Fréttablaðið - 05.04.2012, Blaðsíða 38

8 • LÍFIÐ 5. APRÍL 2012
En þegar kemur að söngnum?
Ég var að fá stórt verkefni sem
verður „tribute“ til Duke Ellington.
The American Jazz Association bað
mig um að gera þetta og mér skilst
að ég verði eini söngvarinn með
stórsveitinni svo að mér er það
mikill heiður. Ég er að vinna í því í
augnablikinu ásamt geisladiski sem
vonandi kemur út fyrr en síðar.
Síðan er ég líka að syngja tvö lög
inn á plötu í apríl, sem er „tribute“
til Steely Dan – líka
á vegum The Am-
erican Jazz Insti-
tute. Svo var verið
að biðja mig um að
leika Marlene Diet-
rich í eins manns
uppfærslu en við
sjáum nú til hvort
það gangi upp.
En aðalatriðið er
að ég verð með
minningartónleika
til heiðurs pabba
á Kaff i Rósen-
berg í Reykjavík 1.
júní næstkomandi.
Miðar verða seldir
á Midi.is og ég
vonast bara til að
sem flestir sjái sér
fært um að mæta.
Ég syng á stað
sem heitir Vibrato
og er í eigu Herbs
Alpert t rompet-
le ikara, sem er
voða góður gæi. Þetta er mjög
flottur klassastaður í Bel Air- hverfinu
í Los Angeles. Reyndar flottasti
djassklúbburinn í Los Angeles. Mér
hefur verið tekið ótrúlega vel þar og
mér finnst ég loksins passa einhvers
staðar inn. Ég hef aldrei passað inn
neins staðar fyrr en núna.
Saknar orkunnar á Íslandi
Ræðum aðeins um Ísland. Hvers
saknarðu helst héðan? Ég sakna
orkunnar og minninganna. Annars
gef ég mér nú ekki mikinn tíma til
að sakna neins. Það breytir engu.
Pabbi sagði við mig rétt áður en
þetta skall á allt saman: „Maður
heldur alltaf áfram.“ Svo það er nú
mitt lífsmottó þessa dagana. Bara
að halda alltaf áfram, beint strik.
Hvað gerir þú helst þegar þú
sækir Ísland heim? Ég fer út í fisk-
búð, geng alltaf niður Lauga veginn,
leik við „bróður minn“, hundinn
hennar mömmu, Prins Ólafsson,
sem er chihuahua. Ég fer alltaf niður
í gítarskóla að heilsa upp á alla þar,
reyni að hitta sem flesta vini og
kíkja í Kringluna.
Svo finnst mér alltaf eitthvað við
að keyra til Hveragerðis og fara í
kaffi og köku. Ég drekk samt ekki
kaffi svo ég fæ mér bara kók og
köku eða vatn og köku. Það hljómar
bara ekki eins vel.
Mig hefur líka alltaf langað til að
prófa að fara í flugtíma úti á Reykja-
víkurflugvelli en hef ekki lagt í það
enn þá. Vindurinn er svo sterkur að
litlu vélarnar hljóta að vera eins og
fjaðrir þarna uppi. En veðrið á Ís-
landi er ansi ólíkt í háloftunum hér
í Los Angeles þar sem ég skelli
mér stundum í flug. Það er eitt það
skemmtilegasta sem ég geri fyrir
utan músíkina.
Hvernig upplifun er að hafa
búið svona lengi erlendis og
hvaða lærdóm hefur þú öðlast á
þessari reynslu? Það hefur verið
mikil blessun að fá að upplifa og
öðlast alla þá reynslu sem ég hef
fengið að njóta og aftur kem ég
að foreldrunum en ég hefði aldrei
fengið tækifæri eða kraft til að gera
neitt af þessu ef þau hefðu ekki
staðið við bakið á mér alla leið.
Ég var alltaf að fara fram og til
baka en tók loks þá ákvörðun að
vera hér alveg árið 2000. Ég held
að mitt stærsta vandamál sé að ég
dreg í raun aldrei lærdóm af neinu.
En ég er að reyna ad breyta því.
Einkalíf þitt hefur ratað ítrekað
í fjölmiðla undanfarið. Hefur það
reynst þér og þínum erfitt? Ég
fann það út snemma að það er
best að lesa bara ekkert um sjálfan
sig og ekki tékka á nafninu sínu á
Google. Svo að það hefur verið allt í
lagi fyrir mig en
það hefur verið
erf iðara fyr i r
mömmu. Ég hef
fengið helling
af bréfum frá
yndislegu fólki
sem hefur bara
viljað sýna mér
s tuðn ing og
hlýju á erfiðum
t ímum. Ég á
ekki orð yf ir
hvað það var
dásamlegt
að lesa hvert
einasta bréf.
Svo eru auðvi-
tað hinir, sem
þykir gaman að
tala illa um mig.
Ef þeir vilja vera
að eyða kröft-
um sínum, tíma
og sínu lífi í að
tala eða skrifa
illa um mig, þá
breytir það nákvæmlega engu fyrir
mig og ef það lætur þeim líða eitt-
hvað betur, þá vona ég bara að þeir
haldi því áfram. Ég vil bara að öllum
líði vel.
Stendur í skilnaði
Þú sóttir um skilnað við banda-
ríska athafnamanninn Cal Wort-
hington í desember árið 2011 sem
stendur enn yfir. Treystir þú þér að
ræða um skilnaðinn? Þetta hefur
vissulega verið mjög erfitt og er enn.
Ég má því miður ekki segja neitt fyrr
en skilnaðurinn er yfirstaðinn. Það
eru alltaf tvær hliðar á hverri sögu
og það er ekki alltaf allt sem sýnist.
Fannst þér þú fá óréttláta um-
fjöllun? Nei, í rauninni ekki. Miðað
við þær upplýsingar sem fólki voru
gefnar var þetta sennilega bara
alveg eðlilegt. Ég hefði sennilega
farið beint í að dæma þessa mann-
eskju (mig) líka undir sömu kringum-
stæðum.
Er eitthvað sem þú vildir hafa
gert öðruvísi? Já, ég vildi að ég
hefði gert það sem ég gerði í hvert
einasta skipti sem Cal bað mig um
að giftast sér á síðustu átta árum –
sagt nei.
Heldurðu að þú getir orðið ást-
fangin á ný? Verður maður ekki alltaf
ástfanginn á ný? Ég held ég sé orðin
það nú þegar.
Mömmuhlutverkið kitlar
En kitlar móðurhlutverkið þig? Já
reyndar. Það væri ótrúlegt að eignast
eitt lítið kríli en ég veit bara ekki hvort
ég gæti nokkurn tímann orðið alvöru
mamma. Allar þessar mömmur í
heiminum eru bara algjörar „wonder
women“ ef þú spyrð mig og ég held
að ég komist ekki með tærnar þar
sem þær hafa hælana á einn eða
annan hátt.
Hvar sérðu sjálfa þig eftir tíu ár?
Ég á í erfiðleikum með að sjá sjálfa
mig eftir eina viku, svo tíu ár eru því
miður ógerningur.
Áttu þér fyrirmynd sem þú lítur
upp til? Já, Búdda.
Heldurðu að þú flytjir einhvern
tímann aftur heim til Íslands?
Aldrei að segja aldrei.
Eitthvað að lokum? Gleðilega
páska!
Söngkonan Anna Mjöll og faðir hennar, tónlistarmaðurinn Ólafur Gaukur Þórhallsson, sem féll frá á hvítasunnudag í fyrra, átt-
ræður að aldri. MYND EINKASAFN
Ég vildi að ég
hefði gert sem
ég gerði í hvert
einasta skipti
sem Cal bað
mig um að gift-
ast sér á síð-
ustu átta árum
– sagt nei.
Framhald af síðu 8
Í VORLITUNUM YSL ERU FALLEGAR
SAMSETNINGAR AF APPELSÍNUGULUM OG
BLEIKUM ÁSAMT BRÚNUM OG GRÆNUM.
Hægt að blanda litunum saman vera með
2 neglur appelsínugular og 3 neglur bleikar
á hendinni og svo öfugt á hinni hendinni.
TERMA KYNNIR: