Vera - 01.12.2001, Síða 12

Mér finnst...
Konur eru
ekki konum
verstar_____
Sigríður Elín Þórðardóttir,
félagsfræðingur ó Sauðórkróki
Mér finnst frábært að fá tækifæri til þess að
segja það sem mér finnst. Og mér finnst
sorglegt að enn eru hugmyndir um kynbund-
in einkenni við lýði. Meðal annars í tengslum við for-
eldrahlutverkið, stjórnunarhæfileika, tilfinninganæmni
og áhuga á kynlífi. Þessir þættir voru meðal annarra
sem mældir voru í þjóðarpúlskönnun Gallups sem birt
var í júní síðastliðinn. Niðurstöður leiddu m.a. í Ijós
að þriðjungur þátttakenda töldu konur hæfari foreldri
en karla. En það sem mér finnst kannski sorglegra er
að þátttakendur voru þeðnir um að taka afstöðu til
fullyrðingarinnar um að „konur séu konum verstar."
Það hefði kannski einnig verið viðeigandi, fyrst að á
annað borð var verið að afla vitneskju um viðhorf með
tilliti til „hverjir séu hverjum verstir", að kanna afstöðu
fólks til fullyrðinga á borð við að „karlar séu körlum
verstir" eða „karlar séu konum verstir" eða „konur séu
körlum verstar." Niðurstöður Gallups leiddu m.a. í Ijós
að rúmlega helmingur þátttakenda var sammála full-
yrðingunni um að konur séu konum verstar. Og yngra
fólk fremur en eldra og konur tóku afstöðu með full-
yrðingunni fremur en karlar. Af hverju í ósköpunum?
Þrátt fyrir sögulegar staðreyndir sem sýna að konur
virðast beita sér í meira mæli fyrir málefnum kvenna
og barna og hvers kyns félagslegum málum, en karlar.
Sagan sýnir að konur í bæjarstjórn Reykjavíkur á árun-
um 1908-1922 beittu sér fyrir heilbrigðismálum, skóla-
málum, málefnum barna og réttindum kvenna. Það
voru konur sem lögðu fram tillögur um fæðingarorlof
og að Alþingi mótaði stefnu í þessum málum og að
fæðingarorlof yrði hluti af almannatryggingalöggjöf
sem næði til allra kvenna á vinnumarkaði. Umræður
um kynferðislega áreitni, kvennaathvarf, um neyðar-
móttöku fórnarlamba nauðgana og heimilisofbeldi
rötuðu ekki inn á þingpalla fyrr en konur urðu þar 15%
fulltrúa. Ég gæti haldið áfram að rökstyðja að konur
eru ekki konum verstar en læt staðar numið. Allir sem
vilja, sjá að málefnin sem konur láta sig skipta varða
allt samfélagið, konur kannski meira en karla. Ég vil
trúa því að öllum sem hugnast að taka kíkinn frá
þlinda auganu komi til með að sjá að konur eru ekki
konum verstar, annað er goðsögn ekki staðreynd.
Enda þótt mikið hafi áunnist á undanförnum áratug-
um við að ná fram jafnri stöðu karla og kvenna þá er
enn til staðar alls kyns óáran í samfélaginu sem geng-
isfellir það sem konur taka sér fyrir hendur. Og sorg-
legast er að enn fá konur greidd lægri laun en karlar,
enn eru konur f minnihluta á Alþingi og í flestum
sveitarstjórnum. Enn bera konur í ríkari mæli en karlar
ábyrgð á umönnun fjölskyldunnar, enn vinna konur í
meira mæli en karlar ólaunaða og ósýnilega vinnu og
enn er goðsögnum um konur haldið á lofti. Mín af-
staða er sú að það eru ekki konur sem eru konum
verstar, það er formgerð samfélagsins sem er konum
verst.
Ég shora á Þórdísi Lindu Guðmundsdóttur félagsráð-
gjafa að segja meiningu sína í næsta blaði.
12
Þarabakka 3
109 Reykjavík
Sími 567-0300
okusk.mjodd@simnet.is
Einnig kennsla fyrir ensku- og taílenskumælandi fólk!
Kennsla á leigu- vöru- og hópbifreið og vörubifreið með eftirvagn.
Hægt er að hefja nám alla miðvikudaga. (Áfangakerfi)
Endurbætt kennsluaðstaða. Reyndir kennarar og góðir kennslubílar.
Aukið við atvinnumöguleikana. Hringið eða komið og leitið upplýsinga