Læknablaðið - 15.03.1999, Síða 65

LÆKNABLAÐIÐ 1999; 85
247
yfir í 100 daga en á þeim tíma
geta eldri borgarar haldið dag-
bók yfir það hversu mikið þeir
hreyfa sig og keppt sín á milli
ef þeir vilja.
Það sem snýr að fagfólki er
að stofnað hefur verið tímarit
um öldrunarfræði og kemur
fyrsta tölublaðið út á næstu
vikum. Einnig verður hafið
átak til að efla heilsu þeirra
sem búa á dvalar- og hjúkrun-
arheimilum fyrir aldraða. Um
þennan hóp er lítið rætt. Það
er mikið rætt um þá sem eru
að bíða eftir plássi á þessum
heimilum en eftir að þeir eru
komnir þangað er ekki mikið
talað um þá. Heimilin eru af
öllum stærðum og gerðum og
sum þeirra hafa ekki mjög
sterkan faglegan grunn. Rann-
sóknir hafa sýnt að á sumum
þeirra er næringarframboð
ekki í takt við það sem menn
vita best. Gert verður átak í
því að fá starfsfólk þessara
heimila til að stuðla að auk-
inni hreyfingu íbúanna en hún
er árangursríkust í baráttunni
gegn beinþynningu og fleiri
sjúkdómum.
Við þetta má bæta að Slysa-
varnafélagið hefur gefið út
bækling um forvamir gegn
byltum og slysum og sjúkra-
þjálfarar hafa gefið út leið-
beiningar og upplýsingar fyrir
aðstandendur þeirra sem eru
með heilabilun. Þetta tengist
hvort tveggja Ári aldraðra
þótt frumkvæðið komi annars
staðar frá.“
Enginn áhugi á
endurmenntun
Af öðrum verkefnum en
þeim sem snúa að heilbrigðis-
málum nefndi Jón að ákveðið
hefði verið að efna til tölvu-
námskeiða fyrir eldri borgara
þeim að kostnaðarlausu. Því
var beint til samtaka eldri borg-
ara að standa fyrir þessum
námskeiðum og reyndist
áhuginn á þeim sem haldin
hafa verið svo mikill að ekki
verður aftur snúið með þau.
Þá er búið að semja við
Félagsvísindastofnun Háskóla
Islands um að gera úttekt á
högum eldri borgara, bæði fé-
lagslegum og efnahagslegum.
Hún mun að mestu byggjast á
fyrirliggjandi gögnum sem tek-
in verða saman en ef þörf kref-
ur verður einhverjum rann-
sóknum bætt við og er ætlunin
að niðurstöður liggi fyrir áður
en árið er liðið.
Loks má nefna að haldnir
verða fundir um málefni eldri
borgara í öllum kjördæmum
og var sá fyrsti haldinn í
Reykjavík í janúar og sprengdi
utan af sér húsnæðið. Þá hafa
verið gerðir útvarpsþættir um
hagi aldraðra sem útvarpað er
á Rás 1.
Jón sagði að læknasamtök-
in væru ekki formlegur aðili
að Ári aldraðra en þau hefðu
þó beitt sér fyrir því að Trygg-
ingastofnun ríkisins greiddi
fyrir mælingar á beinþynningu
en nú þarf fólk að greiða þær
fullu verði. Kvaðst hann eiga
von á því að ráðherra tæki vel
í þá ósk þótt niðurstaða væri
ekki fengin enn.
Hann bætti því við að fram-
kvæmdastjórnin hefði leitað
eftir samstarfi við Mennta-
málaráðuneytið en þar á bæ
hefði ekki reynst vera áhugi á
að taka þátt í því. „Mennta-
málaráðuneytið hefur nýlega
látið gera skýrslu um endur-
menntun en hún einskorðast
við þarfir vinnumarkaðarins
þannig að um leið og honum
sleppir deyr áhugi ráðuneytis-
ins út. Við höfum reynt að
vekja áhuga ráðuneytisins á
endurmenntun fyrir aldraða
en það hefur ekki tekist hing-
að til,“ sagði Jón Snædal að
lokum.
-ÞH
Páll Þórðarson kvaddur
Á fundi sínum þann 15. febrúar síðastliðinn kvaddi ritstjórn
Læknablaðsins Pál Þórðarson fráfarandi framkvæmdastjóra
læknafélaganna og þakkaði áralangt samstarf. Vilhjálmur Rafns-
son ábyrgðarmaður Læknablaðsins færði Páli bókargjöf af því
tilefni og er myndin tekin við það tækifæri.