Fréttablaðið - 05.04.2012, Page 61

FIMMTUDAGUR 5. apríl 2012 41
NÚ Í FULLUM GANGI
FRÁ 5. TIL 29. APRÍL
OPIÐ ALLA DAGA FRÁ 11 TIL 18
ATH LOKAÐ Á FÖSTUDAGINN LANGA OG PÁSKADAG
GÍFURLEGT ÚRVAL AF ÖLLUM TEGUNDUM
TÓNLISTAR, HLJÓÐBÓKA OG DVD MYNDA
13 titlar BD limited extended editi
on
Ástralski leikarinn Liam Hems-
worth fer með hlutverk Gale
Hawthorne í kvikmyndinni
Hunger Games. Hann kveðst hafa
borðað lítið sem ekkert á meðan
hann bjó sig undir hlutverkið.
„Ég missti nokkur kíló fyrir
hlutverkið. Persónan sem ég leik
býr við fátækt og matarskort
og ég vildi kynnast því af eigin
raun hvernig það er að vera allt-
af svangur. Ég fór í líkamsrækt
sex sinnum í viku en borðaði lítið
sem ekkert. Á meðan á tökum
stóð borðaði ég aðeins eina mál-
tíð á dag,“ sagði leikarinn stima-
mjúki um undirbúninginn.
Borðaði eina máltíð á dag
BORÐAÐI LÍTIÐ Liam Hemsworth borð-
aði eina máltíð á dag á meðan á tökum
Hunger Games stóð. NORDICPHOTOS/GETTY
Leikkonan Mariska Hargitay,
sem margir þekkja úr sjónvarps-
þáttunum Law & Order: SVU,
segir ættleiðingu erfitt ferli að
ganga í gegnum. Hargitay og
eiginmaður hennar, Peter Her-
mann, eiga einn líffræðilegan
son og tvö ættleidd börn.
„Ég lýg því ekki, þetta er erf-
itt ferli og ég segi það hverjum
sem vill hlusta að ættleiðing sé
ekki fyrir viðkvæma.“
Hargitay og maður hennar
höfðu gengið í gegnum ættleið-
ingarferlið og áttu að ættleiða
barn frá Bandaríkjunum. Hjónin
höfðu hugsað um barnið í tvo
daga þegar blóðmóðirin hætti
við og fékk forræði yfir barninu
á ný. „Þetta var mjög sársauka-
fullt fyrir okkur en á sama tíma
gæfuríkt fyrir barnið,“ sagði
leikkonan.
Sársaukafullt
að ættleiða
ERFITT AÐ ÆTTLEIÐA Leikkonan Mariska
Hargitay segir erfitt að ganga í gegnum
ættleiðingarferli. NORDICPHOTOS/GETTY
„Kannski það verði páskaegg
númer 3 með í för, en Matti er í
einhverju kolvetnisátaki og ég
er alltaf á fullu í íþróttunum svo
það verður meira um harðfisk og
banana held ég,“ segir Ingó Veð-
urguð sem verður að spila út um
allt land með Matta Matt úr Pöp-
unum yfir páskahelgina.
Þessi samvinna er tilkomin
fyrir tilstilli Rokkabillýbands-
ins vinsæla sem er vant því að fá
stór nöfn til liðs við sig á tónleik-
um. Þetta verður í fyrsta skipti
sem Ingó og Matti syngja saman
á sviði og von er á fjölbreyttri
tónlist. „Þetta verður blanda af
lögum frá Veðurguðunum og
Pöpunum og svo bara alls konar
partí lög héðan og þaðan,“ segir
Ingó.
Strákarnir ætla að ferðast
þvert yfir landið og halda tón-
leika í Egilsbúð í Neskaupstað
eftir miðnætti á föstudaginn
langa, í Herðubreið á Seyðis-
firði á laugardaginn fyrir páska
og í Edinborgarhúsinu á Ísafirði
á páskadag. „Þetta verður svo-
lítið mikil keyrsla, sérstaklega á
sunnudag þegar við keyrum frá
Egilsstöðum á Ísafjörð, en menn
verða bara að drífa sig á fætur
snemma,“ segir Ingó, sem reiknar
ekki með mikið meira en fjögurra
tíma svefni þá nótt í besta falli.
„Ég er ekki mjög góður bílstjóri
sjálfur svo ætli ég láti ekki gömlu
jaxlana sjá um aksturinn og ég
hvíli mig bara aftur í á meðan,“
bætir hann við. - trs
Páskatónleikar þvert um landið
SAMAN Á SVIÐ Þeir Ingó
Veðurguð og Matti Papi
hafa aldrei sungið saman á
tónleikum, en ætla að gera
breytingu þar á um
páskahelgina.