Heimilisritið - 01.02.1951, Blaðsíða 27
CYD CHARISSE —
KIRK DOUGLAS
Sp.: i. Kæra Eva. Geturðu ekki gef-
ið mér heimilisfang og einhverjar upp-
lýsingar um kvikmyndaleikarana Cyd
Charisse og Kirk Douglas?
2. Hvernig er skriftin?
Þ. S.
Sv.: i. Cyd Charisse vinnur hjá
Metro-Goldwyn-Meyer í Hollywood,
California. Hún er 29 ára gömul ballett-
stjarna, brúneyg og dökkhærð. Hún er
fædd í Texas, gift og á eitt barn. Mynd
af henni kom á forsíðu Heimilisritsins
í fyrrasumar.
Kirk Douglas vinnur hjá Paramount
Pictures í Hollywood og hefur aflað sér
mikilla vinsælda að undanförnu, m. a.
fyrir leik sinn í kvikmyndinni „The
Strange Love of Martha Ivers“. Hann
er fæddur í New York fylki 9. des.
1916. Hann á eitt barn með konu sinni
Diana Dill, er græneygur og ljóshærð-
ur.
2. Stafagerðin er góð, en skriftin er
ekki áferðarfalleg; gæti orðið betri með
æfingu.
SVÖR TIL ÝMSRA
Til „Óhamingjusamrar': — Þú ert
átján ára og segir: „Ég elska hann svo
heitt. Ef ég fæ hann ekki, ætla ég aldrei
að líta við öðrum karlmönnum". Heilaga
einfeldni! Skrifaðu mér aftur eftir nokk-
ur ár, ög ég þori að ábyrgjast að þú ert
hvorki orðin nunna né neitt þvílíkt.
Annars er það furðulegt, hvað margir
íslenzkir karlmenn eru feimnir við að
bjóða stúlkum út, þó að þeir dansi við
þær á böllum og fylgi þeim hejm á
eftir, oft og mörgum sinnum þeirri
sömu. Það er eðlilegt að þú sért hissa
á þessu framferði hans. En ætli að hann
setji ekki bráðum í sig kjark.
Til „Yfirgefinnar': — Þetta er gamla
sagan. Piltur og stúlka draga sig sam-
an. Pilturinn kynnist annarri stúlku, sem
hann laðast mjög að, einhverra hluta
vegna, og hættir að umgangast fyrri
vinkonu sína. Eða þá að stúlkan kynn-
ist öðrum pilti o. s. frv. Þótt að þetta
falli oft hinum aðiljanum þungt, þá
hefur aldrei verið hægt að sporna við
slíku, og verður sennilega ekki. Þú yrð-
ir heppin ef þú eignaðist fljótlega nýj-
an vin, sem gæti komið í stað hins.
Til „Veru': — Þakka þér fyrir góð
orð í minn garð. Því miður get ég ekki
orðið við bón þinni um manninn, sem
þú nefnir. Kvæðið þitt er fallegt, en
rímgallar eru svo margir, að ekki verður
hægt að birta það.
Til „Þungt hugsandi": — Þessi kven-
maður er sjálfselsk og ósvífin — mér
liggur við að segja: ótukt. Og pilturinn
elskar áreiðanlega þig, en ekki hana, að
því er mér skilst af frásögn þinni. Þessi
kvensnipt er Iíka sjálfsagt ekki eftir-
sóknarverð eiginkona, fremur en eigin-
gjamar stúlkur em yfirleitt. Það eitt vil
ég segja þér, að hvað svo sem hæft
kann að vera í staðhæfingum stúlkunn-
HEIMILISRITIÐ
25