Freyr - 15.12.2004, Blaðsíða 47

fréttabréf ein og sér, en hefur
komið upplýsingum á framfæri í
fréttabréfi Félags tamningamanna
sem og í gegnum net-miðla eins
og eidfaxi.is o.fl.
Námskeiðahald
Eitt námskeið var haldið á ár-
inu sem reyndar stóð yfir lung-
ann af vetrinum. Kennari var
meistari félagsins, Reynir Aðal-
steinsson. Námskeiðið var þann-
ig upp byggt að þátttakendur
hittust alls 5 sinnum yfir vetur-
inn. Kennt var á þriðjudags-
kvöldum. Eingöngu var kennt í
einkatímum, 30 - 40 mínútur í
senn. Ymist liðu 2 eða 4 vikur á
milli námskeiða sem þátttakend-
ur höfðu til að æfa sig í reiðlist-
inni. Námskeiðið var haldið að
Hólum og í samstarfi við skól-
ann, þannig að jafnframt var um
að ræða símenntunarnámskeið af
skólans hálfu.
Megin kostur þessa samstarfs
er sá að þannig opnast sá mögu-
leiki að námskeiðið verði styrk-
hæft frá Framleiðnisjóði land-
búnaðarins. Þátttakendur fengu
þannig hluta námskeiðsins nið-
ur- eða endurgreiddan. Skólinn
bauð einnig fram aðstöðu sína
sem og að annast fjármálin. Það
samstarf gekk nokkuð vel og
kunnum við Hólaskóla þakkir
fyrir. En jafnframt má alltaf gera
betur og þá helst þannig að
verkaskipting milli félagsins og
skólans sé skýr.
Námskeiðið fór mjög vel af
stað, alls voru 7 manns sem
byrjuðu undir handleiðslu meist-
arans. Þegar líða fór á veturinn
setti ýmislegt strik í reikninginn.
Þátttakendur sumir hverjir
mættu stopult og jafnvel án þess
að láta vita af forföllum. Einnig
varð að fresta einu skipti vegna
veðurs. Við sumt verður ekki
ráðið en félagið vill þakka Reyni
kærlega fyrir framlag hans í vet-
ur. Þátttakendur voru: Eyþór
Einarsson, Hinrik Már Jónsson,
Arndís Brynjólfsdóttir, Christi-
ane Mainka, Ragnar Stefánsson,
Nadia Nilsen og Dögg Jónsdótt-
ir.
Vetrarstarfið og
ENDURMENNTUN
Það helsta, sem er á döfinni
næsta vetur, er námskeiðahald,
auk annarra smærri viðburða eins
og fræðslukvölda. Stefnt er á að
halda öflugt þriggja helga nám-
skeið fyrir félagsmenn. Við mun-
um m.a. leita í smiðju meistara
okkar Eyjólfs í vetur.
Félagið ætlar að setja aukinn
þrýsting á að okkar stærsta reið-
höll á svæðinu, Svaðastaðir,
gagnist betur fyrir þjálfun og
tamningar. Ljóst má vera að
gólfið í höllinni er illa bjóðandi
fyrir faglega þjálfun og reið-
kennslu hestamanna okkar. Einn-
ig heyrast oft neikvæðar raddir
um gólfið eftir keppnir og sýn-
ingar.
Það er áhyggjuefni fyrir fé-
lagsmenn okkar að hestamanna-
félagið Funi í Eyjafírði hefur
tekið upp búning sem þannig er
lýst: Blár reiðjakki með rauðum
kraga og rauðu bindi, hvítar bux-
ur við. Þessi búningur er með
öðrum orðum eins og búningur
Félags tamningamanna með
reiðkennara og þjálfararéttindi
C. Eini munur á þessum búning-
um er merki á vinstra brjósti. Það
merki er hins vegar ekki greini-
legt nema í návígi séð framan
frá. Að framangreindum ástæð-
um ætti öllum að vera ljóst að
ómögulegt er að greina félags-
menn Funa frá okkar félags-
mönnum nema við nákvæma
skoðun. Við þetta missir félags-
búningur okkar þá sérstöðu sem
honum ber. Leita verður lausnar
á þessu máli.
Stjómin hefur nú á haustmánuð-
um beitt sér fyrir að komið verði á
keppni sem snúist að stærstum
hluta um reiðmennsku og minna
um getu á gangtegundum.
Framtíðarsýn
Virkni frjálsra félagasamtaka
eins og FT-norður ræðst af virkni
félagsmanna þeirra á að sjá um sí-
menntun og standa vörð um hags-
muni félagsmanna. Eg vil að hluti
af þeim fjármunum sem norður-
landsdeild FT hefur úr að spila
verði notaður í hagsmunabaráttu
fyrir félagsmenn sem og að endur-
menntunarmálum.
Við munum halda áfram að
nýta okkur samstarf við mennta-
stofnun eins og Hólaskóla því að
þannig næst aðgangur að ljár-
magni í gegnum Framleiðnisjóð
sem nýtist félagsmönnum okkar
beint. A stefnuskránni í vetur er
samt sem áður að bjóða upp á
fræðslukvöld og fyrirlestra fyrir
alla hestamann og áhugafólk um
hesta. Einnig er nauðsynlegt að
horfa út fyrir landsteinana og
halda áfram að reyna að nýta
okkur þá gríðarlegu reynslu og
þekkingu i hestamennsku sem til
er í heiminum. I Norður- og Suð-
ur-Ameríku er mikil hefð fyrir
ganghestum og þjálfun þeirra á
tölti. Einnig vitum við af þessum
gríðarlega léttleika og snerpu
sem einkennir kúrekareið-
mennskuna. Þegar þessir þættir
koma saman getur blandan orðið
spennandi.
Þórarinn Eymundsson.
Ath! Nýtt heimilisfang FT
Félag tamningamanna
Bœndahöllinni við Hagatorg
107 Reykjavík
Sími: 563 0300
Netfang: ft@bondi. is
Nýr starfsmaður FT: Kristín
Helgadóttir
vvwvi'. tamningamenn. is
Freyr 11-12/2004 - 471