Vera - 01.02.2004, Blaðsíða 53

• Til menntamálaráðherra. Enn um rannsóknastyrki til
háskóla - núna er það Háskólinn í Reykjavík sem Katrín
spyr um.
• Til hagstofuráðherra (forsætisráðherra). Um hvort
ráðherra hagstofumálefna hafi hugað að því að ekki
geta allir skráð sitt rétta nafn í þjóðskrá vegna pláss-
leysis og hvernig hann hyggist ráða bót á því.
• Til menntamálaráðherra. Um námslán fyrir skóla-
gjöldum í erlendum háskólum. Hversu hátt hlutfall eru
þau af útgjöldum LÍN? Hafa þau farið vaxandi?
• Til menntamálaráðherra. Ýmislegt um leiklistarnám
Islendinga erlendis.
• Til menntamálaráðherra. Um tæknimenntun á ís-
landi og mögulega rýmkun heimilda Tækniháskólans
til að taka inn nemendur sem svar við eftirspurn
atvinnulífsins eftir tæknimenntuðu starfsfólki.
• Til heilbrigðisráðherra. Um takmarkaðan afgreiðslu-
tíma lyfjaverslana á höfuðborgarsvæðinu. Þýða þær
takmarkanir aukið álag á bráðamóttökur og nætur-
þjónustu?
• Til menntamálaráðherra. Hvernig á að bregðast við
aukinni aðsókn að Háskóla íslands: Fjöldatakmarkanir?
Skólagjöld? Þá hvernig?
• Til menntamálaráðherra. Um reiknilíkan fyrir rekstri
framhaldsskóla. Þarf að breyta því?
• Til menntamálaráðherra. Um launaþátt reiknilíkans
fyrir háskóla. Þarf að breyta því?
Að lokum er það Dagný og það vara bara eitt
sem hún vildi vita:
Til landbúnaðarráðherra. Hafa áætlanir sem gengið var
út frá við úreldingu sauðfjársláturhúsa í haust gengið eft-
ir? í framhaldinu vildi Dagný vita hvort sláturkostnaður
hafi lækkað og hvort hann hafi skilað sér til bænda.
Athyglisvert
Við þessa stuttu athugun kemur í Ijós að þær Anna Kristín
og Dagný endurspegla þá staðreynd að þær eru lands-
byggðarþingkonur. Málefnin sem þær spyrja um eru mest
á sviði landbúnaðar og sauðfjárræktar. Katrín endurspegl-
ar mjög sterkt það umhverfi sem hún kemur úr - höfuð-
borgarsvæðið þar sem háskólarnir eru og gerjunin mest.
Áherslur Katrínar eru menntun, fjármagn til rannsókna,
jafnræði háskólanna, skólagjöld á háskólastigi og fjölda-
takmarkanir. Ekki eitt orð um sauðfjárrækt eða lambakjöt.
Einnig vakti athygli að hjá Katrínu er ekki að finna eitt orð
um félagslega þjónustu við sjúka, aldraða eða börn.
Menntamálin virðast eiga hug hennar allan. Anna Kristín
tekur hins vegar upp í sínum fyrirspurnum nokkur félags-
leg vandamál sem bíða úrlausnar, eins og sjá má á hennar
fyrirspurnalista.
Það er ekki hægt að láta hjá li'ða að nefna að þær stöll-
ur koma hvergi í fyrirspurnum sínum inn á málefni kvenna
eða jafnréttismál yfirleitt! X
Náttúrufræðistofa Kópavogs
Natural History Museum of Kópavogur
Hamraborg 6a
200 Kópavogi
sími 570-0430
www.natkop.is
Opnunartími:
mánudaga-fimmtudags:
10:00-20:00
föstudaga: 11:00-17:00
laugardaga og sunnudaga:
13:00-17:00
Aðgangur ókeypis
Náttúrufræðistofa Kópavogs er í safnahúsinu að Hamraborg 6a
og deilir því með Bókasafni Kópavogs. Húsið er sambyggt
Salnum í Kópavogi við hlið Gerðarsafns.
Skeldýrasafn er einn meginkjarninn í safni Náttúrufræði-
stofunnar auk fugla- og plöntusafns. Á síðustu árum hefur
einnig myndast mjög gott safn berg- og steintegunda. Auk þess
er þar sýnishorn af kúluskít sem einungis er að finna í Mývatni
og tveimur öðrum stöðuvötnum I heiminum.
. v ... -
Náttúrufræðistofa
Kópavogs
vera / 1. tbl. / 2004 /