Vera - 01.12.2001, Qupperneq 25

Svipad ad eignast barn í sambúð
og ekki í sambúð
Ég eignaðist son 29. janúar sl., Margeir Sig-
marsson, fyrir átti ég Jónas 6 ára og Hrönn 3
ára, Þorsteinsbörn. Ég er ekki í sambúð en
Sigmar tók samt sitt mánaðar fæðingarorlof.
Ég tók mitt orlof frá 1. febrúar til 31. júlí. Sig-
mar tók sinn mánuð frá 15. júlí til 15. ágúst.
Þegar ég fór aftur að vinna 1. ágúst þá var Margeir hjá
pabba sínum á meðan ég var að vinna, sem mér fannst
mjög gott þar sem ég þurfti þá ekki að koma honum í
pössun hjá dagmömmu strax. Hann var hjá pabba sín-
um fyrstu þrjár vikurnar. Faðir hans hefur alltaf sinnt
honum mikið, ekki bara meðan hann var í orlofinu.
Fyrst var hann bara með hann hjá mér en fór svo að
fara með hann í klukkutíma f senn, sem smá lengdist
svo. Hann svaf þó ekki hjá honum fyrr en hann var orð-
inn níu mánaða, þar sem hann er enn þá á brjósti. Við
höfum reyndar ekki alltaf verið sammála um hlutina en
reynt þó að mætast á miðri leið. Síðasta tvo og hálfan
mánuð hefur hann verið alltaf á föstudögum og laugar-
dögum hjá pabba sínum. Það var reyndar mjög erfitt að
þurfa að passa sig að vera ekki að hringja eftir honum
þegar mér fannst hann vera búinn að vera lengi hjá
pabba sínum, að læra að gefa honum góðan tíma með
pabba sínum.
En að fæðingarorlofinu. Mér finnst mjög gott að
feður eigi nú rétt á sjálfstæðu, launuðu orlofi því að
það er nauðsynlegt fyrir alla aðila, börn jafnt sem for-
eldra. Þó finnst mér að orlof mæðranna megi vera
lengra, að þær hafi sjálfar 6 - 9 mánuði og svo séu 3 -
6 mánuðir sem foreldrar geti skipt á milli sín og að
einstæðar mæður fái þá 9 -12 mánuði í orlof. Þetta er
fyrir utan sjálfstæðan rétt feðranna. Því að það er auð-
vitað sjálfsagður réttur hverrar konu að ákveða sjálf
hversu lengi hún hefur barn sitt á brjósti. Það er ekki
auðvelt að vera með barn á brjósti og fara að vinna
eftir 3 - 4 mánuði, að minnsta kosti hefði ég ekki
getað hugsað mér það, nógu erfitt er að þurfa að fara
að vinna eftir 6 mánuði. Þá er nú reyndar komið að
tanntökunni hjá flestum börnum, með tilheyrandi pirr-
ingi og hita og öðru sem því fylgir. Reyndar er þetta
skoðun konu sem finnst sjálfsagt mál að hafa börnin
eins lengi á brjósti og hægt er. Hin tvö var ég með í 12
og 13 mánuði og Margeir er ennþá á brjósti. Ég hef
reynslu af því að eiga börn í sambúð og ekki í sam-
búð, mér finnst reyndar ekki mikill munur á því út frá
virkni feðranna. Það er auðvitað einstaklingsbundið,
en að feður fái líka orlof er alger nauðsyn, fyrir
mömmurnar líka.
Aðalheiður Lúra Guðmundsdóttir,
einstœð móðir og verkakona
í Grundarfirði
Flutt í Stykkishólmi 21. september
25