Læknablaðið - 15.04.1998, Blaðsíða 27

LÆKNABLAÐIÐ 1998; 84
295
Sameiginlegt ársþing
Skurðlæknafélags íslands og
Svæfinga- og gjörgæslulæknafélags íslands
16. og 17. apríl 1998, Hótel Loftleiðir
Ágrip erinda og veggspjalda
E-01. Notkun tauganets til greiningar á
botnlangabólgu
Snorri Björnsson', Jón Atli Benediktsson1 2 3 4 5 6 7, Jónas
Magnússon'
Frá 'liandlœkningadeild Landspítalans, 2verk-
frœðideild Háskóla Islands
Inngangur: Bráð botnlangabólga er algengasta
ástæða bráðrar kviðarholsaðgerðar. Um 70-80%
botnlanga eru bólgnir við botnlangatöku.
Röð einkenna sem kemur fram í bráðri botn-
langabólgu er: l)sársauki, 2)lystarleysi, ógleði og
uppköst, 3)verkur yfir botnlangastað og 4)hiti.
Hætta á fylgikvillum við botnlangatöku er um
5% í sjúklingum með órofinn botnlanga en 30% í
sjúklingum með sprunginn botnlanga.
Markmið þessarar rannsóknar var að hanna
tölvuforrit sem getur hjálpað við að vinna úr þeim
upplýsingum sem koma fram í skoðun og blóðrann-
sóknum á sjúklingi sem grunur léki á að væri með
botnlangabólgu.
Efniviður og aðferðir: Upplýsingar voru teknar
úr 200 sjúkraskrám hjá einstaklingum sem gengist
höfðu undir bráða botnlangatöku. Síðan var sjúk-
lingum skipt í tvo jafna hópa, hóp l sem var með
botnlangabólgu og hóp 2 sem var ekki með botn-
langabólgu.
Merkt var við hvort sjúklingur væri með ein-
kenni sem ákveðið var að leita eftir í sjúkraskrám
þeirra. Einkennin voru þessi:
A) Huglœg: B) Hlutlteg: C) Próffrá rann-
sóknarstofu:
1) Lengd sögu 1) Bein eymsli 1) CRP
2) Kveisuverkur 2) Óbein eymsli 2) Hvít blóðkorn
3) Færsla á sársauka 3) Sleppieymsli 3) Deilitalning
4) Ógleði 4) Vöðvavöm
5) Niðurgangur 5) Psoas merki
6) Uppköst 6) Eymsli við
endaþarmsskoðun
7) Hiti
Útkomur voru settar inn í tölvuforrit sem er í
raun gervitauganet. Það samanstendur af úrvinnslu-
einingum sem líkjast taugafrumum í taugavefi í lík-
ama okkar. Forritið leggur svo allar innkomnar
upplýsingar saman og gefur upp hvort það metur
viðkomandi með botnlangabólgu eða ekki.
Niðurstöður: Próf frá rannsóknarstofu voru öll
með mikinn hlutfallslegan mun milli hópa, um og
yfir 2. Einnig var færsla á sársauka (2,54), vöðva-
vörn (2,35) og uppköst (2,05) með mikinn hlut-
fallslegan mun. Af ofantöldum einkennum var ein-
ungis færsla á sársauka (77%) og hvít blóðkorn
(82%) með hátt forspárgildi jákvæðs prófs. Kveisu-
verkur (97%), bein eymsli (95%), sleppieymsli
(88%) og lengd sögu (85%) voru einnig með há
forspárgildi jákvæðs prófs. Gildi fyrir næmi voru á
bilinu 50-75% og fyrir sértæki 2-84%.
Umræða: Greiningarhæfni tölvuforritsins er
70% í dag ef óþekkt gögn eru keyrð í gegn. Forritið
verður keyrt í nokkurn tíma til að fá betri gagna-
grunn, það er sjúkraskrár verða vistaðar. Vonast er
til að greiningarhæfni aukist nokkuð og verði til
jafns eða betri en sérfræðinga.
E-02. Ristilkrabbamein á íslandi 1955-
1989. Afturskyggn rannsókn á Dukes
flokkun og þroskunargráðu kirtil-
krabbameina
Lárus Jónasson', Jónas Hallgrímsson', Ásgeir
Theódórs2, Þorvaldur Jónsson ', Jónas Magnússotd
Jón G. Jónasson'
Frá 'Rannsóknastofu Háskólans í meinafrœði, 'lyf-
og ’handlcekningadeildum Sjúkrahúss Reykjavíkur,
'handlœkningadeild Landspítalans
Inngangur: Tilgangur þessarar rannsóknar var
að endurskoða öll kirtilkrabbamein (adenocarcin-
omas) á tímabilinu 1955-1989 og meta þroskunar-
gráðu og Dukes flokkun í tengslum við staðsetn-
ingar innan ristilsins.