Morgunblaðið - 27.08.2010, Blaðsíða 6

6 FréttirINNLENT
MORGUNBLAÐIÐ FÖSTUDAGUR 27. ÁGÚST 2010
Hjörtur J. Guðmundsson
hjorturjg@mbl.is
„Staðan er í raun bara svipuð og gert
var ráð fyrir í upphafi. Það er verið
að vinna að undirbúningi þessa dag-
ana eftir að framkvæmdastjórn Evr-
ópusambandsins samþykkti að hefja
viðræður við Ísland,“ segir Árni Þór
Sigurðsson, formaður utanríkis-
málanefndar Alþingis.
Nefndin sat á fundi í gær þar sem
farið var yfir stöðu umsóknarinnar
um inngöngu í Evrópusambandið.
Meðal þess sem rætt var um var
hvort það ferli sem hófst með um-
sókninni kallaði á aðlögun Íslands að
stofnanakerfi og löggjöf sambands-
ins. Sagðist Árni telja að engar kröf-
ur um slíkt yrðu gerðar fyrr en inn-
ganga hefði verið samþykkt.
Áhyggjur af íhlutun
„Fyrir það fyrsta tel ég að ríkis-
stjórnin sé komin með þetta mál
langt út í skurð. Það sem mér fannst
annars athyglisverðast frá þessum
fundi er að nú ætlar Evrópusam-
bandið að koma hingað til lands og
hafa beina íhlutun í mjög umdeilt
pólitískt deilumál,“ segir Sigurður
Kári Kristjánsson, þingmaður Sjálf-
stæðisflokksins, sem sat fund utan-
ríkismálanefndar. „Þetta ætla þeir
að gera með því að veita hingað stór-
kostlega fjármuni til uppbyggingar í
stjórnkerfinu og greiða kostnað
vegna alls kyns sérfræðiráðgjafar
vegna innleiðingar löggjafar sam-
bandsins.“
Þá segir Sigurður að til standi að
verja háum fjárhæðum til upplýs-
ingagjafar um málið hér á landi. Til-
gangur þessa sé sá einn að hafa bein
og óbein áhrif á umræðuna í þjóð-
félaginu. „Þetta veldur manni
áhyggjum af því hvernig lýðræðisleg
umræða um málið verður hér.“
Deilt um stöðu Evrópumálanna
 Utanríkismálanefnd Alþingis fundaði í gær um stöðu umsóknarinnar um inngöngu í Evrópusam-
bandið  Ríkisstjórnin komin með málið langt út í skurð, segir þingmaður Sjálfstæðisflokksins
Evrópumálin
» Formaður utanríkismála-
nefndar Alþingis segir Evrópu-
málin í svipuðum farvegi og
gert var ráð fyrir.
» Þingmaður Sjálfstæð-
isflokksins segir ljóst að Evr-
ópusambandið ætli sér að hafa
bein og óbein áhrif á um-
ræðuna í krafti fjármagns.
Sigurður Kári
Kristjánsson
Árni Þór
Sigurðsson
FRÉTTASKÝRING
Halldór Armand Ásgeirsson
haa@mbl.is
Andrúmsloftið var þrungið spennu í
kjallara höfuðstöðva Landsvirkjunar
við Háaleitisbraut í gærdag þegar til-
boð sem Landsvirkjun bárust í bygg-
ingarvinnu við Búðarhálsvirkjun
voru opnuð klukkan 14:00. Fyrirfram
var búist við því að mögulega myndi
lægsta boðið berast frá kínversku
fyrirtæki. Annað kom hins vegar á
daginn.
Athöfnin var mjög formleg og
hvert og eitt af tilboðunum sjö var
tekið upp úr pakkningum og lesið
upp fyrir viðstadda verktaka sem á
víxl mauluðu kleinur og dreyptu var-
lega á kaffi í algerri þögn meðan þeir
skrifuðu niður hjá sér tölurnar og
reiknuðu út áhrifamátt þeirra.
Sérkennilega slæm boð
Verkinu er skipt í þrjá hluta og
hægt var að bjóða í einn þeirra, tvo
eða alla. Jafnframt mátti bæði bjóða í
íslenskum krónum og erlendri mynt.
Búðarafl sf., sem er samvinnuverk-
efni Íslenskra aðalverktaka og sviss-
neska verktakafyrirtækisins Marti,
átti lægsta boð í fyrsta hlutann,
Sporðöldustíflu, sem hljóðaði upp á
2,3 milljarða króna. Það er 91,3% af
kostnaðaráætlun.
Ístak hf. bauð 2,4 milljarða og Suð-
urverk hf. 2,5 milljarða. Kínverska
fyrirtækið China International Wa-
ter & Electric (CWE) bauð hins veg-
ar rétt rúmlega 2 milljarða í íslensk-
um krónum plús rúmlega 81 milljón
bandarískra dollara. Það eru samtals
tæplega 12 milljarðar króna sem er
471,6% hærra en kostnaðaráætlun.
Ístak átti lægsta boð í annan verk-
hluta, aðrennslisgöngin, og það hljóð-
aði upp á rúmlega 4,1 milljarð króna,
eða 74% af kostnaðaráætlun. Þýska
fyrirtækið DYWIDAG (DSI) bauð
4,3 milljarða í íslenskum krónum plús
58 milljónir dollara. Það gerir sam-
tals rúmlega 11 milljarða króna og er
202,5% hærra en kostnaðaráætlun.
Búðarafl bauð 4,7 milljarða. CWE
bauð 3,6 milljarða í íslenskum krón-
um plús 107 milljónir dollara sem
samtals eru um 16,5 milljarðar
króna og tæplega 300% hærra en
upphæðin í kostnaðaráætlun.
Búðarafl átti aftur lægsta til-
boð í þriðja og síðasta verkhlut-
ann, stöðvarhúsið, og það hljóðaði
upp á 78,7% af kostnaðar-
áætlun eða 3,6 milljarða.
Ístak bauð örlítið
hærra. Önnur tilboð
frá Eykt ehf. og Já-
verki ehf. voru nokkru
hærri en aftur voru Kínverjarnir
víðsfjarri; þeir buðu 2,3 milljarða
króna plús 69 milljónir dollara sem
eru samtals tæpir 11 milljarðar króna
– 235,5% hærra en kostnaðaráætlun.
Í þessum tölum er ekki gert ráð
fyrir mögulegum afslætti sem býðst
ef gengið er til samninga við sama
fyrirtæki um fleiri en einn verkþátt.
Því er ljóst að lægsta boð segir ekki
alla söguna í þessum efnum. Þegar
tilboðin höfðu verið lesin upp var
furðusvipur á mörgum gestum og
verktakar hófu að stinga saman nefj-
um yfir kaffibollunum enda þótti
mörgum erlendu tilboðin sérkenni-
lega há. Þær raddir heyrðust að jafn-
vel væri um mistök að ræða og upp-
hæðirnar í erlendu tilboðunum sem
boðnar voru í erlendri mynt væru
rangar. Tilboð CWE í fyrsta verk-
hlutann einan og sér var til dæmis
hærra en heildarupphæð kostnaðar-
áætlunar fyrir Búðarhálsvirkjun.
Nú mun Landsvirkjun fara yfir og
bera saman tilboðin sem bárust. Í
þessu ferli verður jafnframt farið yfir
hvort upphæðirnar sem nefndar eru í
tilboðunum eru réttar. Þetta ferli
getur tekið um sex vikur. Þó verður
að taka fram að viðstöddum í gær
bauðst að gera athugasemdir við
upplestur tilboðanna en það var ekki
gert. Ekki náðist í talsmenn CWE í
gær.
Lægstu tilboðin íslensk
 Tilboð í byggingarvinnu við Búðarhálsvirkjun voru opnuð í gær  Tilboð kín-
verska fyrirtækisins CWE var svo hátt að grunur er um að um mistök sé að ræða
Matvælastofnun
hefur opnað aft-
ur ræktunar-
svæði kræklings
í Eyjafirði sem
lokaðist þann 16.
ágúst síðastlið-
inn, en PSP löm-
unareitur mæld-
ist þá yfir
viðmiðunarmörkum í kræklingi úr
firðinum, segir á heimasíðu Mat-
vælastofnunar.
Nýjar niðurstöður þörungaeit-
ursrmælinga sýna að þörungaeitrið
er horfið úr kræklingnum og því er
hættuástandi hér með aflýst. Sam-
kvæmt niðurstöðum Hafrannsókn-
arstofnunarinnar hvarf þörung-
urinn sem olli eitruninni af
ræktunarsvæðinu fljótlega eftir að
eitrunin kom upp og hefur lítið sést
til hans síðan.
Ræktunarsvæði kræklings í
Breiðafirði eru einnig opin til fram-
leiðslu á krækling eða bláskel eins
og hún er gjarnan kölluð í dag.
Þörungaeitur horfið
úr kræklingi
Richard Loch-
head, sjáv-
arútvegs-
ráðherra
Skotlands, segir
að háttsettir
fulltrúar fram-
kvæmdastjórnar
Evrópusam-
bandsins (ESB)
hafi fullvissað sig um að framganga
Íslendinga við makrílveiðar verði
höfð í huga þegar tekin verði af-
staða til aðildarumsóknar þeirra í
ESB. Þetta kom fram á fréttavef
Daily Telegraph í gær. Þá segir
Lochhead að ákvörðun Færeyinga
og Íslendinga um að auka veiðar á
makríl muni skemma fyrir fisk-
veiðum Skota. Hann sakar þjóð-
irnar um að „ryksuga“ stofninn og
ræna arðinum af verndunar-
aðgerðum fiskveiðistjórnunar ESB.
Lochhead kvaðst hafa verið full-
vissaður um að stækkunarstjóri
ESB ætli að hafa stöðu makrílmál-
anna í huga í aðildarviðræðunum
við ESB.
Makríll hefur áhrif
á aðildarumsókn
Hörður Arnarson, forstjóri
Landsvirkjunar, segist vera
ánægður með útboð Landsvirkj-
unar um byggingarvinnu við
Búðarhálsvirkjun. Tilboðin voru
opnuð í gær. „Þetta eru öflug
fyrirtæki sem lögðu inn tilboð
og við erum ánægð með það.
Við þurfum núna að bera til-
boðin saman.“ Að sögn Harðar
getur tekið sex vikur að fara yfir
tilboðin og þá geti samningar
hafist. Hörður segir jafnframt
að unnið sé að fjármögnun
virkjunarinnar. „Það er
verið að vinna að því núna
samhliða tilboðunum. Við
erum í viðræðum við er-
lenda banka um fjár-
mögnunina. Við bindum
vonir við að klára
hana sem fyrst en
það er ekkert
öruggt í þessum
efnum enn.“
Unnið að
fjármögnun
HÖRÐUR ARNARSON
Hörður
Arnarson
Morgunblaðið/Eggert
Tilboð Mikil spenna var í höfuðstöðvum Landsvirkjunar þegar tilboðin í byggingarvinnu við Búðarhálsvirkjun voru opnuð í gær.
Íslendingar eiga rétt á að veiða
makríl í sinni lögsögu en þeir vilja
komast að samkomulagi við aðrar
þjóðir um veiðarnar, að því er Jón
Bjarnason, sjávarútvegs- og land-
búnaðarráðherra, sagði í samtali
við Channel 4 í Bretlandi í gær.
Hann benti á að Ísland ætti rétt á
veiðunum sem strandríki.
Jón hefur rætt við fjölmiðla í
Bretlandi síðustu daga um makríl-
veiðar Íslendinga. Jón sagði í sam-
tali við Channel 4 að hann teldi að
hlýnun sjávar í kringum Ísland ætti
sinn þátt í auknum makrílgöngum.
Erum í fullum rétti
til makrílveiða