Læknablaðið - 15.08.1994, Síða 6

218
LÆKNABLAÐIÐ 1994; 80
Ritstjórnargrein
Nýtt Læknablað
Læknablaðið og Fréttabréf lækna hafa nú
verið sameinuð í eitt blað, Læknablaðið. Jafn-
framt er blaðið nú sett, prentað og því dreift frá
prentsmiðju á íslandi, en blaðið var áður unnið
í Danmörku, í samvinnu við útgáfu danska
læknablaðsins. Með þessu móti verður útgáfa
blaðsins hagkvæmari og útkomutími reglu-
legri. Fyrst um sinn mun blaðið koma mánað-
arlega eins og verið hefur með Fréttabréfið en
vel er hugsanlegt að síðar fjölgi eintökum á ári.
Flutningur blaðsins heim þýðir aukna vinnu
við gerð þess hér á landi og gæti komið í ljós að
meiri mannafla þurfi við blaðið og verður tekin
afstaða til þess þegar frekari reynsla hefur
fengist af breytingunni.
Litlar breytingar verða á skipan efnis í blað-
inu frá því sem verið hefur. Efni eins og birst
hefur áður í Læknablaðinu verður að jafnaði
framar í blaðinu en efni eins og áður kom í
Fréttabréfi. Efnisyfirlit birtist yfir allt efni á
fyrstu síðum. Að öðru leyti verða ekki stór-
tækar breytingar á hönnun blaðsins. Saman-
burður á kostnaði við gerð Fréttabréfsins og
Læknablaðsins sýndi á síðustu misserum að
framleiðsla blaðsins yrði hagkvæmari hér á
landi en í Danmörku. Því var leitað tilboða í
prentun og frágang blaðsins og ákveðið að
breyta sem minnst um útlit og skipan. Fjögur
tilboð bárust og var ákveðið að taka því lægsta
frá G. Ben. prentstofu hf., sem hingað til hefur
sett og prentað Fréttabréfið. Nýhönnun
Læknablaðsins mun bíða um sinn en hugsað
verður til þess þegar full tök hafa fengist á
sameiningu blaðanna og prentun þeirra hér á
landi. Umræður um breytt útlit blaðsins, stærð
og hversu oft það kemur úr eru þó ávallt við
borð ritstjórnar. Af ofansögðu er þó ljóst að nú
virðist stærð og gerð blaðsins hagkvæm og erf-
itt að finna önnur en tilfinningaleg rök fyrir
róttækum breytingum þar á.
í síðasta tölublaði Fréttabréfsins birtust leið-
beiningar til höfunda um ritun fræðilegra
greina til birtingar í Læknablaðinu. í inngangi
er upptalning efnis sem Læknablaðið óskar eft-
ir að birta og er ekki þörf á að telja það upp hér
að nýju. Rétt er þó að vekja athygli á að fræði-
legar greinar á sviði líffræði hafa ekki verið
margar í Læknablaðinu á síðustu árum en er
það þó einlægur vilji ritstjórnar að þar verði
breyting á. Það er trú mín að birting fræðilegra
greina á sviði líffræði, lyfjafræði og annarra
grunngreina sé lesendum Læknablaðsins kær-
komin. Birting slíkra greina mun einnig hafi
mikla þýðingu fyrir þá sem stunda rannsóknir á
þessum sviðum, því þannig verður ljóst að slík-
um rannsóknum er sinnt hér af krafti þrátt fyrir
erfiðar aðstæður. I þessu sambandi er rétt að
minna á umfjöllun um tvíbirtingu í ofannefnd-
um leiðbeiningum.
Yfirlitsgreinar hafa ekki verið margar í
Læknablaðinu. Góðar yfirlitsgreinar eru einn-
ig fátíðar í erlendum læknablöðum enda liggur
mikil vinna að baki þeirra. Svokallaðar
fræðslugreinar eru ef til vill kostur sem benda
mætti höfundum á. Þær eru að jafnaði styttri og
fjalla um afmarkaðra efni, oft einhverjar nýj-
ungar sem kynna þarf læknum í öðrum sér-
greinum, einkanlega þar sem samvinnu er þörf
um aðgerðir og meðferð.
Læknablaðið mun eftir sem áður birta efni
er varða félagsmál lækna almennt, staðbundin
eða sérgreinabundin. Það á einnig við um
hagsmuna- og áhugamál lækna og annarra heil-
brigðisstétta og almenna umræðu um heil-
brigðis- og tryggingamál. Minnt skal á að
Læknablaðið og Fréttabréfið hafa ætíð verið
opin fyrir skrifum annarra en lækna einna og er
engin breyting þar á. Athugasemdum og skoð-
anaskiptum um birt efni í blaðinu er fagnað af
ritstjórn.
Að lokum óska ég læknum til hamingju með
stærra og vonandi öflugra blað eftir breyting-
una. Framtíð blaðsins ræðst af áhuga og þörf
lækna á blaðinu. Ef þeir lesa blaðið og skrifa í
það mun ritstjórn leitast við að gera það áfram
ákjósanlegan vettvang fyrir hugarsmíð lækna.
Vilhjálmur Rafnsson,
ritstjóri og ábyrgðarmaður Læknablaðsins