Morgunblaðið - 19.01.2011, Blaðsíða 6

VIÐTAL
Kjartan Kjartansson
kjartan@mbl.is
„Það er skemmtilegra að vera þar um vetur
heldur en hér. Það er meira að gera þar,“ segir
hinn 24 ára gamli Pétur Kristján Guðmunds-
son um borgina Innsbruck í Austurríki en
hann hafði lagt stund á snjóbretti um þrettán
ára skeið og því mikill áhugamaður um vetr-
aríþróttir. Þar hafði hann dvalið í rúmlega
mánuð ásamt unnustu sinni og var ætlun
þeirra að búa þar í vetur.
Á nýársnótt skárust örlögin hins vegar í
leikinn þegar Pétur féll niður af klettum með
þeim afleiðingum að hann hryggbrotnaði og
lamaðist fyrir neðan mitti. Hann segir það
hafa verið hörmung þegar læknirinn sagði
honum frá ástandi hans í kjölfar slyssins.
„Það var það fyrsta sem ég fékk að heyra frá
lækninum sem skar mig upp eftir tveggja daga
dá. Hann sagði við mig að ég myndi ekki labba
aftur. Ég spurði hann hvort að það væri 100%.
Hann svaraði 99,9%,“ segir Pétur. Hann lætur
þó ekki deigan síga enda segir hann læknana
verða að segja slíkt til að byggja ekki upp von-
ir að óþörfu hjá fólki. „Ég veðja á þetta 0,1%.“
Rann fram af klettum í myrkrinu
Slysið sem breytti lífi Péturs átti sér stað á
nýársnótt en hann hafði gert sér ferð upp að
skíðasvæði til þess að horfa á flugeldana á mið-
nætti. Skíðasvæðið er beint fyrir ofan bæinn
og því gott útsýni þaðan yfir flugeldasýn-
inguna. Að henni lokinni segir Pétur að hann
og vinur hans hafi ákveðið að ganga heim.
Eftir að Pétur féll niður klettana klifraði
vinur hans niður til hans sem Pétur segir tölu-
vert afrek þar sem algert myrkur hafi verið á
staðnum. Hann hafi þegar hringt á neyð-
araðstoð en þeir hafi þurft að bíða í tvo tíma
eftir að leitarmenn fyndu þá í myrkrinu í mikl-
um kulda. „Við lágum þarna þétt saman í tvo
tíma. Það var ekkert annað að gera,“ segir
Pétur en læknarnir sögðu honum að líkamshiti
hans hefði verið kominn niður í 34 gráður þeg-
ar hjálp loks barst.
Fyrir utan mænuskaðann blæddi inn á heila
Péturs, annað lungað féll saman að hluta til og
rifbein brotnuðu. Þurftu læknar að pumpa
þremur lítrum af blóði úr lungunum vegna
áverkanna. Það segir hann þó hafa jafnað sig á
sjúkrahúsinu úti og sárið sem hann fékk eftir
aðgerðina á bakinu grói vel.
Fjölskyldan hefur staðið þétt við bakið á
Pétri eftir slysið en hann á tvo bræður.
„Mamma býr í Þýskalandi og eldri bróðir minn
í Danmörku en þau komu öll út til mín. Fyrir
utan pabba sem kom fljótlega voru þau öll
komin þegar ég vaknaði á spítalanum,“ segir
Pétur en honum var haldið sofandi í tvo sólar-
hringa. Unnusta hans, Anna Ósk Stef-
ánsdóttir, hefur einnig reynst honum styrk
stoð á þessum vikum. „Ég gæti þetta ekki án
hennar.“
Ætlar að nota fæturna aftur
Á fimmtudag kom Pétur svo heim en flugvél
Landhelgisgæslunnar var send eftir honum og
er það lengsta sjúkraflug sem Gæslan hefur
flogið frá upphafi. Síðan þá hefur hann dvalið á
endurhæfingardeild Landspítalans á Grensási
þar sem hann er byrjaður í stífri endurhæfing-
ardagskrá.
Pétur segir erfitt að segja til um framhaldið
hjá sér enda stutt síðan slysið varð. „Ég veit í
rauninni ekki neitt. Ég held bara fast í það sem
ég get gert. Svo ætla ég jú að rústa þessari
endurhæfingu svo að ég nái sjálfstæði.“
Hann segist búast við að dveljast inni á
Grensásdeild eitthvað fram á vor þar sem ver-
ið er að kenna honum að lifa í hjólastól svo
hann verði engum háður. „Ég lít samt á þenn-
an hjólastól sem tímabundna lausn. Ég ætla að
nota þessa fætur aftur,“ segir Pétur ákveðinn
að lokum.
Ætlar að nota fæturna aftur
 Læknar í Austurríki gáfu honum litla sem enga von um að hann gæti nokkru sinni gengið aftur
 Pétur Kristján segist líta á hjólastólinn, sem verið er að kenna honum á, sem tímabundna lausn
Morgunblaðið/RAX
Grensás Pétur er nú í stífri endurhæfingu á Grensásdeild. Eva móðir hans var þar í gær honum til stuðnings þegar blaðamann bar að garði.
6 FRÉTTIRInnlent
MORGUNBLAÐIÐ MIÐVIKUDAGUR 19. JANÚAR 2011
Pétur er mikill áhugamaður um kvikmyndagerð en hana hefur hann lært sjálfur. Vakti
Canon 5D-myndavél Ragnars Axelssonar, ljósmyndara Morgunblaðsins, mikinn áhuga
hans en hana segir Pétur hafa gjörbylt kvikmyndagerð og hefur hug á að eignast slíka
sjálfur. Hingað til hefur hann meðal annars gert snjóbrettamynd og fjölda stuttmynda en
mestan áhuga hefur hann á náttúrumyndum. Hann er þegar kominn með markmið fyrir
sumarið.
„Ég er með sumarið planað. Ég ætla að vera með tjaldvagn og bíl og vera úti í nátt-
úrunni. Ég ætla að filma Ísland og sýna það eins og það hefur aldrei verið sýnt áður.“
Segir hann nauðsynlegt fyrir sig að hafa verkefni í hausnum. „Ég þarf að hafa eitthvað
til að stefna að, annars kemur vonleysið,“ segir hann.
Hægt verður að fylgjast með verkefninu á heimasíðu hans, www.trailerparkstudios.net,
en þar má einnig finna hugleiðingar hans um kvikmyndagerð og öll verk hans á sviði
kvikmyndagerðar hingað til.
Einbeitir sér að kvikmyndagerð
ÁHUGAMAÐUR UM KVIKMYNDAGERÐ
ódýrt alla daga
Grillaður kjúklingur og
Pepsi eða Pepsi Max, 2 l
1198kr.tvennan Það var nóg vatn að blessa í Nauthólsvík í gærkvöldi
þegar prestur rússnesku rétttrúnaðarkirkjunnar,
Timor Zolotutskyi, blessaði vatnið að fornum sið kirkj-
unnar sem hér á landi felst í blessun sjávar.
Athöfnin var hluti af sameiginlegri bænaviku þjóð-
kirkjunnar sem nú stendur yfir. Meðal þess sem gerist í
vikunni eru bænastundir hjá ýmsum trúfélögum, sam-
komur ungs fólks og kyrrðarstundir. Þá verður sam-
kirkjuleg bænaganga á Úlfarsfell á laugardaginn, ef
veður leyfir.
Morgunblaðið/Golli
Blessaði vatnið að fornum sið