Árbók VFÍ/TFÍ - 01.01.1996, Side 39

Tækniarmáll 37
Stórverkefni: Fjárveiting til stórverkefna 1994 var 1.072 m.kr. Langstærsta fjárveitingin var
eins og undanfarin ár til Vestfjarðarganga eða 964 m.kr.
Stórverkefnin voru stórbrýr og jarðgöng. Stórbrýr voru um Gilsfjörð á Vesturlandsvegi, um
Vesturós Héraðsvatna á Sauðárkróksbraut og um ós Breiðdalsár á Austurlandsvegi. Jarðgöng
voru Vestfjarðargöng og Austurlandsgöng.
7.2 Hafnargerð
Unnið var að ríkisstyrktum framkvæmdum við hafnargerð og sjóvarnargarða fyrir samtals
1248 milljónir króna árið 1994. Skipting framkvæmda eftir verkefnaflokkum kemur fram í
töflunni hér til hægri.
Framkvæmdir í 50 höfnum nutu
ríkisstyrks árið 1994. Heildarkostn-
aður nam 1180 milljónum króna, þar
af var hlutur ríkissjóðs 757 milljónir
króna. I eftirtöldum liöfnum var
unnið fyrir hærri upphæð en 30
milljónir króna: Blönduósi, Hafna-
samlagi Eyjafjarðar, Akureyri, Þórshöfn, Breiðdalsvík, Vestmannaeyjum, Þorlákshöfn, Grinda-
vík, Sandgerði og Reykjanesbæ.
Blönduós: A Blönduósi lauk byggingu brimvarnargarðs, sem hófst árið 1993. I allt voru
notaðir um 100.000 m3 af grjóti í garðinn. Kostnaður árið 1994 nam 62 milljónum króna.
Hafnarsamlag Eyjafjarðar: Hafnasamlag Eyjafjarðar nær til hafnanna í Árskógshreppi,
Dalvíkur og Olafsfjarðar. Hafin var bygging 320 metra langs brimvarnargarðs á Dalvík. I
garðinn fara um 100.000 m3 af grjóti og mun verkinu ljúka árið 1995. Alls var unnið að
nýframkvæmdum fyrir 107 milljónir króna hjá Hafnasamlagi Eyjafjarðar, þar af fóru 62
milljónir í brimvarnargarðinn.
Akureyri: Á Akureyri var stærsta verkefnið smíði nýs hafnsögubáts, sem smíðaður var hjá
Slippstöðinni Odda hf. Heildarkostnaður við nýframkvæmdir Akureyrarhafnar nam 57
milljónum króna, þar af 43 milljónir vegna smíði hafnsögubátsins.
Þórshöfn: Á Þórshöfn var unnið að dýpkun hafnarinnar, klapparbotni sem þurfti að bora og
sprengja. Þá var hafin smíði 78 metra langs viðlegukants við Hraðfrystistöðina.
Heildarkostnaður við framkvæmdirnar nam 54 milljónum króna.
Breiðdalsvík: Á Breiðdalsvík var byggður stálþilshaus við ytri bryggjuna. Lengdarmetrar
nýrrar viðlegu eru 135 og kostnaður við framkvæmdina varð 45 milljónir króna.
Vestmannaeyjar: I Vestmannaeyjum, milli skipalyftunnar og Löngu, var byggður 155 metra
langur viðlegukantur úr stálþili og nam kostnaður við þá framkvæmd 72 milljónum króna.
Samið var við Skipalyftuna hf. um smíði nýs hafnsögubáts og auk þess unnið að ýmsum smærri
framkvæmdum. Alls var unnið að ríkisstyrktum nýframkvæmdum í Vestmannaeyjahöfn fyrir
187 milljónir króna árið 1994.
Þorlákshöfn: 1 Þorlákshöfn nam kostnaður við nýframkvæmdir 42 milljónum króna. Stærstu
verkefnin voru smíði 30 metra langrar trébryggju við ísstöðina og kaup á nýjum hafnsögubát.
Grindavík: I Grindavík nam kostnaður við nýframkvæmdir 86 milljónum króna en unnið var
að breikkun og endurbyggingu Eyjabakka.
Sandgerði: I Sandgerði var Norðurgarður breikkaður og grjótvarinn og komið upp flot-
bryggju fyrir björgunarbát Slysavarnarfélagsins. Kostnaður við nýframkvæmdir nam 56
milljónum króna.
Reykjanesbær: í Reykjanesbæ var hafin smíði 150 metra langs viðlegukants í Helguvík.
1. Hafnaframkvæmdir er nutu ríkisstyrks 1180 m.kr.
2. Ferjubryggjur 10 m.kr.
3. Sjóvarnargarðar 58 m.kr.
Samtals: 1248 m.kr.