Vera - 01.06.2004, Page 46

Lana Kolbrún Eddudóttir
/ TÓNLIST
Djasspíanistinn
Sunna Gunnlaugsdóttir
» Djasstónlist hefur frá upphafi verið mörkuð
mjög ákveðnum kynjahlutverkum. Strákarnir spila
en stelpurnar syngja. Þetta fór ekki að breytast fyrr
en í lok 20. aldar en þá tók konum að fjölga í röðum
hljóðfæraleikara í djassinum. Ein af örfáum íslensk-
um konum sem hafa tekið sér hið sterka hlutverk
hljómsveitarstjórans er djasspíanóleikarinn og tón-
skáldið Sunna Gunnlaugsdóttir en hún er jafnframt
fyrsta íslenska konan sem leggur fyrir sig djass-
píanóleik sem atvinnumanneskja.
*
Sunna er fædd 1970, ólst upp á Seltjarnarnesi og spilaði á
orgel sem barn en forðaðist lengi klassískan píanóleik því
hún hélt að hann hlyti að vera svo leiðinlegur. Um tíma lék
hún á hljómborð með ýmsum popphljómsveitum og var í
bræðingssveitinni Tónskröttum en byrjaði að læra á píanó
í tónlistarskóla FÍH þegar hún var 18 ára og var það í fyrsta
skipti sem hún spilaði á píanó.
Að loknu námi í FÍH hélt Sunna til Bandaríkjanna árið
1993 til að nema djasspíanóleik við William Paterson Col-
lege í New Jersey og sóttist námið svo vel að hún fékk fría
skólavist síðasta árið fyrir frábæran námsárangur. (skólan-
um kynntist hún eiginmanni sínum, trommuleikaranum
Scott McLemore og hafa þau lengi búið í höfuðborg djass-
listarinnar, New York. Þaðan gerir Sunna út hljómsveitir
sínar sem eru yfirleitt með eiginmanninn við trommusett-
ið, oftast nær píanótrió eða kvartettar með saxófóni, pí-
anói, bassa og trommum.
Sunnu Gunnlaugsdóttur hefur gengið vel að koma sér
á framfæri í hörðum heimi atvinnutónlistarmanna í
Bandaríkjunum og hafa diskar hennar fengið prýðisgóða
dóma. En velgengnin er afrakstur mikillar vinnu og kynn-
ingarstarfið er tímafrekt, oft á tíðum jafnvel svo að aðalat-
riðið, tónlistin sjálf, verður að sitja á hakanum. „Stundum
hef ég eytt miklu meiri tíma við símann og tölvuna heldur
en við píanóið en það gerir þetta enginn fyrir þig, þú verð-
ur að koma þér af stað sjálf." Sunna hefur lengi haldið úti
eigin heimasíðu á netinu, www.sunnagunnlaugs.com og
fyrir atvinnutónlistarmenn þýðir ekkert annað en að vera
með allar upplýsingar aðgengilegar. Það getur skipt sköp-
um upp á að fá eitthvað að gera, ná í „gigg" og selja diska.
Sunna segir lika að það hafi oft reynst sér vel að vera kona,
og það íslensk kona, þegar kemur að því að koma hljóm-
sveitinni og tónlistinni á framfæri. „Það er kostur að skera
sig úr og það vekur oft áhuga hjá blaðamönnum."
Opinn og lagrænn djass
Píanóleikur Sunnu er af hinum Ijóðræna skóla, íhugull og
vandlega spunninn, í anda Bill Evans þar sem fáar nótur
segja meira en margar. Á fyrsta diski sínum, Far far away,
sem kom út 1997 stillti Sunna upp píanótríói, einu kröfu-
harðasta formi djasslistarinnar, og fórst það einkar vel úr
hendi, lék efnisskrá með djassstandördum og tónsmíðar
eftir sjálfa sig og eiginmanninn Scott. Píanótríóið leikur í
höndum Sunnu og mætti hún gera meira af því að nota þá
áhöfn. Á næsta diski, Mindful, frá árinu 2000 var tríó Sunnu
orðið að kvartetti með saxófóni og Mindful markaði þau
timamót að öll tónlistin á diskinum var eftir Sunnu. Á
sönglagadiskinum Fögru veröld, sem kom út 2002, fikraði
Sunna sig yfir í sönglistina og spreytti sig á sameiningu
lags og Ijóðs. Til að flytja þessi 21. aldar „síðustu lög fyrir
fréttir" fékk hún til liðs við sig söngkonuna Kristjönu Stef-
ánsdóttur og saxófónleikarann Sigurð Flosason og upp-
skar tilnefningu til íslensku tónlistarverðlaunanna fyrir vik-
ið. Á Fögru veröld eru lög Sunnu við Ijóð eftirTómas Guð-
mundsson, Sunnu Gunnlaugsdóttur, Stein Steinarr, Sofiu
Thorarensen og Sigurbjörgu Þrastardóttur og virðast Ijóð
Reykjavíkurskáldsins Tómasar hitta tónskáldið einkar vel.
„Þegar ég er að semja, finnst mér oft að lögin ættu að vera
46 / 3. tbl. / 2004 / vera