Vera - 01.08.2001, Qupperneq 52

Hvad stendur á launasedlinum þfnum?
Myndir: Þórdís
Sigrídur söngkennari
lUafn: Sigríður Elliðadóttir
Aldur: 39. ára
Menntun: Útskrifuð úr Myndlista-
og Handíðaskóla íslands, myndmót-
unardeild 1984. Burtfararpróf frá
Nýja Tónlistarskólanum í Reykjavík
1987. Stundaði söngnám í London
og á Ítalíu um þriggja ára skeið.
Starf: Söngkennari.
Vinnustadur: Tónlistarskólinn á
Akureyri.
Starfsaldur: ó.ár
Laun: 137.000 kr. á mánuði. Með
deildarstjórn bætast við 4 yfirvinnu
tímar á viku.
Fjölskylduhagir: Einstæð með
tvö börn.
Vinnutími: Sveigjanlegur, en þar
sem söngnemendur eru oftast í
öðru námi eða vinnu fer kennslan
einkum fram seinni part dags og oft
fram á kvöld!
Ertu ánægö með launin? Alls ekki.
Hvað finnst þér að þú ættir að fá í
laun? 180 til 200 þúsund á mánuði í
grunnlaun.
Hvar sérðu þig fyrir þér í framtíð-
inni á vinnumarkaði? Ef heldur
áfram sem horfir í launamálunum,
er líklegt að maður reyni fyrir sér á
öðrum vígstöðvum.
Hvað ætlaðir þú að verða þegar þú
yrðir stór? Mig langaði alltaf að
verða leikkona og helst þurfti dans
og söngur að vera innifalin f starfinu.
Starfsábyrgð og skyldur: Þar sem
söngkennsla fer að mestu fram í
einkatímum eru samskipti nemenda
og kennara frekar persónuleg. Við
kennum söngtækni með æfingum
fyrir röddina og öndunina, síðan fær
nemandinn sönglög til að spreyta
sig á sem við fylgjum síðan eftir.
Hvað finnst þér skemmtilegast við
starfið? Fjölbreytt mannflóra og það
að geta miðlað af reynslu sinni og
sjá árangur starfs síns!
Hvað finnst þér leiðinlegast? Hús-
næði tónlistarskólans er ekki upp á
marga fiska og aðstaða til tónleika-
halds í bænum er afar slæm.
Réttindi og fríðindi sem fylgja
starfinu: Ég á kost á sumarbústað í
gegnum STAK og svo fáum við af-
slátt í verslunum og líkamsræktar-
stöðvum.