
meini. Annað hvort sem sjúklingar
eða sem aðstandendur.
Þegar blaðamaður og ljós-
myndari Morgunblaðsins kíktu í
heimsókn til Ljóssins var þar nóg
um að vera, matarilm lagði um hús-
ið og iðnir ljósberar voru í óða önn
að undirbúa söfnunarþáttinn.
Greinileg stemning var í hópnum og
ekki var laust við að eftirvænting
lægi í loftinu. Ekki mátti sjá bölmóð
eða neikvæðni á nokkrum manni.
Efla lífsgæði fólks
Erna Magnúsdóttir er
forstöðumaður og stofnandi Ljóss-
ins. Hún segir markmið Ljóssins
vera að efla lífsgæði fólks sem
greinist með krabbamein og blóð-
sjúkdóma og aðstandendur þeirra.
„Endurhæfingin snýst meðal
annar um að styrkja andlegan, fé-
lagslegan og líkamlegan þrótt fólks
en kyrrseta og innilokun geta verið
verstu fylgifiskar krabbameins“.
Erna segir starf Ljóssins ekki
síst snúast um að styrkja aðstand-
endur þeirra sem greinist með
krabbamein en sá hópur á það til að
gleymast.
Stuðningurinn er í boði frá
greiningu og eins lengi og þörfin er.
Heilsuefling og handverk
Fjölmargt er á boðstólum hjá
Ljósinu svo sem heilsuefling, hand-
verkstímar og sjúkraþjálfun. Sem
dæmi um handverk sem ljósberum
stendur til boða eru fluguhnýtingar,
trévinna, ullarþæfing og útskurður.
Ljósið á einnig í samvinnu við lík-
amsræktarstöð Hreyfingar í Glæsi-
bæ þar sem ljósberar fá aðgang að
bæði tækjum og leikfimitímum.
Starfsemin er nú til húsa á
Langholtsvegi 43 og þar er alltaf
heitt á könnunni. Hjá Ljósinu má
meðal annars fá hollan hádegisverð
gegn vægu gjaldi og svo er þar
handverk og skartgripir til sölu fyr-
ir þá sem vilja styrkja starfið.
Þó svo meirihluti ljósbera séu
konur þá er starfið hugsað fyrir
bæði kynin. Erna segir að mikið
kapp sé lagt á að hvetja karla sem
greinist með krabbamein til að
koma og taka þátt í starfinu. Þeir
séu oft feimnari við að leita sér að-
stoðar þegar áföll ríði yfir. Ljósið
stendur því fyrir sérstökum
fræðslufundum fyrir karlmenn og
hafa slíkir fundir notið vaxandi vin-
sælda.
Háð styrkjum og framlögum
Starfsemi Ljóssins er að mestu
háð styrkjum og frjálsum fram-
lögum. Starfið hefur vaxið mjög
undanfarin misseri og nú þarf að
tryggja þjónustuna til frambúðar.
„Við höfum alltaf bjargað okk-
ur sjálf en nú er komið að þeim
tímapunkti að við þurfum að
tryggja framtíð Ljóssins. Það er
okkur mikilvægt að eignast eigið
húsnæði,“ segir Erna Magnúsdóttir
og leggur áherslu á að umhverfið
þurfi að vera heimilislegt og nota-
legt.
Meginfjáröflunarleið „Á allra
vörum“ átaksins hingað til hefur
verið sala á Dior varaglossi sem
varla hefur farið fram hjá mörgum.
Salan fór kröftuglega af stað 13.
ágúst síðastliðinn þegar Dorrit Mo-
ussaieff, forsetafrú, festi kaup á
fyrsta varaglossinu en þau seldust
svo upp á undraskömmum tíma.
Söfnunarátakið nær svo hámarki
með sjónvarpsþættinum „Á allra
vörum“ sem verður sendur út beint,
í opinni dagskrá, á Skjá einum
klukkan níu í kvöld.
Meðal þeirra sem leggja út-
sendingunni lið eru fjölmargir af
vinsælustu listamönnum þjóð-
arinnar. Má þar nefna hljómsveitir
á borð við Reiðmenn vindanna,
Diktu, Hjaltalín og Pál Óskar.
„Okkur mikil-
vægt að eignast
eigið húsnæði“
 „Á allra vörum“ safnar nú fyrir framtíðarhúsnæði Ljóssins,
sem er stuðningsmiðstöð fyrir krabbameinsgreinda
Morgunblaðið/Eggert
Útileikfimi Ljósið leggur mikið upp úr hollu líferni, hreyfingu, útiveru og góðum félagsskap. Þessar hressu konur iðkuðu leikfimi og jóga í samræmi við það þegar ljósmyndara bar að.
Hjólatúr Ljósberarnir Magnús og Valgý á leið í hjólatúr.
Nákvæmni Sólveig og Nína Karen sauma hér slæður sem Ljósið selur.
List Sigríður Erna Einarsdóttir ljósberi mundar pensilinn listamannslega.
Ljósberar
» Ljósið er endurhæfingar-
og stuðningsmiðstöð fyrir
krabbameinsgreinda og að-
standendur þeirra.
» Ljósið fagnar fimm ára af-
mæli á þessu ári.
» Söfnunarátakinu „Á allra
vörum“ er ætlað að tryggja
Ljósinu framtíðarhúsnæði.
» Söfnunin nær hámarki í
opinni dagskrá á Skjá 1 í kvöld.