Fréttablaðið - 05.04.2012, Blaðsíða 52

5. apríl 2012 FIMMTUDAGUR
timamot@frettabladid.is
„Stundum þarf ég að klípa sjálfa mig
þegar ég vakna til að ganga úr skugga
um að þetta sé í raun og veru satt. Ég er
ekki sinni orðin fertug og hef samt gert
svo ótal margt, ferðast um allan heim,
eignast þrjú dásamleg börn og er á leið-
inni til tunglsins og líka til Íslands. Lífið
gerist ekki betra,“ segir hin þekkta ævin-
týrakona Renata Chlumska, sem heldur
fyrirlestur á vegum Félags íslenskra
fjallalækna (FÍFL) í Háskólabíói mið-
vikudaginn 11. apríl næstkomandi.
Fyrirlestur Renötu ber yfirskriftina
High Adventure, titill sem væntanlega
lýsir lífi Renötu vel, en þessi 39 ára Svíi
hefur meðal annars verið valin ein af
fremstu ævintýrakonum heims af hinu
útbreidda tímariti Outdoor Magazine.
Hún var fyrst sænskra kvenna að ná
tindi Everestfjalls og hefur gengið á
fjölda annarra tinda, til dæmis Shishap-
angma, sem er í 8.006 metra hæð, án við-
bótarsúrefnis. Afrek hennar ná einnig til
hjólreiða og siglinga, en Renata hjólaði
frá Nepal til Stokkhólms á fjórum mán-
uðum. Árið 2005 hjólaði hún og reri á
kajak yfir 48 ríki Bandaríkjanna, en sú
ferð tók nærri eitt og hálft ár og ferðað-
ist hún alls 18.500 kílómetra.
Renata stefnir einnig á að verða
innan skamms fyrsta sænska konan
sem ferðast út í geiminn, en hún hefur
í dágóðan tíma átt miða númer 192 hjá
Virgin Galactic, fyrirtækinu sem gefur
almenningi kost á slíkum ferðum gegn
gjaldi. „Ég verð bara farþegi í þessari
ferð, en ég æfi og undirbý mig eins og
ég sé alvöru geimfari, eða eins nærri
því og kostur er. Stóra markmiðið er svo
auðvitað að komast til tunglsins og verða
fyrsta manneskjan til að komast á topp-
inn á hæsta fjallinu á tunglinu. Einhver
verður að gera það og ég vona að það
verði ég,“ segir Renata.
Þetta verður í fyrsta sinn sem ævin-
týrakonan kemur til Íslands og segist
hún hlakka mikið til ferðarinnar, enda
er Ísland eina Evrópulandið sem hún
hefur ekki enn heimsótt. „Þess vegna
ákvað ég að vera tveimur dögum leng-
ur á landinu til að ferðast um með fjöl-
skylduna og sjá landið betur. Á fyrir-
lestrinum í Háskólabíói kem ég til með
að segja frá þessum ferðum mínum og
ævintýrum, hvernig ég byrjaði og hvaða
aðferðum ég beiti til að fá sem mest út
úr lífinu. Ég vonast til að geta hvatt
gesti til að láta drauma sína rætast, að
sýna þeim að allt er mögulegt.“
Á undan fyrirlestri Renötu munu
Tómas Guðbjartsson og Ólafur Már
Björnsson, meðlimir í FÍFL, segja
stuttlega frá nokkrum háfjallaperlum
Íslands. Aðgangur er ókeypis og allir
velkomnir.
kjartan@frettabladid.is
ÆVINTÝRAKONAN RENATA CHLUMSKA: HELDUR FYRIRLESTUR Í HÁSKÓLABÍÓI
Vonast til að hvetja Íslendinga
ÆVINTÝRAKONA Hin þekkta sænska ævintýrakona Renata Chlumska segir frá ferðum sínum um heiminn, á fjöll og fljótlega til tunglsins, í fyrir-
lestri í Háskólabíói þann 11. apríl. MYND/ FREDRIK BLOMQVIST
Tónlistarmaðurinn dáði Kurt Cobain fyrirfór
sér á heimili sínu í Seattle í Bandaríkjunum
á þessum degi árið 1994. Cobain öðlaðist
frægð sem gítarleikari, söngvari og lagasmið-
ur hljómsveitarinnar Nirvana, sem margir
vilja flokka undir svokallaða gruggstefnu
(„grunge“) en þó ekki allir.
Cobain glímdi við vímuefnadjöfulinn
stóran hluta af sínu stutta lífi. Á tónleika-
ferðalagi um Evrópu með Nirvana í byrjun
mars 1994 var hann lagður inn á spítala
í Róm á Ítalíu vegna of stórs skammts af
verkjalyfinu Rohypnol, sem hann skolaði
niður með kampavíni. Courtney Love, eigin-
kona söngvarans, hélt því síðar fram að þetta
hefði verið fyrsta sjálfsvígstilraun Cobains.
Tveimur vikum síðar, 18. mars, læsti Cobain
sig inni í herbergi á heimili sínu með byssu.
Í kjölfarið fór hann í meðferð í Kaliforníu en
strauk eftir stutta dvöl og fór aftur til Seattle
í flugvél, þar sem hann sat við hlið Duffs
McKagan, bassaleikara Guns N‘Roses.
Cobain fór huldu höfði næstu dagana.
Rafvirki fann lík hans á heimilinu þann 8.
apríl, þremur dögum eftir að Cobain hafði
skotið sig í höfuðið. Við hlið hans var sjálfs-
morðbréf, sem Courtney Love las upp úr fyrir
aðdáendur, sem söfnuðust saman í almenn-
ingsgarði í Seattle nokkrum dögum síðar til
að minnast tónlistarmannsins.
ÞETTA GERÐIST: 5. APRÍL 1994
Kurt Cobain fellur fyrir eigin hendi
COLIN POWELL, fyrrverandi utanríkisráðherra Banda-
ríkjanna, er 75 ára í dag.
„Slæmar fréttir verða verri með aldrinum.”
Ástkær móðir okkar, tengdamóðir,
amma og langamma,
BRYNDÍS EIRÍKSDÓTTIR
Stöðulfelli,
sem lést 30. mars á Dvalar- og hjúkrunar-
heimilinu Grund, verður jarðsungin
frá Skálholts dómkirkju laugardaginn 7. apríl
kl. 13.30. Blóm og kransar eru vinsamlegast afþakkaðir,
en þeim sem vilja minnast hennar er bent á líknarstofnanir.
Margrét Bjarnadóttir Viggó K. Þorsteinsson
Eiríkur Bjarnason Ásdís J. Karlsdóttir
Sigríður Bjarnadóttir Guðmundur B. Kristmundsson
Guðrún Elísabet Bjarnadóttir Benedikt S. Vilhjálmsson
Jón Bjarnason Lilja Árnadóttir
Oddur Guðni Bjarnason Hrafnhildur Ágústsdóttir
Guttormur Bjarnason Signý B. Guðmundsdóttir
barnabörn og barnabarnabörn.
Innilegar þakkir til allra þeirra sem sýndu
okkur vináttu, samúð og hlýhug við andlát
og útför elskulegrar eiginkonu minnar,
móður okkar, tengdamóður, systur, ömmu
og langömmu,
RÓSU KEMP ÞÓRLINDSDÓTTUR
Barrholti 7, Mosfellsbæ,
sem lést fimmtudaginn 8. mars. Sérstakar
þakkir til starfsfólks hjartadeildar Landspítalans og
líknardeildar LSH í Kópavogi. Guð blessi ykkur öll.
Jón Þorberg Eggertsson
Ólafur Ólafsson Alda Konráðsdóttir
Svala Haukdal Jónsdóttir Kjartan O. Þorbergsson
Þórdís Elva Jónsdóttir Hafsteinn Ágústsson
Guðríður Erna Jónsdóttir Ólafur Ágúst Gíslason
Jórunn Linda Jónsdóttir
barnabörn og barnabarnabörn.
Innilegar þakkir fyrir auðsýnda samúð
og hlýhug vegna andláts móður okkar,
tengdamóður, ömmu og langömmu,
INGIBJARGAR JÚLÍUSDÓTTUR
kjólameistara.
Sérstakar þakkir til starfsfólks
Droplaugarstaða fyrir góða umönnun.

Ágústa Högnadóttir Eyjólfur Ólafsson
Ólafur Ellertsson Guðmunda Árnadóttir
Baldur Ellertsson Ásthildur Hannesdóttir
barnabörn og barnabarnabörn.
Elskuleg móðir okkar, tengdamóðir, amma
og langamma,
SÓLRÚN YNGVADÓTTIR
húsmóðir og alþýðuleikkona,
Hamraborg 18, Kópavogi,
varð bráðkvödd að heimili sínu 27. mars.
Útförin hefur farið fram í kyrrþey að ósk
hinnar látnu.

Kristbjörg Ásmundsdóttir Ólafur Ingólfsson
Elín Ebba Ásmundsdóttir Jon Kjell Seljeseth
Ásmundur Einar Ásmundsson Sigrún Óskarsdóttir
barnabörn og barnabarnabörn.
Innilegar þakkir til allra þeirra sem sýndu
okkur samúð og hlýhug við andlát og útför
elskulegrar móður okkar, tengdamóður,
ömmu og langömmu,
ELÍNAR JÚLÍÖNU
GUÐLAUGSDÓTTUR
Hrútsstöðum, Dalasýslu.

Böðvar Bjarki Magnússon Bergþóra Jónsdóttir
Guðlaugur Ellertsson Kristbjörg Einarsdóttir
Guðrún Ellertsdóttir Ragnar M. Hauksson
barnabörn og barnabarnabörn.
Elskuleg móðir okkar, tengdamóðir, amma
og langamma,
UNNUR JÓNSDÓTTIR
Heiðvangi 5, Hellu,
lést 23. mars á Heilbrigðisstofnun
Suðurlands, Selfossi. Útför hennar
fer fram frá Árbæjarkirkju í Holtum
laugardaginn 7. apríl kl. 14.00.

Hannes Ólafsson Ragnheiður Alfreðsdóttir
Ingibjörg Ólafsdóttir Halldór Leifsson
Jón Þröstur Ólafsson
barnabörn og barnabarnabörn.
Ástkær móðir okkar, tengdamóðir, amma
og langamma,
KRISTLAUG ÓLAFSDÓTTIR
(STELLA)
Hjúkrunarheimilinu Holtsbúð,
Vífilsstöðum
áður til heimilis að Kirkjusandi 3,
andaðist mánudaginn 2. apríl. Útförin verður auglýst síðar.

Ingvar Finnur Valdimarsson María Karlsdóttir
Guðjón Þór Valdimarsson Guðrún Ólafsdóttir
barnabörn og barnabarnabörn.
Ástkær eiginmaður minn, faðir, tengdafaðir,
afi og langafi,
Hjörtur Kristinn Hjartarson
frá Hellisholti, Vestmannaeyjum,
Gullsmára 11, Kópavogi,
lést á Hjúkrunarheimilinu Sunnuhlíð
3. apríl. Jarðarförin fer fram frá
Aðventkirkjunni, Ingólfsstræti 19,
miðvikudaginn 11. apríl kl. 13.00. Blóm og kransar eru
vinsamlegast afþakkaðir, en þeim sem vilja minnast hans
er bent á Hjúkrunarheimilið Sunnuhlíð.
Jóhanna Arnórsdóttir
María Hjartardóttir Jón Marteinsson
Arndís Hjartardóttir Francisco Fernandez Bravo
Eydís Ósk Hjartardóttir Viggó Jóhannesson
Kristín Hjartardóttir
barnabörn og barnabarnabörn.