Birtingur - 01.01.1968, Qupperneq 12
Witacky, Samuel Beckett og Jean Genet (með
tilliti til sviðsetninga á verkum þeirra). Um
þessar mundir er svo verið að undirbúa stofn-
un eigin forlags, sem gefa mun út bækur um
leiklist.
Síðan 1966 hefur Óðin-leikhúsið í Holstebro
efnt til námskeiða af ýmsu tagi með þátttöku
starfandi leikhúsfólks, rithöfunda og leiklist-
arfræðinga frá öllum Norðurlöndunum. Hið
fyrsta var haldið sumarið 1966; það var þjálf-
unarnámskeið fyrir leikara undir stjórn Pól-
verjanna Jerzy Grotowskis og Stanislav Broz-
owskis (sem er aðalleiklistarkennari við Teatr
Pantomimy í Wroclaw). í apríl 1967 var
haldin ráðstefna um tékkneskt leiklistarlíf og
sóttu hana nokkrir ágætir tékkneskir leik-
flokkar (sem sýndu einnig oinberlega í Holste-
bro), leikmyndateiknarar og leikstjórar. Enn-
fremur voru sýndar tékkneskar kvikmyndir
(þar sem öllum var veittur ókeypis aðgang-
ur, einnig íbúum bæjarins), haldnir fyrirlestr-
ar og efnt til umræðna. Auk hinna erlendu
gesta sóttu ráðstefnuna leikarar, leikmynda-
teiknarar, gagnrýnendur og rithöfundar frá
öllum Norðurlöndunum. Sumarið 1967 var
haldið annað þjálfunarnámskeið fyrir leikara,
aftur undir stjórn áður nefndra Pólverja.
Einnig komu á námskeiðið bandaríski leik-
stjórinn Charles Marowitz og franski leiklist-
argagnrýnandinn Renée Saurel (skrifar í Les
Temps Modernes) og stýrðu umræðum um
leiðir leikhúsanna til að vekja fólk til meðvit-
undar um ýmis félagsleg, sálfræðileg og póli-
tísk vandamál („engageret teater“).
Fleiri slík námskeið og ráðstefnur eru fyrir-
huguð: annars vegar þjálfunarnámskeið und-
ir stjórn erlendra leiklistarkennara, hins
vegar kynningar á athyglisverðum þáttum í
leiklistarlífi einhvers lands (leiktúlkun, leik-
myndum, leikstjórn, félagsfræðilegum stað-
reyndum um leikhúsin o.s.frv.). Á komandi
leikári er til dæmis gert ráð fyrir, að leik-
flokkur Grotowskis Teatr Laboratorium komi
og sýni tvö verk og haldin verði tvö norræn
námskeið, annað um ítalskt leiklistarlíf, hitt
um Berliner Ensemble.
Auk þess sem Óðin-leikhúsið menntar eigin
leikara — oft eru það nemendur, sem ekki fá
listrænni þörf sinni fullnægt við venjulega
leiklistarskóla — eru haldin reglubundin nám-
skeið fyrir nemendur frá öðrum leiklistarskól-
um, nemendur í leikhúsfræðum, rithöfunda
og fleiri. Samfélagskenndin er einnig fyrir
hendi; í samráði við háskóladcildir á Norður-
löndum og erlendis, sem fást við menningar-
legar hliðar félagsfræðinnar, er unnið að fé-
lagsfræðilegum rannsóknum, sem snerta þjóð-
félag það, sem leikhúsið er starfrækt í og er
hluti af, svo og vandamál samfélagsins og
leiklistarinnar. Óskin um að örva leiklistar-
10
BIRTINGUR