Vera - 01.06.2004, Qupperneq 6

/ SKYNDIMYND
Arnar Gíslason
Pabbi í orlofi
»Feðgarnir Sverrir Tryggvason og Máni Sverrisson eru flest-
um stundum saman þessa dagana. Máni er tæplega tíu mán-
aða og virðist kunna því vel að hafa pabba sinn hjá sér í fæð-
ingarorlofi eftir að mamma hans fór aftur út á vinnumarkað-
inn. VERA fékk að kíkja í heimsókn hjá þeim feðgum og hafði
gaman af að fylgjast með pabbanum sem sér um bæði barn
og heimili, „allan pakkann" ef svo má að orði komast.
Sverrir er búinn með tvo mánuði af
sínu orlofi og á því einn mánuð eftir,
en fyrsta mánuðinn voru bæði Sverrir
og kona hans, Rósa Mjöll Ragnars-
dóttir, saman í orlofi.
„Ég tók þrjár vikur strax eftir fæð-
ingu og svo eina rétt fyrir jólin. Þá
vorum við bæði saman með hann
pínulítinn og það veitti ekki af þar
sem Máni var með magakveisu. En nú
er ég búinn að vera einn heima með
hann í mánuð og kann mjög vel við
það. Mér finnst enginn stór munur á
að vera einn og þegar við vorum
bæði, nema hvað Máni er allt annað
barn núna en fyrst þegar ég tók orlof.
Hann skríður núna um allt og hefur
meiri skoðanir á lífinu og tilverunni,
en áður hélt maður bara á honum all-
an daginn nema þegar hann var sof-
andi. Það er helsti munurinn. Svo er
hann líka búinn að taka svo margar
tennur, kominn með sjö stykki og er
að fá þá áttundu."
Sverrir vonar að orlofið hans muni
styrkja samband þeirra feðga í fram-
tíðinni og telur að þó hann fari aftur
að vinna eftir mánuð muni áhrifin
ekki þverra í bráð. „Já, ég held að það
hafi áhrif, þó ég geti ekki fullyrt það.
Ég er búinn að tengjast honum svo
vel, og hann mér, þess vegna langar
mig til að eyða tíma með honum í
framtíðinni. Þegar maður hefur lært
að þekkja og umgangast barnið sitt
vill maður eyða meiri tíma með því.
Þetta er því mjög gott fyrir framtíð-
ina. ( augnablikinu er hann hændari
að mér en mömmu sinni, sem er bara
vegna þess að ég er svo mikið með
hann núna. Ef hann meiðir sig eða
eitthvað slíkt þá réttir hann yfirleitt
hendurnar til mín. Stundum segir
hann þó „mamma" um leið þó hann
6 / 3. tbl. / 2004 / vera