Árbók VFÍ/TFÍ - 01.01.1996, Qupperneq 51

TækniannáH 49
Umtalsverð vinna hefur verið lögð í að leggja drög að setningu nýrra laga um skólann, en
núgildandi lög eru orðin úrelt í veigamiklum atriðum. Aðalatriði hefur verið að stefna að
sveigjanleika, að gera innra stjórnkerfi virkt og forðast sem kostur er nefndir og ráð sem svo
mjög setja mark sitt á starfsemi og stjórnkerfi skóla á háskólastigi og eru oft hemill á nauðsyn-
lega þróun. Skólinn þarf að geta brugðist fljótt við breyttum aðstæðum og lagað sig að nýjum
kröfum nemenda og sainfélags.
9.3 Rannsóknarstofnun byggingariönaöarins, Rb
Umsvif Rannsóknarstofnunar byggingariðnaðarins hafa verið nokkuð stöðug undanfarin ár.
Veltan hefur verið um 150 milljónir, þar af hafa u.þ.b. 50 milljónir fengist á fjárlögum, og
reksturinn hefur komið út á „núlli“. Rannsóknir hafa aukist nokkuð, svo og gæðaeftirlit og
vottanir. Hér verður gerð grein fyrir megin þáttum starfseminnar.
Rannsóknir: Rúmlega 30% starfseminnar flokkast sem rannsóknir. Þær fara fram á hinum
ýmsu deildum og verður hér getið helstu rannsóknaverkefna á hverri deild.
Steinsteypudeild: Þétting sprungna með „innþrýstitækni" - þróun aðferðar, Sprunguhreyfing-
arþol viðgerðarefna - þróun aðferðar, Hástyrkleika léttsteypur, Efnahvörf í sjávarsteypum,
Slitþol steyptra slitlaga, Tilraunakaflar með steypt slitlög - gæðamat, Steinfletir utanhúss.
Húsbyggingatækni: Ástand húsa - viðhaldsþörf, Loftræstar útveggjaklæðingar, íslensk múr-
einangrunarkerfi, Prófanir á gluggum (norrænt), Ástandskönnun einangrunarglers.
Vegtœknideild: BUSL (burðarþol slitlaga), Bikþeytur - tilraunakaflar, Niðurbrot steinefna,
Frost-þíðuþol malbiks, Rykmengun frá malbiksslitlögum, Fínefni í malbiksslitlög.
Jarðfrœði/jarðtœkni: Gæðaflokkun steinefna, Dreifing possolana í steinsteypu, Lektarpróf v.
mengunar (norrænt), Glersalli í steinsteypu - endurvinnsla, Veðrun grágrýtis.
Lagnadeild: Vatnstjónavarnir, Húsalagnir - nýjar lausnir, Tæring zinkhúðaðra lagna, Tæring
eirlagna.
Kostnaðardeild: Vísitölur byggingarkostnaðar, viðhaldsþörf - viðhaldskostnaður (sjá Húsb.tækni).
Þjónusturannsóknir: Um er að ræða efnisprófanir og prófanir á byggingareiningum fyrir
aðila byggingariðnaðarins. Um 1400 slíkar rannsóknir voru framkvæmdar árið 1994 og er það
svipað og undanfarin ár.
Gæðaeftirlit: Stofnunin gerir samninga við framleiðendur og/eða innllytjendur byggingar-
vara um hlutlaust eftirlit með gæðum viðkomandi vöru og virkni eigin innra gæðaeftirlits.
Slíkir samningar eru nú í gildi við 22 fyrirtæki í hinum ýmsu greinum. Yfirlit yfir fyrirtækin
og viðkomandi vörur er gefið út með Rb-fréttum árlega.
Vottanir: Vottun á því hvort byggingareiningar eða einingahús standist ákvæði bygginga-
reglugerðar, hefur aukist. Jafnframt hafa verið teknar upp vottanir á gæðum lagnaefnis, skv.
danskri fyrirmynd.
Gæðastjórnun: Nú er að ljúka verkefni í gæðastjórnun sem Rb rak og tók þátt í með 4 verk-
tökum: Ármannsfelli hf., íslenskum Aðalverktökumr hf„ ístaki og Jarðborunum hf. Gæðakerfi
var byggt upp miðað við ISO 9001 staðalinn en sem prófunarstofa verður Rb jafnframt að upp-
fylla staðalinn EN-45001. Er miðað við að svo verði frá n.k. áramótum.
Utgáfa: Árið 1994 og fram í október 1995 hefur stofnunin gefið út 4 sérrit, 12 rannsóknar-
skýrslur og 13 Rb-tækniblöð auk verklýsinga varðandi viðhald.
Erlend samskipti: Rb hefur góð erlend tengsl og eru sérfræðingar stofnunarinnar félagar í
ýmsum alþjóða samtökum á viðkomandi sviðum. Helstu samtök sem Rb er í eru: ENBRI
(European Network of Building Research Institutes), NORDTEST (stjórnarformaður 1995),
CIB, RILEM, NBS (samstarf norrænna byggingarrannsóknastofnana), Eurolab, ACI og
ASTM.