Morgunblaðið - 15.01.2011, Qupperneq 16

16 FRÉTTIRinnlent
MORGUNBLAÐIÐ LAUGARDAGUR 15. JANÚAR 2011
Ágúst Ingi Jónsson
aij@mbl.is
Nú er áætlað að smíði á nýju skipi
fyrir Ísfélagið í Vestmannaeyjum
ljúki í byrjun næsta árs í Asmar,
skipasmíðastöð sjóhersins í Chile.
Varla kom rispa á skipið í jarð-
skjálftanum stóra sem reið yfir
Chile fyrir tæpu ári og flóðbylgjunni
sem á eftir fylgdi. Hins vegar urðu
miklar skemmdir á skipasmíðastöð-
inni og var hún vart starfhæf fyrst
eftir hamfarirnar.
Stefán Friðriksson, fram-
kvæmdastjóri Ísfélagsins, segir að
samkvæmt eldri samningi hafi verið
gert ráð fyrir að skipið kæmi til
landsins í lok nýliðins árs. Vegna
hamfaranna hafi tafir orðið á smíð-
inni og nú reiknar hann ekki með að
skipið verði afhent fyrr en eftir heilt
ár. Skipið sjálft hafi ekkert
skemmst, en eitthvert tjón hafi orðið
á búnaði sem átti að fara í skipið.
Hamfarirnar hafi verið gífurlegar og
hafi haft mikil áhrif á allt samfélagið
í Chile.
Ísfélagið hafði samið um smíði
tveggja skipa í Chile, en Asmar
skipasmíðastöðin treystir sér ekki til
að afhenda seinna skipið. Stefán
sagði að ekkert væri við því að gera
og sagðist ekki reikna með að af
smíði þess yrði.
Kemur ekki ef ekki verður
grundvöllur fyrir rekstri
Nýja skipið hefur vinnuheitið
Snorri og er 71 metri að lengd og
14,4 metrar að breidd. Skipið er
tankaskip þar sem besta mögulega
aðstaða verður til að kæla afla í
tönkum.
Að sögn Stefáns er þó óvíst hvort
skipið bætist í uppsjávarflota Ís-
lendinga á næsta ári eða fer eitt-
hvert annað. „Staða sjávarútvegsins
hér á landi og það rekstrarumhverfi
sem okkur verður skipað að búa við
er í upnámi og við vitum ekki hvað
tekur við,“ sagði Stefán. „Skipið
kemur ekki hingað ef ekki verður
grundvöllur fyrir rekstri þess. Við
bíðum eftir að heyra hvaða útspil
kemur frá ráðamönnum.“
Nýtt skip Ísfélagsins væntan-
legt frá Chile eftir eitt ár
 Óvissa í sjávarútvegi og óljóst rekstrarumhverfi gæti sett strik í reikninginn
Ljósmynd/Ísfélagið
Í smíðum Ekki urðu skemmdir á skipinu í skjálftanum og flóðbylgjunni og stóð það óskemmt í slippnum í Talcahuano skammt frá Concepcion í Chile. Hins veg-
ar varð mikið tjón á stöðinni og tefst afhending skipsins fram á næsta ár. Eftirlitsmaður frá Ísfélaginu fylgist með smíðinni og er myndin tekin fyrir mánuði.
Umhverfis- og náttúruvernd-
arsamtök á Íslandi fagna ábyrgri af-
stöðu Landsvirkjunar, sem hefur
lýst því yfir að ekki verði ráðist í
rannsóknarboranir í Gjástykki áður
en fyrir liggi niðurstaða stjórnvalda
um friðlýsingu Gjástykkis.
Samtökin segja í yfirlýsingu eng-
um vafa undirorpið að Gjástykki sé
eintakt svæði á heimsvísu og rík-
isstjórn Íslands sé einhuga um að
friðlýsa svæðið algerlega.
Þá segja samtökin að leyfi Orku-
stofnunar til rannsóknarborana í
Gjástykki virði að vettugi umsagnir
umhverfisráðuneytisins og fagstofn-
ana þess.
Fagna afstöðu
Landsvirkjunar
til Gjástykkis
Í fyrra voru skráðar 864 komur í
Kvennaathvarfið sem er mun fleiri
komur en nokkru sinni áður í 28 ára
sögu athvarfsins. Alls leituðu 375
konur í athvarfið á árinu, 118 í dvöl
en 257 í viðtöl. Með dvalarkonum
komu 54 börn.
Meðalaldur kvenna sem komu í
athvarfið á síðasta ári er 37 ár en
þær voru á aldrinum 17 til 70 ára.
Börnin voru frá nokkurra vikna
gömlum upp í 17 ára. Konur dvöldu
allt frá einum degi upp í 86 daga en
meðaldvöl var tvær vikur. Konur
með börn dvöldu að jafnaði lengur
en barnlausar konur, eða í 18 daga
að meðaltali. Að aflokinni dvöl fóru
30% kvennanna heim aftur í óbreytt-
ar aðstæður, 12% fóru heim í breytt-
ar aðstæður og álíka margar í nýtt
húsnæði.
Konurnar voru að flýja ofbeldi í
nánum samböndum. Í um helmingi
tilfella er ofbeldismaðurinn eig-
inmaður eða sambýlismaður en
þriðjungur fyrrverandi makar. Of-
beldismennirnir voru á aldrinum 16
til 70 ára, að meðaltali 40 ára.
13% kvennanna höfðu kært of-
beldið til lögreglu.
Aldrei fleiri
leitað til
athvarfsins
54 börn í skjól
Hugrún Halldórsdóttir
hugrun@mbl.is
Töluverð röskun hefur orðið á áætl-
unarferðum Herjólfs milli lands og
Eyja frá opnun Landeyjahafnar í júlí
síðastliðnum. Vegna sand- og aur-
burðar var Landeyjahöfn lokuð í þó-
nokkurn tíma í vetur en eins og sjá
má á meðfylgjandi töflu var Herjólfi
stýrt til sinnar gömlu hafnar í Þor-
lákshöfn í allmörgum ferðum.
Að sögn Guðmundar Petersen,
rekstrarstjóra Herjólfs hjá Eimskip,
voru 11 ferðir felldar niður í byrjun
september vegna veðurs en þá hafði
Vegagerðin ekki tekið þá ákvörðun að
nýta Þorlákshöfn í slíkum tilfellum. „Í
upphafi átti það ekki að þurfa. Það
var svo tekin ákvörðun um að sigla til
Þorlákshafnar 8. september og þang-
að var siglt til 17. september vegna
veðurs.“
Vegna dýpisvandamála í Landeyja-
höfn var ákveðið að sigla til Þorláks-
hafnar allan október og fyrstu fimm
daga nóvembermánaðar. Þá var einn-
ig siglt til Þorlákshafnar í 10 ferðum í
lok nóvember vegna sömu vanda-
mála. Á þessum tveimur mánuðum,
október og nóvember, var alls 81 ferð
farin til Þorlákshafnar vegna dýpk-
unarvandamála. Guðmundur segir
dýpið hafa verið í lagi síðan þá. Vegna
óhagstæðra veður- og/eða sjávarskil-
yrða var nokkrum ferðum í desember
og janúar beint til Þorlákshafnar eða
þær felldar niður.
Aðspurður segist Guðmundur
bjartsýnn á framhaldið. „Það þarf
bara að gefa höfninni tíma til þess að
þeir sem dýpka læri á hana. Við höf-
um fulla trú á því að þetta verði fram-
tíðarhöfn fyrir Vestmannaeyjar.“
81 ferð til Þorlákshafnar
vegna dýpisvandamála
 Bjartsýni ríkir
um framtíð Land-
eyjahafnar
Ferðir Herjólfs frá opnun Landeyjahafnar
Mánuður Ferðir Ferðir farnar Ferðir farnar Samtals
felldar niður í Landeyjarhöfn í Þorlákshöfn farnar ferðir
Júlí* 1 60 0 60
Ágúst 0 147 0 147
September 14 56 24 80
Október 0 0 62 62
Nóvember 6 74 22 96
Desember 3 92 11 103
Janúar** 10 40 3 43
*frá og með 21. júlí ** Til og með 14. janúar
Ljósmynd/Vignir Egill
LÁGMÚLI
Þóroddur S. Skaptason lögg. fasteignasali
GARÐATORGI 7
210 GARÐABÆ
Sími 545 0800
gardatorg@gardatorg.is
www.gardatorg.is
Til leigu eða sölu mjög
glæsilegt og vel útbúið
samtals 397,7 fm
skrifstofuhúsnæði á
frábærum stað við Lágmúla
7 í Reykjavík. Um er að ræða
alla 5. hæðina auk 40 fm
geymslu í kjallara, hæðin var
hönnuð af Go Form arkitektum. Húsið er í toppstandi að utan sem
innan. Næg bílastæði.
Sölumaður: Arnar Sölvason GSM 896-3601