Vera - 01.06.2004, Síða 15

réttisnefndinni. Aðalatriðið væri að
málefni þeirra séu viðurkennd og
unnið að þeim af fullri einurð. Að öðru
leyti gætu hóparnir unnið hver á sín-
um vettvangi en að samvinna á milli
þeirra væri af hinu góða og að mikil-
vægt væri að betur sé á þá hlustað en
nú ergert.
Á málþingið kom gestur frá Dan-
mörku, Hanna Zidaeh, sem er jafn-
réttisráðgjafi innflytjenda í ráðhúsi
Kaupmannahafnar. Hann lagði
áherslu á mikilvægi þess að pólitískur
vilji til að vinna að jafnrétti allra sé til
staðar og sagði að stærstu mistök
borgaryfirvalda þar í borg hefðu verið
að viðurkenna ekki að mismunun
gagnvart innflytjendum væri til stað-
ar. Fólki af erlendum uppruna væri
því ekki mismunað viljandi, á kerfis-
bundinn hátt, þau væru bara fórnar-
lömb óbeins misréttis og skorts á
pólitískum vilja. Til að yfirvinna þá
þröskulda sem eru milli Dana og inn-
flytjenda taldi Hanna mikilvægast að
koma á fræðslu.
Fjölbreytileiki og fjölmenning
Umræða um mikilvægi þess að styðja
fjölbreytileika og fjölmenningu sam-
félagsins er víða komin lengra en hér
á landi enda jókst fjöldi innflytjenda
MIKILVÆGT ER AÐ HAFA í HUGA AÐ MEÐ MINNIHLUTAHÓPI ER EKKI
ÁTT VIÐ FJÖLDA HELDUR VÖLD EN SKILGREINING Á ORÐINU ER: HÓP
UR FÓLKS SEM HEFUR Á EINHVERN HÁTT SKERT RÉTTINDI, SKERTAN
AÐGANG AÐ SAMFÉLAGINU OG BÝR VIÐ FÉLAGSLEGT MISRÉTTI
hér mun seinna en í nágrannalöndun-
um. Talið er að áhrifa tilskipana Evr-
ópusambandsins gegn mismunun
gæti i aðildarlöndum þess en í mann-
réttindayfirlýsingu Sameinuðu þjóð-
anna er einnig lagt bann við mismun-
un á grundvelli þess sem greinir fólk
að, það sama gerir Amsterdamsátt-
málinn frá 1996. Jafnræðisregla ís-
lensku stjórnarskrárinnar leggur líka
bann við allri mismunun en á mál-
þinginu benti fulltrúi Öryrkjabanda-
lagsins á að í nýlegri framkvæmdaá-
ætlun ríkisstjórnarinnar í jafnréttis-
málum væri ekki minnst á fatlaða. í
Svíþjóð sé hins vegar unnið markvisst
að þeim málum samkvæmt áætlun
sem nefnist Agenda 22.
( Háskóla íslands var sú stefna
mörkuð fyrir nokkrum árum að jafn-
réttisnefndin skyldi beita sér fyrir fleiri
málum en jafnrétti kynjanna. Hafa
málefni samkynhneigðra og fatlaðra
verið tekin sérstaklega fyrir og unnið
að athugun á aðstöðu og aðbúnaði
erlendra stúdenta. Jafnréttisnefnd Hí
gaf út bæklinginn Mismunur og marg-
breytileiki til að skýra stefnu sína og
lesa má um árangur starfsins í nýrri
skýrslu á heimasíðu nefndarinnar.
Þegar Femínistafélag (slands var
stofnað fyrir rúmu ári var ákveðið að
vinna að málefnum kvenna sem til-
heyra minnihlutahópum og var fjöl-
breytileikahópur stofnaður í því skyni.
Ekki tókst þó að koma starfi hans al-
mennilega af stað og var hann lagður
niður á aðalfundi félagsins í maí sl.
Ekki er þar með sagt að Femínistafé-
lagið vilji ekki vinna að málefnum
þessara hópa, staðreyndin er líklega
sú að leiðin er ekki endilega að fulltrú-
ar hópanna séu saman í hópi heldur
þarf að laða þá til starfa og taka mál-
efni þeirra upp innan félagsins.
Jafnrétti allra er verðugt og spenn-
andi verkefni sannra jafnréttissinna
og þar, eins og annars staðar, hlýtur
fjölbreytileikinn að auðga.
vera / 3. tbl. / 2004 / 1