Vera - 01.08.2001, Blaðsíða 29

Gagn og gaman
NAMSKEIÐ BÁRA MAGNÚSDÓTTIR
Á hverju hausti keppast skólar og nám-
skeiðshaldarar um að bjóða fólki upp á
spennandi vetrarafþreyingu. Framboaið
er gífurlegt og eftirsóknin virðist enda-
laus. Sumar vilja iðka handverk en aðrar
þjálfa sia í stjórnun. Enn aðrar, eða
kannski ninar sömu, syngja í kórum eða
kanna óravíddir netsins. Sumar vilja kom-
ast frá argaþrasi hversdagsleikans og
leita inn á við, öðrum finnst aðalatriðið
að bæta við ferilskrána. Hvort sem konur
vilja auðaa andann eða stæla líkamann,
hækka töluna á launaseðlinum eða
gleyma brauðstritinu, dó eru allar leiðir
færar (nema að læra ballet, hann er ekki
í boði fyrir fullorðna).
Endurmenntunarstofnun Háskóla Islands við Dun-
haga býður upp á allskyns námskeið sem henta fagfólki
og hinum margumtalaða almenningi. Námskeiðin ýmist
bæta við þekkingu eða rifja upp og þau allra vinsælustu
eru námskeið í íslendingasögunum sem Jón Böðvarsson
kennir fyrir fullu húsi ár eftir ár. Svo eru líka námskeið
eins og íslenska fyrir útlendinga og Kvennaheilsa; um
heilsufar kvenna í fortíð, nútíð og framtíð.
É*"-----------------------------------------------
I samvinnu við Endurmenntunarstofnun kennir
Reykjavíkur Akademían námskeið sem nefnist
Akademísk vinnubrögð og er ætlað öllum sem eru að
hefja háskólanám og einnig þeim sem lengra eru komin
en hafa átt í erfiðleikum með að mæta þeim kröfum sem
háskólar gera til nemenda sinna eða með að aðlagast
akademískum vinnubrögðum. Sérstök áhersla er lögð á
að kynna vinnubrögð við samningu og frágang ritgerða,
erinda og verkefna og gildi þess að hugsa á gagnrýninn
hátt og setja skoðanir sínar fram á rökvísan og aðgengi-
legan máta. Upplýsingar á www.endurmenntun.is
og í síma 525 4444.
Skref fyrir skref er stofnað 1989 af Hansínu B.
Einarsdóttur. Megináhersla er lögð á stjórnenda-
og starfsmannþjálfun í fyrirtækjum og stofnunum
og í því skyni er boðið upp á mikinn fjölda nám-
skeiða. Þau námskeið sem hver sem er getur tekið
þátt í, án þess að vera send af vinnuveitanda, eru:
Aræðni, Stjórnviska og Steps. Aræðninámskeiðið
er ellefu tímar og þjálfar framsögn, ræðumennsku
og örugga tjáningu. Stjórnviskunámskeiðið er 3ja
daga námskeið sem fram fer að mestu leyti í Hval-
firði. Námskeiðið er ætlað konum sem eru að
byrja í millistjórnunar- eða stjórnunarstöðu. Mark-
miðið er að þjálfa konur til forystu, efla sjálfsþekk-
ingu þeirra og leiðtogahæfni og síðast en ekki síst,
byggja upp tengslanet, þ.e. kynnast öðrum konum
í svipaðri stöðu. Steps er leiðtogaþjálfun fyrir konur
og er það ætlað konum sem eru í fullu starfi sem
stjórnendur. Námskeiðið fer fram í Reykjavík og úti
á landi og tekur alls 100 klst. á þremur mánuðum.
Skref fyrir skref hefur síma 581 1 314 og einnig
www.step.is
Rafiðnaðarskólinn er með Microsoft námskeið sem
býr fólk undir að takast á við verkefni sem snúa að
hönnun, innleiðingu, uppsetningu, umsjón og
vandamálagreiningu á Windows 2000 stýri- og
netkerfum og öðrum skyldum kerfum. Kennt er hjá
CTEC á íslandi, Faxafeni 10,
sími 533 3533, www.ctec.is
Myndlistaskólinn í Reykjavík var stofnaður
árið 1947 og hefur starfað óslitið síðan.
Að skólanum stendur Skólafélag Myndlistaskólans í
Reykjavík og er skólinn rekinn af myndlistamönnum
sem sjálfseignarstofnun. Skólastjóri er Þóra Sigurð-
ardóttir. I Myndlistaskólanum í Reykjavík eru ýmis
námskeið ætluð fólki með hæfileika og sköpunar-
þörf. Námskeiðin eru metin til eininga.
Myndlistaskólinn er til húsa í JL-húsinu við
Hringbraut. Upplýsingar fást í síma 551 1990
og á www.myndlistaskolinn.is.
Samskiptamiðstöð heyrnarlausra og heyrnar-
skertra býður upp á námskeið í táknmáli á ýmsum stig-
um. Boðið er upp á alls 1 1 námskeið í íslensku táknmáli
og byggir hvert námskeið á því sem á undan hefur verið.
Námskeiðin eru 20 kennslustundir hvert og kennt er
tvisvar í viku. Allir táknmálskennarar Samskiptamiðstöðv-
arinnar eru heyrnarlausir einstaklingar sem líta á íslenskt
táknmál sem sitt móðurmál. Kennt er í húsnæði skólans í
Sjómannaskólanum við Háteigsveg. Hægt er að sérpanta
námskeið fyrir hópa. Upplýsingar er hægt að fá
á www.shh.is eða í síma 562 7702.
Rafiðnaðarskólinn býður upp á mikið úrval al-
mennra tölvunámskeiða. Námskeiðin henta þeim
sem vilja auka menntun sína og styrkja þannig
stöðu sína á vinnumarkaðinum. Markmið með
hverju námskeiði er að nemendur öðlist hagnýta
þekkingu og innsýn í notkunarmöguleika útbreidd-
ustu forritanna á markaðinum í dag og verði sjálf-
bjarga í notkun þeirra. Félagsmenn stéttafélaga
innan ASI og BSRB njóta afsláttarkjara hjá Rafiðn-
aðarskólanum. Auk þess styrkja mörg félög félags-
menn sína til þátttöku í námskeiðum. www.raf.is,
Rafiðnaðarskólinn er í Skeifunni 1 lb.
Sími: 568 5010.
)