Heimilisritið - 01.08.1958, Blaðsíða 16

lingar voru barÖir, sparkað í þá,
kuldanum og hungrinu og ósegj-
anlegum óþrifnaði og mann-
vonzku starfsliðsins. Sömuleiðis
lýsti hún timburklefunum, sem
sjúklingum var fleygt inn í tím-
unum saman ef þeir höguðu sér
illa.
Niðurstaðan af lýsingum henn-
ar var sú, að fyrirskipuð var opin-
ber rannsókn og stóðst frásögn
hennar í einu og öllu. Forstjóra
geðveikrahælisins var vísað úr
starfi og þremur milljónum doll-
ara var varið til endurbóta á hæl-
inu. Nellie Bly fékk atvinnu sem
blaðamaður.
Hún hét réttu nafni Elizabeth
Cochrane, en ástæðan til þess að
hún leyndi hinu rétta nafni sínu,
var sú, að fæðingarbær hennar,
Cochrane Mills, hafði verið skírð-
ur eftir föður hennar, sem var
mikilsvirtur dómari á staðnum.
Hinir virðulegu borgarar þar
hefðu aldrei getað þolað það, að
Elizabeth litla gerðist blaðamað
og skrifaði í blöðin.
Hún hafði byrjað blaða-
mennskuferil sinn sextán ára að
aldri með því að skrifa svo æsi-
legt bréf til ritstjóra blaðs eins í
Pittsburgh, að hann bauð henni
starf þegar í stað. Hún vann þar
í fjögur ár, en lagði síðan af stað
með 100 dollara í vasanum til
þess að freista gæfunnar í New
York og verða sér úti um blaða-
mennskustarf þar.
Aður en henni tókst loks að fá
áheyrn hjá Pulitzer, hafði veski
hennar með öllum peningunum
verið stolið, og ef hún hefði ekki
fengið þessa vinnu, hefði hún
staðið uppi auralaus og atvinnu-
laus í stórborginni.
Eftir dvöl sína á geðveikra-
hælinu varð hún einn helzti
blaðamaður við The World og
alltaf var það eitthvað spenn-
andi, sem hún fékkst við og skrif-
aði um. 1 októbermánuði árið
1889 sendi Pulitzer hana út af
örkinni í ferðalag, sem gerði hana
heimsfræga.
Franski rithöfundurinn Jules
Verne hafði skrifað bókina ,,Um-
hverfis jörðina á áttatíu dögum“
og var hún metsölubók um þess-
ar mundir. (Bókin hefur nú ver-
ið kvikmynduð, var það Mike
Todd, sem gerði hana og hefur
hún hlotið Oscars-verðlaunin).
! bókinni er sagt frá Englend-
ingi einum, Phileas Fogg, sem
fer umhverfis jörðina á áttatiu
dögum, en það var talið ótrúlega
stuttur tími á þeim árum. Notar
hann alla þá farkosti, sem um er
að velja og lendir í margs kon-
ar mannraunum og ævintýrum.
Pulitzer leit þannig á málið, að
úr því að tilbúin skáldsagnaper-
sóna gæti gert þetta, þá ætti
14
HEIMILISRITIÐ