Morgunblaðið - 19.01.2011, Blaðsíða 32

32 MINNINGAR
MORGUNBLAÐIÐ MIÐVIKUDAGUR 19. JANÚAR 2011
✝ Pétur Jónssonfæddist í Reykja-
vík 9. júní 1921. Hann
lést á Landspít-
alanum við Hring-
braut 6. janúar 2011.
Foreldrar hans
voru Jón Bjarnason, f.
3.6. 1891, d. 12.10.
1975, og Margrét
Grímsdóttir, f. 19.9.
1892, d. 3.10. 1951.
Pétur var elstur fjög-
urra systkina. Hin
yngri eru: Bjarni, f.
1923, d. 1989, Sig-
urður, f. 1926, d. 2007, Hrefna, f.
1929.
Pétur kvæntist 8.5. 1942 Guð-
rúnu Sigríði Konráðsdóttur, f. 4.11.
1919, d. 11.7. 2000. Þau eignuðust 8
börn: 1) Margrét, f. 1942. Eig-
inmaður hennar er Illugi Ósk-
arsson, þau eiga 4 börn; Pétur Kon-
ráð, Eygló, Elínu, og Elías Óskar og
11 barnabörn. 2) Kristín Thea, f.
1945, hún á eina dóttur; Guðrúnu
Sigríði. 3) Auður, f. 1947. Eig-
inmaður hennar er Gordon Chu-
rukian, þau eiga 3 börn; Gordon,
Daníel Pétur, Kristu. Barnabörnin
eru 4 en þau eru öll búsett í Banda-
ríkjunum. 4) Hjördís, f. 1950. Eig-
inmaður hennar er Björn Haf-
steinsson. Hún á 3 syni; Pétur,
Eirík, og Hilmar Frey og 2 barna-
börn. 5) Hrönn, f.
1952. Eiginmaður
hennar er Jóhann Ei-
ríksson. Þau eiga 3
börn; Sævar Þór, Jó-
hann Pétur og Jónu
Margréti og 5 barna-
börn. 6) Þóra, f. 1953.
Eiginmaður hennar
var Guðni G. Guð-
mundsson, d. 1981.
Þau eignuðust 3 börn;
Ragnheiði, Viðar
Örn, Guðnýju Grétu
og 6 barnabörn. Sam-
býlismaður Þóru er
Ólafur Rögnvaldsson, þau eiga eitt
barn; Dóru Björk. 7) Sigurður, f.
1957. Eiginkona hans er Sigríður
Magnúsdóttir. Þau eiga 3 syni;
Magnús Guðberg , Konráð Vigni,
Birki Þór og 2 barnabörn. 8) Jón, f.
1959, sambýlismaður hans er Hall-
dór Halldórsson.
Pétur lauk námi í vélvirkjun og
rennismíði frá Iðnskólanum í
Reykjavík og vann í Landssmiðj-
unni þar til hann stofnaði vélsmiðj-
una Afl ásamt félögum sínum. Á ár-
unum 1974-1991 var Pétur
verknámskennari við málmiðn-
aðardeild Iðnskólans í Reykjavík og
kenndi vélvirkjun og rennismíði.
Útför Péturs fer fram frá Foss-
vogskirkju í dag, 19. janúar 2011,
og hefst athöfnin kl. 13.
Elsku pabbi minn, nú ertu farinn
úr þessu jarðneska lífi og kominn til
þíns lífsförunautar, hennar mömmu.
Ég mun ætíð minnast morgun-
stundanna okkar með söknuði og
þakklæti. Við gátum talað um allt á
milli himins og jarðar, og vorum við
nú ekki alltaf sammála um allt,
pabbi minn, en mikið þótti okkur
gaman að þrasa um þá hluti.
Ég er afar þakklátur fyrir að
hafa kynnst þér nánar síðustu ár og
þú mér. Við skiljumst nú að, ekki
bara sem faðir og sonur, heldur
kærir vinir.
Takk fyrir allt, pabbi minn. Megi
Guð vernda ykkur mömmu og gefa
ykkur ánægjulega endurfundi og
veita okkur systkinunum styrk til
að takast á við missinn og fylla
tómarúmið sem þú skilur eftir með
kærum minningum um þig.
Sjáumst síðar.
Þinn sonur,
Jón.
Kveðja frá samstarfsfólki við
Iðnskólann í Reykjavík
Enn kvarnast úr hópi starfs-
manna sem þróuðu og mótuðu starf
Iðnskólans í Reykjavík á áttunda
áratug síðustu aldar, nú er fallinn
frá Pétur Jónsson vélsmíða- og
rennismíðameistari. Pétur hóf störf
við skólann árið 1973 en hafði þá
um árabil starfað við iðngrein sína,
síðast í Landsmiðjunni.
Pétur var afbragðskennari, íhug-
ull og vandvirkur iðnmeistari sem
lagði kapp á að undirbúa nemendur
sína sem best undir skapandi ná-
kvæmisstörf í öflugum málm- og
rafiðnaði. Við skólann starfaði Pét-
ur með stórum hópi samhentra
starfsmanna við kennslu í einni af
fjölmennustu deild skólans, grunn-
deild málmiðna, og um árabil var
nemendafjöldinn þar á þriðja
hundrað sem dreifðist á átta sér-
hæfð verkstæði þar sem allir
grunnþættir málmiðnastarfa voru
kenndir. Þarna nýttist frumkvæði
og þekking Péturs sérstaklega vel.
Hann hannaði og útbjó fjölmörg
smíðaverkefni sem skólinn notaði
um árabil við kennsluna og þegar
framhaldsdeild í vélsmíði og renn-
smíði var stofnuð við skólann árið
1975 var eðlilegt að hann tæki að
sér uppbyggingu og stjórnun þar.
Lengst af störfuðu saman vinirnir
Pétur og Sólon Lárusson við þessa
öflugu deild sem tók við nemendum
úr grunndeildinni og menntuðu þá
áfram að starfsþjálfun og sveins-
prófi.
Framhaldsdeildin hóf starfsemi
sína á Skólavörðuholti en sprengdi
það rými fljótlega og flutti þá í
verklegar stofur fyrrum Gagn-
fræðaskóla verknáms en Fjöl-
brautaskólinn við Ármúla var stað-
settur í bóknámsálmu húsnæðisins.
Báðir voru þeir félagar fastir fyrir
og ákveðnir þrátt fyrir að vera ein-
stakir ljúflingar við nemendur sína
og þegar mennta- og fræðsluyfir-
völd borgar og ríkis hugðust breyta
húsnæðinu í bóknámsstofur fyrir
ört vaxandi fjölbrautaskóla var okk-
ar mönnum að mæta. Þeir kölluðu
til fjölmiðlafólk og við lá að þeir
hlekkjuðu sig við steða og renni-
bekki til að mótmæla þeirri ósvinnu
að breyta sérútbúinni verknámsað-
stöðu í bóknámsstofur. Þetta töldu
þeir félagar og við samstarfsmenn
þeirra sýna í hnotskurn það skiln-
ingsleysi sem löngum hefur verið
gagnvart verklegu námi í íslenska
skólakerfinu. En það mál leystist í
fullum vinskap og um árabil var
framhaldsdeildin starfrækt á
Smiðjuvegi 9 í Kópavogi undir
merkjum Iðnskólans.
Pétur var einkar hlédrægur mað-
ur og tranaði sér hvergi fram en
þegar hann talaði var hlustað með
athygli á það sem hann hafði fram
að færa. Eitt var víst að það sem
hann lagði til var vandlega ígrundað
og byggt á traustum grunni, þannig
var maðurinn sjálfur traustur,
gegnheill og heilsteyptur í öllu sem
hann tók sér fyrir hendur. Öll verk-
efni nálgaðist hann með eðlislægri
rósemi og yfirvegun sem hann smit-
aði yfir á samstarfsmenn og nem-
endur sem nutu þess að starfa með
honum.
Þegar Pétur hætti störfum við
skólann vegna aldurs fækkaði kom-
um hans á Skólavörðuholtið því
miður en áfram héldu gamlir starfs-
félagar nokkru sambandi. Við sem
störfuðum með Pétri við skólann
viljum þakka fyrir góða kynningu
og ánægjulegt og gefandi samstarf
og vottum fjölskyldu hans okkar
innilegustu samúð.
Frímann I. Helgason.
Pétur Jónsson
Miðvikudaginn 24.
nóvember kvaddi
þessa jarðvist eftir langa og farsæla
ævi elskuleg ömmusystir mín, Þor-
björg Gísladóttir, eða Bubba eins og
hún var gjarnan kölluð af fjölskyld-
unni. Ég hef oft hugsað til hvað ég er
heppin að hafa átt og þekkt vel
frænku eins og Bubbu. Fyrir utan
margar skemmtilegar stundir, hvort
sem var í fjölskylduboðum eða heima
hjá Bubbu og Sigurði á Tómasarhag-
anum og síðar Dalbrautinni, var svo
margt sem mér fannst ég læra og
upplifa í gegnum þau hjónin.
Bubba var ömmusystir mín, en
hún var stundum meira eins og
aukaamma fyrir mörg okkar barna-
barna Fanneyjar systur hennar.
Hún var yngst af 10 börnum foreldra
sinna, Guðnýjar og Gísla, en þau
voru aðeins þrjú sem komust á efri
ár, Guðmundur Hagalín sem var
elstur, amma mín Fanney sem var í
miðjunni og Þorbjörg sem var yngst.
Þau voru af vestfirsku kjarnakyni og
það hefur án efa sett sitt mark á þau
þrjú að vera ein eftir af þessum stóra
barnahóp. Nú eru þau öll farin og
óneitanlega tómlegra eftir.
Bubba var nett að vexti en eins og
systir hennar, jafnframt ákveðin og
sterk kjarnakona að mörgu leyti.
Hún var aðeins á ellefta ári þegar
mamma mín, Edda, fæddist á heimili
foreldra hennar og kom það víst í
hennar hlut að passa frænku sína
litla. Enda voru þær alla tíð síðan
mjög nánar sem gerði það að verkum
að samskiptin voru mikil og Bubba
Þorbjörg Gísladóttir
✝ Þorbjörg Gísla-dóttir fæddist að
Ytrihúsum í Dýrafirði
16. ágúst 1917. Hún
andaðist á hjúkr-
unarheimilinu Drop-
laugarstöðum 24.
nóvember síðastlið-
inn.
Úför Þorbjargar
var gerð frá Hall-
grímskirkju í Reykja-
vík 3. desember 2010.
og Sigurður voru stór
hluti af okkar fjöl-
skyldu. Það var alltaf
tilhlökkunarefni að
koma á til Bubbu og
Sigurðar enda var
frænka rausnarleg og
mikil húsmóðir og ekki
í rónni fyrr en hægt
var að koma einhverju
góðgæti ofan í mann.
En mest var gaman að
spjalla við hana um
alla heima og geima.
Þau Sigurður voru
einstaklega samhent
hjón og lifðu löngu og farsælu hjóna-
bandi í yfir 60 ár sem má nú teljast
afrek út af fyrir sig. Það var alveg
yndislegt að sjá hvað þau voru ern og
virk saman langt fram eftir aldri og
fóru lengi vel í sund nánast daglega.
Frænka kímdi nú einu sinni og sagði
að þau hefðu nú eiginlega þurft að
kynnast svolítið upp á nýtt þegar
Sigurður fór á eftirlaun og þau fóru
að eyða öllum stundum saman á dag-
inn líka.
Þau fylgdust alltaf vel með gangi
mála hjá allri stórfjölskyldunni en
þeirra eigin börn, barnabörn og
barnabarnabörn áttu eðlilega hug
þeirra mestan, enda myndarhópur
sem þau voru mjög stolt af og báru
velferð þeirra allra fyrir brjósti alla
tíð. Þegar heilsunni fór að hraka
fluttu þau á Droplaugarstaði saman
og bjuggu þar saman þar til Sigurð-
ur lést árið 2006 hann var Bubbu
mikill missir en það stóð hún af sér
með reisn eins og önnur áföll og naut
lífsins á meðan heilsan leyfði. En lífið
hefur sinn gang og nú var hennar
tími kominn.
Ég minnist frænku minnar með
miklum söknuði en er jafnframt
þakklát fyrir að hafa átt hana að svo
lengi. Mínar innilegustu samúðar-
kveðjur sendi ég yfir hafið til frænd-
fólksins heima, sértaklega til Guð-
nýjar, Gísla Heimis, Helga Mána
sem og barnabarna og langömmu-
barna og tengdabarnanna.
Kristrún Þ. Stardal.
✝
Hugheilar þakkir færum við öllum þeim sem sýndu
okkur hlýhug, samúð og ómetanlegan stuðning við
andlát og útför ástkærs sonar míns,
SIGURBJÖRNS KRISTJÁNS
HÁKONARSONAR.
Guðbjörg Sigurðardóttir og fjölskyldur.
✝
Bróðir okkar,
RAGNAR JÚLÍUSSON,
lést á hjúkrunarheimilinu Kumbaravogi fimmtudaginn 23. desember.
Jarðarförin hefur farið fram í kyrrþey.
Systur hins látna.
✝
Ástkær eiginmaður minn, faðir okkar, tengdafaðir,
afi og langafi,
ÞORSTEINN B. GUÐMUNDSSON
kennari,
Skeiðarvogi 105,
sem andaðist miðvikudaginn 12. janúar, verður
jarðsunginn frá Langholtskirkju föstudaginn
21. janúar kl. 13.00.
Þeim sem vilja minnast hans er bent á minningar-
sjóð Félags aðstandenda Alzheimerssjúklinga, FAAS.
Sigríður Sólveig Jóhannsdóttir,
Heiður Þorsteinsdóttir, Sveinn Bárðarson,
Hlynur Þorsteinsson, Gunnur Kristín Gunnarsdóttir,
Hugrún Þorsteinsdóttir, Kristján Reynir Pálsson,
barnabörn og barnabarnabörn.
✝
Ástkær faðir okkar, tengdafaðir, afi og langafi,
SIGURÐUR LÁRUSSON
fv. útgerðarmaður,
Víkurbraut 30,
Höfn í Hornafirði,
sem lést á dvalarheimilinu Skjólgarði miðvikudag-
inn 12. janúar, verður jarðsunginn frá Hafnarkirkju
föstudaginn 21. janúar kl. 13.00.
Ásgeir Sigurðsson,
Guðmundur Sigurðsson, Vilborg Jóhannsdóttir,
Hilmar Sigurðsson, Guðrún Kristjánsdóttir,
Dagbjört Sigurðardóttir, Finnur Jónsson,
Aldís Sigurðardóttir, Guðmundur Eiríksson,
Karl Sigurðsson, Svava Eyjólfsdóttir,
Grétar Sigurðsson,
Sigríður Sigurðardóttir, Sæmundur Gíslason,
barnabörn og barnabarnabörn.
Frá eldri borgurum
í Hafnarfirði
Föstudaginn 17. janúar var spilað
á 19 borðum.
Meðalskor var 312. Úrslit urðu
þessi.
N/S
Oliver Kristóferss. – Magnús Oddsson 390
Unnar Guðmundss. – Gróa Guðnad. 383
Kristín Óskarsd. – Gróa Þorgeirsd. 372
Ragnar Björnsson – Pétur Antonss. 340
A/V
Nanna Eiríksd. – Skúli Bjarnason 355
Örn Einarsson – Oddur Halldórss. 352
Sverrir Jónsson – Óli Gíslason 351
Ægir Hafsteinss. – Sverrir M. Sverriss. 348
BRIDS
Umsjón Arnór G.
Ragnarsson| norir@mbl.is
Sveit Baugs
Reykjanesmeistari
Kópavogsbúar sem spiluðu und-
ir nafni Baugs urðu Reykjanes-
meistarar í brids en 12 sveitir
spiluðu um titilinn um sl. helgi.
Í sigursveitinni spiluðu Birgir
Örn Steingrímsson, Þórður
Björnsson, Ingvaldur Gústafsson,
Bernódus Kristinsson og Úlfar örn
Friðriksson.
Sveit Aðalskoðunar í Reykja-
vensbæ varð í öðru sæti og sveit
Hrundar Einarsdóttur Hafnarfirði
þriðja.
Mótið var jafnframt undan-
keppni fyrir Íslandsmót og var
spilað um sjö sæti. Þar sigraði
sveit Vestra, varð langefst í
mótinu með 207 stig. Málning varð
í öðru sæti með 189 stig.
Efstu sveitirnar í Reykjanes-
mótinu urðu svo í sætum 3-5 og
Pétur og úlfarnir og GSE urðu
jafnar í 6. og 7. sæti.
Jóhannes Sigurðsson og Pétur
Júlíusson urðu efstir í Butler-
útreikningi mótsins með 1,17. Júl-
íus Sigurjónsson og Þröstur Ingi-
marsson voru með 0,91 og í 3. sæti
Jóhann Ævarsson og Jón Árnason
með 0,85.
Keppnisstjóri var Guðni Sig-
urðsson.
Bridsdeild
Breiðfirðingafélagsins
Sunnudaginn 16.1. var fyrsta
spilakvöld í fjögurra kvölda tvímenn-
ingskeppni. Hæsta skor í N/S:
Lilja Kristjánsd. – Óskar Sigurðsson 256
Ari Gunnarsson – Snorri Markúss. 245
Örn Einarsson – Björn Árnason 225
Austur/Vestur
Birna Lárusd. – Sturlaugur Eyjólfss. 251
Oddur Hanness. – Árni Hanness. 248
Birgir Kristjánss. – Jón Jóhannss. 243
Spilað er í Breiðfirðingabúð,
Faxafeni 14, á sunnudögum kl. 19.