Almanak Hins íslenska þjóðvinafélags - 01.01.1897, Qupperneq 64

aptur. Sama má sjá á mönnum, sem hengja sig.
Snaran þr/stir saman slagæðunum á hálsinum, og
stöðvar þannig hlóðstrauminn upp í heilann, og jafn-
framt þrýstir hún harkanum saman og teppir andar-
dráttinn. Þessir menn missa mjög fljótt meðvitundina
og vita menn það bæði af sögusögn sjálfra þeirra
manna, sem hafa veriS lífgaðir aptur, og einnig má
ráða það af því, að menn hafa opt hengt sig af slysni,
á þann hátt, aö þeir mundu hæglega hafa getað bjarg-
að sjer sjálfir, ef þeir hefðu haft ráö og rænu.
Þaö er því engum efa bundið að ef andardráttur
og hjartsláttur er svo veikur, að ekki er unnt að verða
þeirra var, þá getur maðurinn ekki haft meðvitund.
Eptir þessu er það vottur um meira en miölungs
vangá eða hirðuleysi að kistuleggja lifandi menn, sem
hafa fulla meðvitund, því aS það hljóta að finnast
greinileg og ljós lífsmörk með þeim. Ef lífsmörkin eru
svo dauf, að menn geta ekki orðiS þeirra varir, þá er
ekki um neina meðvitund aS ræða, og það ástand
stendur svo stuttan tíma, að dauðann ber að löngu áS-
ur en búið er að smíða líkkistuna.
Það er auövitaö ekki mögulegt aS sanna, aS menn
sjeu aldrei kistulagðir lifandi, en ef það er nokkurn-
tíma gert, þá er það fyrir hrapalega handvömm, sem
ekki verSur bót mælt. Hitt má sanna, að sögur um
hljóS, sem hafi heyrzt til kviksettra upp úr kirkju-
göröum, geta ekki haft við nein rök aS styðjast, og
sama er að segja um sögur, um aS grafnar hafi verið
upp úr kirkjugörSum kistur, sem hinn kviksetti hafi
spyrnt fótagaflinum úr, eSa sem hafi borið önnur merki
þess að sá, sem kviksettur er, geti beitt nokkru afli,
eptir aS kistan er komin niður í gröfina. Jeg skal
leitast við aS gera mönnum þetta skiljanlegt:
MeS rólegum andardrætti andar maður frá sjer
hjer um bil 6/10 teningsfetum af kolsýru á hverri kl,-
stund, og maður gétur ekki lifaS nema örfáar mínútur
í lopti, sem hefur meira af kolsýru en Y12. Gerum
ráð fyrir, að venjuleg líkkista sje 6 feta löng, 2 feta
breið og 18 þuml. djúp; þá rúmast í henni 18 ten-
ingsfet af lopti; nú fyllir líkiS að minnsta kosti l/s
af þessu rúmi, svo aS í raun rjettri eru ekki meira en
í mesta lagi 12 teningsfet af lopti í kistunni. Til þess
(54)