Árbók VFÍ/TFÍ - 01.01.1996, Qupperneq 173

Stefnumótun 171
einkenni forstjóra fyrirtækisins sem leiðtoga þess og ljósbera. Að hann verði endilega sjálfur
að koma með hugmyndina að framsetningunni er hins vegar byggt á misskilningi.
Megintilgangurinn með framtíðarsýn er að skerpa stefnumótunina, vera leiðarljós í öllum
athöfnum innan fyrirtækisins og sameina allt starfsliðið um þær breytingar sem hún hefur í för
með sér. Þetta ber það með sér að ekki er nægjanlegt að yfirstjórnendur komi sér saman um
framtíðarsýnina og tilkynni síðan starfsliðinu. Meginatriðið er að það allt keppi að henni. Það
hefst sjaldan með áróðri og fortölum heldur er talið best að umræður fari fram í fyrirtækinu í
því skyni að smám saman eigni starfsmenn sér hana hver fyrir sig sem verði til þess að þeir
aðhyllist hana að lokum allir sem einn. Misheppnist það verður hún hins vegar annað hvort
gagnslítil eða gagnslaus.
5.4 Gildismat
í hverju fyrirtæki eru til tvenns konar hegðunarmynstur.
• Hið raunverulega.
• Hið æskilega.
Með þekkingu á þeim báðum skapast þekking á því hvaða þættir í hinu raunverulega hegð-
unarmynstri hafa truflandi áhrif á bætta stöðu fyrirtækisins.
Með því að setja fram æskilegt hegðunarmynstur í fornti gildismats og „selja“ það starfs-
liði á svipaðan hátt og framtíðaisýn er komin mikilvæg leið til þess að breyta og bæta menn-
ingu fyrirtækisins.
Hér á eftir eru sett fram nokkur dæmi um hugsanlega raunverulega neikvæða hegðun:
• Láta alltaf líta út fyrir að vera uppteknir. Vinna t.d. alltaf mikla yfirvinnu.
• Vera ekki fyrstir til að vera ósammála.
• Hlæja að þeim sem stinga upp á einhverju nýju.
• Kvarta oft.
• Bjóðast ekki til neinna verka.
• Breyta engu, taka ekkert frumkvæði.
• Fá ekki aðstoð frá neinum við lausn vandamála. Það gæti Ijóstrað upp um veikleika.
• Gæta þess að spyrja yfirstjórnendur mikið og sýna þeim oft hvað verið er að gera.
Hér fara á eftir dæmi um algeng atriði í gildismati. I raun og veru er bæði um að ræða
leiðbeiningar til starfsmanna um það hvernig vonast er til að þeir hagi sínum störfum og opin-
ber leiðbeining til stjórnenda urn það hvernig þeir eigi að haga sínum stjórnunarstörfum gagn-
vart starfsmönnum:
• Koma þarf fram við fólk með virðingu.
• Fyrirtækið á að vera krefjandi og skemmtilegur vinnustaður þar sem sköpunargáfa,
hreinskilni, samvinna og áhætta er verðlaunuð. Við reynum að hafa jafnvægi í þörfum
starfsliðs og fyrirtækis.
• Hópvinna er lykillinn að árangrinum.
• Mikilvægt er að bæði sé unnið af dugnaði og skynsemi. Við reynum að láta starfsmönn-
um í té upplýsingar, þekkingu og vald sem nauðsynlegt er til þess að markmiðum
fyrirtækisins verði náð.
• Þróun starfsliðsins er nauðsynleg fyrir vöxt og viðgang fyrirtækisins.
• Við veröum að sigra í samkeppninni. Við verðum því að vera í raun fyrirtæki framtíðar-
innar. Allir starfsmenn bera ábyrgð á því að stöðugar umbætur verði einkenni rekstrarins.