Vera - 01.06.2004, Page 21
hagsmunasamtök innflytjenda aðilar að umræðunni.
Samskipti okkar við yfirvöld í kringum frumvarpið voru
góð og umræðan málefnaleg. Við áttum fund með alls-
herjarnefnd Alþingis og mér fannst nefndarmenn mjög
ánægðir með að hafa heyrt okkar sjónarmið. Reyndar
sagði formaður allsherjarnefndar í viðtölum við fjölmiðla
að mat okkar á frumvarpinu byggðist á misskilningi.
Kannski átti hann við að við höfum ekki skilið íslenskuna
nógu vel. Hann talaði ekki um misskilning í sambandi við
fjölmiðlafrumvarpið, enda voru íslendingar að mótmæla
þá. Við misskildum ekki neitt, það talaði engin fyrir okkar
hönd, við gerðum það sjálf og við gerðum það vel. Ekki má
heldur gleyma hinni miklu samstöðu sem myndaðist milli
ungliðahreyfinga allra stjórnmálaflokka sem studdu mót-
mæli okkar. Við héldum einnig fundi með innflytjendum
þar sem við lögðum áherslu á að útskýra út á hvað frum-
varpið gekk. Því hafði strax verið slegið fram að þetta væri
einhverskonar „nasistafrumvarp" en það var alls ekki rétt.
Það voru ákveðin atriði sem voru mjög slæm, en alls ekki
allt frumvarpið. Þá vildum við einnig segja innflytjendum
að frumvarpið endurspeglaði alls ekki viðhorf íslendinga
gegn þeim. Ég var mjög ánægð að uppgötva að það var
alls ekki sú upplifun sem þau höfðu fengið. Flestir útlend-
ingar sem við hittum á þessum fundum voru mjög ánægð
hér en höfðu áhuga á að koma og fræðast um frumvarpið.
Við þurfum bara að gera meira af þessu, hvetja fólk til að
taka þátt í umræðunni - ekki bara því sem snýr að innflytj-
endum sérstaklega, heldur almennri þjóðmálaumræðu,
svo að við verðum virkir þátttakendur í samfélaginu."
Hvað með aðgang? Heldur þú að innflytjendur hafi jafn
greiðan aðgang t.d. að fjölmiðlum? Nú er oft talað um að
málið sé fyrirstaða og íslendingar kunni illa að hlusta á ís-
lensku sem er töluð með hreim.
„Já, það er staðreynd. Það var einu sinni sagt við mig að
ég væri góð í útvarpsviðtöl af því að íslenskan mín skilst.
VIÐ ÞURFUM BARA AÐ GERA MEIRA AF ÞESSU,
HVETJA FÓLK TIL AÐ TAKA ÞÁTT í UMRÆÐUNNI
- EKKI BARA ÞVÍ SEM SNÝR AD INNFLYTJENDUM
SÉRSTAKLEGA, HELDUR ALMENNRI ÞJÓÐMÁLA-
UMRÆÐU, SVO AÐ VIÐ VERÐUM VIRKIR ÞÁTTTAK-
ENDUR í SAMFÉLAGINU
(slendingar verða að fara að venjast því að fólk tali íslensku
með hreim. Þá verða fleiri útlendingar að verða virkir og
tjá sig. Það gefur ekki rétta mynd af fjölbreytileika innflytj-
endahópsins ef það eru alltaf sömu manneskjurnar sem
tjá sig um allt sem viðkemur útlendingum. Ég get ekki tek-
ið afstöðu fyrir tíu þúsund manns. Á meðan við erum enn-
þá með fáar raddir verðum við sérstaklega að passa okkur
að vera hafin yfir flokkspólitik, þar sem innflytjendur eru
örugglega ekki allir á sömu skoðun í stjórnmálum. Málefni
innflytjenda mega ekki verða málefni eins stjórnmála-
flokks. Allir flokkar þurfa að opna augun fyrir því að það
eru innflytjendur hér á landi og að þeir auðga samfélagið
með veru sinni hér. Þá er mikilvægt að tala við innflytjend-
ur, ekki bara tala um þá. Það er fullt af nefndum sem eiga
að fjalla um málefni innflytjenda en ég veit ekki til þess að
fulltrúar þeirra eigi sæti í þessum nefndum. Það skýrist
auðvitað að hluta til af því að innflytjendur höfðu enga op-
inbera rödd, en það er samt engin afsökun."
Menntun innflytjenda ekki metin
Eitt af því sem Anh-Dao Tran formaður W.O.M.E.N talaði
um í erindi sinu á norrænni ráðstefnu um kvennahreyfing-
ar sem haldin var í Reykjavík, var að erlendum konum
gengi illa að fá menntun sína metna á fslandi.
vera / 3. tbl. / 2004 /21