Læknablaðið - 15.02.1993, Blaðsíða 40

82
LÆKNABLAÐIÐ
* Meðferð með blóðþynningarlyfjum.
- Aðrir lífshættulegir sjúkdómar.
- Fyrri þátttaka í rannsókninni.
Nákvæmum upplýsingum var safnað af
læknum og hjúkrunarfólki hjartadeilda
Borgarspítala, Fjórðungssjúkrahússins
Akureyri, Landakotsspítala og Landspftala 18.
febrúar til 25. ágúst 1989 um þá sjúklinga sem
uppfylltu skilmerki rannsóknarinnar. Jafnframt
var haldin skrá yfir alla sjúklinga, sem
lögðust inn á sjúkrahúsin fjögur, með sterkan
klínískan grun um bráða kransæðastíflu en
voru ekki teknir inn í alþjóðlegu rannsóknina.
í rannsókninni, sem hér er fjallað um, eru
þátttakendur bæði þeir sem fengu inngöngu í
alþjóðlegu rannsóknina og hinir sem hafnað
var en þóttu hafa bráða kransæðastíflu.
Skráð voru aldur, kyn og ástæða þess að
segaleysandi meðferð var ekki beitt, einnig
voru könnuð tengsl meðferðar við kynferði og
vistun á sjúkrahúsunum fjórum.
Við tölfræðiútreikninga á meðferðarmun milli
kynja var aldursstaðlað í hópana yngri en 60
ára, 60 til 69 ára, 70 til 79 ára og 80 ára og
eldri. Beitt var Mantel-Haenzel aðferð við
útreikninga og aldursstöðlun. Borin var saman
meðferð á sjúkrahúsunum fjórum með »log-
linear« líkönum, með og án aldursstöðlunar.
NIÐURSTÖÐUR
Sjúklingar í rannsókninni voru 175, 122 karlar
og 53 konur (tafla). Aldur þeirra var 25 til 100
ár, meðalaldur 67 ár. Segaleysandi meðferð
fengu 45 (25,7%) en 130 ekki (74,3%).
Segaleysandi meðferð var ekki beitt vegna
frábendinga í 33% tilvika, vegna óvissrar
greiningar í 28,5% og vegna of langs tíma
frá einkennum til komu á sjúkrahús í 38,5%
(mynd 1).
Allir sjúklingarnir að undanskildum einum
höfðu bráða kransæðastíflu samkvæmt
mælingum hvata (kreatínkínasa) eða
niðurstöðu krufninga. Einn sjúklingur hafði
gollurshússbólgu, en hann var við komu talinn
með bráða kransæðastíflu, var tekinn inn í
erlendu rannsóknina og fékk segaleysandi
meðferð. Þannig reyndust allir sjúklingarnir
sem ekki fengu segaleysandi meðferð vegna
óvissrar greiningar hafa bráða kransæðastíflu.
Karlar voru 69,7% og konur 30,3%. Af þeim
sem fengu segaleysandi meðferð voru karlar
Table. Cliaracteristics of the patients and therapy.
Men Women Total
n (%) n (%) n (%)
All patients ... 122 (69.7)53 (30.3)175
Confirmed myocardial
infarction ... 121 53 174
Age (years) ... 29-100 25-99 25-100
Mean age (years) 65 72 67
Received thrombolytic
therapy...... 35 (28.7)10 (18.9) 45 (25.7)
No thrombolytic
therapy...... 87 (71.3)43 (81.1)130 (74.3)
Figurc 1. Reasons for not administering thrombolytic
therapy.
No. of patients
□ Thrombolytic therapy I No thrombolytic therapy
Figure 2. Thrombolytic therapy in relation lo age.