Fréttablaðið - 05.04.2012, Blaðsíða 6

Í þetta skipti ætlar hinn þjóðkunni og vinsæli söngvari Helgi Björns
að leiða farþega um áður óþekktar slóðir hinnar frábæru Berlínar
sem margir kalla „New York Evrópu“ – enda sefur hún aldrei. Helgi
gjörþekkir Berlín og veit hvar áhugaverða klúbba, dansstaði, leikhús,
óperur og fjöllistasýningar er að finna.
Allar nánari upplýsingar á www.expressferdir.is
Innifalið: Flug með sköttum og öðrum greiðslum, gisting í þrjár nætur með
morgunverði á 4* hóteli og fararstjórn Helga Björnssonar.
F
í
t
o
n
/
S
Í
A
Borgarferðir
Með Helga Björns
í menningarborginni Berlín
Verð á mann í tvíbýli með morgunverði
94.900 kr.
expressferdir.is
5 900 100
27.–30. apríl
5. apríl 2012 FIMMTUDAGUR6 6
LÖGREGLUMÁL Enginn meiddist þegar söluskálinn Blái
Turninn við Háaleitisbraut í Reykjavík varð eldi að
bráð rétt fyrir klukkan ellefu í gærmorgun.
Samkvæmt upplýsingum frá slökkviliði náði starfs-
kona söluskálans að forða sér út eftir að eldur, sem
talinn er hafa komið upp í djúpsteikingarpotti, breidd-
ist hratt út og læsti sig í loft og svo klæðningu í þaki
söluskálans.
Húsið er talið ónýtt eftir brunann en úr varð tölu-
verður eldur og sást reykurinn frá brunanum langt að.
Allnokkur viðbúnaður var vegna brunans, en um
skeið lokaði lögregla öllum götum í nágrenni söluskál-
ans. Þá voru á staðnum að minnsta kosti þrír slökkvi-
liðsbílar og nokkrir sjúkrabílar. Aðgerðum á vettvangi
stjórnaði Stefán Eiríksson, lögreglustjóri höfuðborg-
arsvæðisins.
Slökkvistarf stóð í um þrjár klukkustundir en lauk
fljótlega eftir að grafa, sem kölluð hafði verið á vett-
vang, náði að rjúfa þak söluskálans. - óká
BARIST VIÐ ELDINN Blái turninn við Háaleitisbraut er ónýtur
eftir bruna í gær. FRÉTTABLAÐIÐ/PJETUR
Starfskona Bláa turnsins náði að forða sér þegar eldur kviknaði út frá steikarpotti:
Eldur breiddist út á skammri stund
NEYTENDUR Verð á vörum og þjónustu
hefur hækkað um 34,9 prósent hér á
landi frá árinu 2008. Á meðan hefur
hækkunin numið 5,8 prósentum á
evrusvæðinu.
Þetta kemur fram í nýrri úttekt
sem Hagstofa Íslands vann fyrir Já
Ísland, en þar kemur jafnframt fram
að matarkarfan hefur hækkað um
32 prósent á Íslandi en samsvarandi
hækkun nemur rúmum fimm pró-
sentum á evrusvæðinu. Verð á fatn-
aði og skóm hefur einnig hækkað
um rúm 30 prósent hér landi en verð
hefur lækkað um tæp átta prósent á
evrusvæðinu.
Í tilkynningu frá Já Íslandi segir
að augljóst sé að gjaldmiðlamál skipti
miklu í þessu máli og mikilvægt sé
að skoða samanburð við evrulönd til
þess að geta tekið upplýsta ákvörð-
un um það hvort aðild að ESB geti
nýst heimilum í landinu. Mikilvægt
sé að horft sé til staðreynda í þeirri
umræðu og þessari úttekt sé ætlað að
hafa jákvæð áhrif á umræðuna „til
gagns og fróðleiks“. - þj
Könnun á þróun neysluverðs á Íslandi og á evrusvæðinu:
Verðhækkanir eru langtum meiri hér
■ Heildarverð á vörum og þjónustu:
Ísland +34,9%
Evrusvæðið +5,6%
■ Matur og drykkur:
Ísland +32%
Evrusvæðið +5,2%
■ Verð á fatnaði og skóm:
Ísland +31,4%
Evrusvæðið -7,9%
■ Húsgögn og heimilisbúnaður:
Ísland +40,1%
Evrusvæðið 3,8%
Verðþróun:
HEIMILD: JÁ ÍSLAND
FR
ÉTTA
B
LA
Ð
IÐ
/VILH
ELM
INNKAUP Vöruverð hér á landi hefur
hækkað talsvert umfram það sem gerist á
evrusvæðinu samkvæmt úttekt Já Íslands.
NÁTTÚRA Vísindamenn Veðurstof-
unnar og Jarðvísindastofnunar
Háskóla Íslands funduðu í gær um
eldstöðina Öskju norðan Vatnajök-
uls. Farið var yfir gögn úr rann-
sóknaleiðangri með flugvél Land-
helgisgæslunnar sem farinn var á
mánudag. Tilefni rannsóknanna
er að Öskjuvatn var orðið íslaust
strax í mars, sem er tveimur til
þremur mánuðum fyrr en venja
er til.
„Vatnið var íslaust í mars og
það er vísbending um verulega
aukinn jarðhita á botni vatns-
ins einhvers staðar“, segir Einar
Kjartansson, sérfræðingur á Veð-
urstofu Íslands. Einar bendir á að
þó óvenjuhlýtt hafi verið á land-
inu í mars skýri það ekki ísleysið
á Öskjuvatni, enda séu önnur vötn
á hálendinu, til dæmis Hágöngu-
lón og Mývatn, enn undir ís.
Þess vegna þótti vísindamönnum
ástæða til frekari athugana.
Í fluginu kom einnig í ljós að
þekktu jarðhitasvæðin þrjú á
svæðinu voru vel virk, en engin
auðsjáanleg merki nýs yfirborðs-
hita var sjáanlegur. Stóra askjan
var undir snjóþekju og engin
bræðsla var sjáanleg.
Spurður nánar um eldstöðina
Öskju segir Einar að í síðasta
gosi, árið 1961, hafi fylgt nokkur
aðdragandi með aukinni jarðhita-
virkni. Hann segir jafnframt að
þétt mælanet sé á svæðinu sem
geti gefið upplýsingar þegar gögn-
unum hefur verið safnað saman.
„Þarna varð gríðarlega stórt gos
1875 og nokkur smágos fram til
gossins 1961. Það er því ekkert
reglulegt mynstur sem gæti gefið
hugmyndir um hvenær næsta gos
sé væntanlegt.“
Almannavarnadeild Ríkislög-
reglustjóra sendi frá sér tilkynn-
ingu síðdegis í gær. Þar kemur
fram að Jarðvísindastofnun og
Veðurstofan munu fara í leiðangur
á svæðið eftir páska til þess að gera
mælingar á svæðinu og koma fyrir
tækjabúnaði til frekari mælinga.
Vegna óvissu vill lögregla beina
þeim tilmælum til fólks að fara
ekki um svæðið að óþörfu. „Sér-
staklega er varað við því að fólk
fari að Víti eða Öskjuvatni vegna
möguleikans á að eitraðar gasteg-
undir séu að leita upp,“ segir í til-
kynningu. svavar@frettabladid.is
Ísleysið á Öskjuvatni er til
marks um aukinn jarðhita
Vísindamenn lögðu í gær línurnar vegna óvenjulegs ástands við Öskju, sem er eldstöð norðan Vatnajökuls.
Öskjuvatn var orðið íslaust í mars, sem er óþekkt. Almannavarnir vara við ferðalögum um svæðið.
AUGA Í AUÐNINNI Þessi mynd utan úr
geimnum segir meira en mörg orð, hér
sést Öskjuvatn íslaust en landið annars
þakið ís og snjó.
MYND/MODIS/NASA/UNNIN Á VEÐURSTOFU Á ÍSLANDS
VIÐ ÖSKJUVATN Mikil náttúrufegurð er við vatnið en almannavarnir vara við ferðum á svæðið. FRÉTTABLAÐIÐ/VILHELM
SÓMALÍA, AP Að minnsta kosti tíu
manns létust í sprengjuárás á
ríkisleikhús í Mogadishu, höfuð-
borg Sómalíu.
Árásin var gerð þegar Abdiweli
Mohamed Ali forseti var að flytja
ræðu í tilefni af ársafmæli ríkis-
sjónvarps landsins. Fjöldi gesta
var í húsinu, sem var opnað á ný
fyrir aðeins tveimur vikum eftir
að hafa staðið lokað árum saman
vegna borgarastyrjaldarinnar í
landinu.
Vonir um friðsælli tíma höfðu
vaknað í höfuðborginni eftir að
stjórnarhernum tókst að hrekja
íslamistasamtökin al-Shabab úr
borginni í ágúst. Samtökin sögð-
ust í gær bera ábyrgð á þessari
árás og sögðu að sprengjum hafi
verið komið fyrir í húsinu, en
ríkisstjórnin segir að kona hafi
sprengt sig í loft upp. - gb
Sprengjuárás í Sómalíu:
Friðurinn úti í
höfuðborginni
Á VETTVANGI Særður maður fluttur burt.
NORDICPHOTOS/AFP
SVÍÞJÓÐ Bíll og ryksuga brunnu
til kaldra kola í norðurhluta Sví-
þjóðar í vikunni. Eigandi bílsins
hafði ætlað að flytja bensín úr
bílnum yfir í snjóblásturstæki
með þessum afleiðingum.
Maðurinn ákvað að nota heim-
ilisryksuguna til þess að sjúga
bensín úr bílnum, með þeim
afleiðingum að það kviknaði í
henni. Maðurinn, sem var inni í
bílskúr þegar þetta átti sér stað,
kastaði ryksugunni út úr honum
þar sem hún sprakk. Manninum
varð ekki meint af. - þeb
Ætlaði að sjúga bensín úr bíl:
Ryksuga full af
bensíni sprakk
Telur þú rétt að fækka íslensk-
um háskólum í hagræðingar-
skyni?
Já 73%
Nei 27%
SPURNING DAGSINS Í DAG:
Ætlar þú til útlanda í sumar?
Segðu skoðun þína á Visir.is.
KJÖRKASSINN