Læknablaðið - 15.04.1998, Blaðsíða 58

324
LÆKNABLAÐIÐ 1998; 84
þessu sviði, hér eru framkvæmd-
ar um 60% fleiri slíkar aðgerðir
en til dæmis í Noregi en Norð-
menn koma þó næst okkur af
Norðurlandaþjóðum í þessum
efnum. Þannig verðum við
áfram meðal þeirra fremstu í
heimi og langt á undan hinum
Norðurlandaþjóðunum þrátt fyr-
ir 10% samdrátt.
Stöndum illa varðandi
bráðalækningar
A hinn bóginn stöndum við
illa hvað varðar bráðalækningar.
Þar erum við ekki að gera eins
góða hluti og við ættum að gera
og alls ekki svipað því sem við
gerum í hjartalækningum. Sjúk-
lingar eru oft lagðir inn á ganga
og fá þá í raun mun minni
lækningu og hjúkrun heldur en
ætti að vera. í mörgum tilfellum
eru sjúklingar einnig sendir
heim fyrr en æskilegt er og er
hætt við að það geti leitt til
endurinnlagna. Þess vegna er
alls ekkert svigrúm til að þreng-
ja að bráðalækningum og því
lendir niðurskurðurinn
óhjákvæmilega á valaðgerðum."
En minni rekstrarframlög eru
ekki eina vandamálið sem Land-
spítalinn á við að glíma, heldur
einnig skuldahali frá fyrri árum
sem Þorvaldur Veigar telur ekki
síður alvarlega. „Auk boðaðs
niðurskurðar hvílir gömul skuld
á spítalanum upp á 350 milljón-
ir. Þessa skuld verður ríkið að
greiða á endanum og öllu skyn-
samlegra að gera það sem fyrst í
stað þess að sitja einnig uppi
með tugi milljóna í dráttarvexti.
Verði ekkert að gert geta afleið-
ingarnar hins vegar orðið mjög
alvarlegar, spítalinn getur ekki
staðið við skuldbindingar sínar
og þá kæmi að því að hann fengi
ekki afgreiddar vörur.“
Þorvaldur Veigar taldi að oft
mætti bregðast við vandamálum
sem koma til kasta heilbrigðis-
þjónustunnar á annan máta en nú
er gert og leita annars konar og
skynsamlegri lausna. Til dæmis
sitja bráðasjúkrahúsin uppi með
ýmis vandamál sem leysa ætti á
öðrum vettvangi, þar má
sérstaklega nefna úrlausnir fyrir
aldraða og fatlaða einstaklinga.
Astæðan væri sú að stoðhjálpin
væri ekki fyrir hendi. En væri
þessum félagslegu vandamálum
sinnt á öðrum vettvangi þá
myndi það létta ntjög á bráða-
þjónustunni. Það vantaði mjög
að heilbrigðis- og félagsmála-
stofnanir ynnu meira og betur
saman.
Nýjungar kosta
óhjákvæmilega sitt
Þá er greiðsluformið sem rík-
isspítalar búa við, það er föst
fjárlög, vandamál að mati Þor-
valdar Veigars. „Það má nefna
dæmi um aðgerðir sem við höf-
um ekki getað sinnt og sjúkling-
ar því þurft að leita til útlanda, í
slíkum tilvikum greiðir Trygg-
ingastofnun aðgerðina að fullu
fyrir hvern sjúkling. Ef aðgerð-
irnar eru fluttar heim þá hættir
TR að greiða fyrir þær en spítal-
inn fær ákveðna greiðslu á fjár-
lögum sem breytist ekki með
breyttum aðgerðafjölda. Á
Landspítalanum hefur verið tek-
in upp ýmiss konar ný þjónusta.
I upphafi er henni ætlað ákveðið
fjármagn og þó svo hún aukist
eftir því sem fram líða stundir
helst fjármagnið sem ætlað er til
starfseminnar óbreytt.
Að mati Þorvaldar Veigars
skortir einnig á að pólitískir
ráðamenn sýni skilning á því að
framþróun innan læknisfræðinn-
ar kostar sitt. Ekki hefur þýtt að
sækja um fjármagn til að taka
UPP nÝja starfsemi. Fram-
kvæmdin hefur orðið sú að starf-
semin hefur engu að síður verið
tekin upp og reynt að sækja fjár-
magn seinna, þetta ætla stjórn-
völd sér hins vegar að stöðva
núna. Hvað það mun þýða í bráð
og lengd fyrir spítalann, þróun
læknisfræðinnar og heilbrigðis-
þjónustunnar í landinu er óger-
legt að setja nákvæmlega fram
hér og nú.
-bþ-
Úthlutun vísindastyrkja voriö 1998 úr
vísindasjóði Félags íslenskra heimilislækna
Umsóknir um vísindastyrki fyrir vorúthlutun 1998 þurfa aö berast sjóönum
fyrir 15. maí næstkomandi.
Eins og áöur njóta rannsóknir úr efniviöi heilsugæslunnar forgangs. Um-
sóknum ásamt rannsóknar- og fjárhagsáætlun þarf aö skila á þar til gerö-
um eyöublöðum sem fást hjá ritara Heimilislæknisfræði, læknadeildar Há-
skóla íslands í Sóltúni, sími: 525 4956, bréfsími: 562 2013, ásamt rann-
sóknar- og fjárhagsáætlun.
Vísindasjóöur FÍH