Vera - 01.08.2001, Page 50

í fréttabréfi sem Örkin gefur út
á þýsku eru fréttir af ýmsum
dýrum sem vantar heimili.
kjaftinn þó sofandi sé. Á hinu skurðarborðinu er köttur gerður
eistunum fátækari. Silke er afskaplega ánægð með skurðarmenn-
ina. „Við auglýsum á netinu eftir dýralæknum til að koma hingað
í sjálfboðavinnu og leggja okkur lið. Við höfum fengið góð við-
brögð og margir þýskir dýralæknar hafa komið hingað en þessir
eru frá Sviss og eru mjög færir á sínu sviði. Þeir eru að allan dag-
inn hér í athvarfinu að skera upp og vana dýr."
Fjórmenningarnir eru spjallglaðir yfir innyflunum og Gilbert
og |ean Claude loka skurðinum á hundinum með fagmannlegum
saumaskap. Þeir ætla aðeins að staldra við í viku en meiningin er
að nýta tímann vel enda verkefnin næg. Matthias, sem er að
gelda köttinn, er aftur á móti að koma öðru sinni til að leggja
fram starfskrafta sína endurgjaldslaust og ætlar að vera lengur en
þeir félagar. Hann vinnur við Háskólann í Zurich en finnst svo
frábært að fá að taka þátt í því sem fram fer á Örkinni hans Nóa
að hann ver frftíma sínum fúslega þar á skurðstofunni. Sólin er
að lækka á lofti og tími kominn til að að kveðja. Silke er hin
hressasta en getur ekki leynt áhyggjum sínum yfir því að leigu-
samningur athvarfsins er að renna út á næstunni. Mikil vinna
liggur fyrir við að finna nýtt þak yfir höfuðið og stórt opið svæði
fyrir dýrin.
„Komið því endilega á framfæri á íslandi að frjáls framlög séu
vel þegin." Með þeim orðum þakkar hún þúsundfalt fyrir komuna
og kveður með stórum og allt umvefjandi faðminum. Konan á
Örkinni hans Nóa sem leggur meira upp úr því að gefa en þiggja.
O

r: 7: jji r
LÆRIÐ ÞJÓÐLEGT HANDVERK HJÁ SÉRHÆFÐUM KENNURUM
Þjóðbúningasaumur:
Saumið sjálf upphlut eða peysuföt undir handleiðslu viðurkenndra kennara.
Námskeið hefjast í viku 37 (10.-16. september) með máltökutíma en síðan er verkleg
kennsla einu sinni í viku í 10 vikur.
Almennur vefnaður:
hér gefst almenningi kostur á að læra undirstöðuatriði vefnaðar og uppsetningu
vefstóla: 36 kennslustunda námskeið frá miðjum september.
Önnur námskeið sem fyrirhuguð eru hefjast í september og október:
spjaldvefnaður, tóvinna, möttulsaumur, baldýring, knipl, útsaumur, jurtalitun
Nýung: „Vinnuhelgar" stutt námskeið (t.d. blómstursaumur, skattering og perlusaumur,
flauelskurður) tilvalin fyrir saumaklúbba eða vinnustaðahópa.
Innritun og upplýsingar um námskeið skólans eru í síma 551 7800,
mánudaga, þriðjudaga og miðvikudaga frá kl. 10-13
og í síma 551 5500, mánudaga og fimmtudaga frá kl. 10-18.
Bréfsími skólans er 551 5532 og tölvupóstfang skólans er hfi@islandia.is.