Læknablaðið - 15.03.1999, Side 69

LÆKNABLAÐIÐ 1999; 85
251
Verkefni mitt er að láta sjúkrahúsin vinna
vel saman, koma á samvinnu á sumum
sviðum en verkaskiptingu á öðrum
- segir Magnús Pétursson forstjóri Ríkisspítalanna og
Sjúkrahúss Reykjavíkur
Magnús Pétursson forstjóri Ríkisspítalanna og Sjúkrahúss Reykja-
víkur. Mynd: Halldór K. Valdimarsson.
Magnús Pétursson tók um
síðustu áramót við starfi
forstjóra Ríkisspítalanna og
varð um leið forstjóri
Sjúkrahúss Reykjavíkur í
krafti samnings um yfirtöku
ríkisins á stofnuninni sem
gerður var í desember. Með
þessu er orðin til ný og afar
valdamikil staða því undir
forstjórann heyra nú á
fimmta þúsund starfsmenn.
Að sjálfsögðu hljóta þessi
tíðindi að kalla á spurningar
og vangaveltur um það hvort
þessum fyrrverandi ráðu-
neytisstjóra úr Fjármála-
ráðuneytinu sé ætlað að sam-
eina stóru sjúkrahúsin tvö.
Læknablaðið tók Magnús
Pétursson tali og spurði fyrst
hvaða veganesti nýi forstjór-
inn hefði fengið úr hendi heil-
brigðisráðherra þegar hann
var ráðinn til starfans.
„Það er aðallega sá samn-
ingur sem ríkið og Reykjavík-
urborg gerðu með sér 17. des-
ember. Samkvæmt honum
tekur ríkið við ábyrgð á rekstri
Sjúkrahúss Reykjavíkur. Hins
vegar segir ekkert í þeim
samningi hvemig það á að
gerast. Að öðru leyti hef ég
ekki mikið veganesti, hvorki
pólitískt né einhver fyrirmæli
frá ráðherra umfram þetta.“
- Þú hefur þá ekki fengið þá
dagskipun að sameina sjúkra-
húsin?
„Nei og maður getur svo
sem velt því fyrir sér hvað
felst í þessum orðum: að sam-
eina. Það liggur fyrir að sami
vinnuveitandi, ríkið, rekur
þessar tvær stofnanir og það
eitt og sér er gríðarleg breyt-
ing. Það þýðir að í næstu
kjarasamningum verður það
einn aðili sem semur við allar
þær stéttir sem á sjúkrahúsun-
um vinna en þær munu vera
um 40 talsins.“
Ekki hvar heldur hvað
gert er
- I viðtali við Morgunblað-
ið sagðirðu að þessi tvö
sjúkrahús yrðu seint sameinuð
því þau myndu áfram starfa á
tveimur stöðum. En hver er
framtíðarsýn þessara stofnana?
„Eins og er starfa sjúkra-
húsin hvort undir sinni stjórn
og þannig verður það í það
minnsta út þetta ár eða þar til
annað verður ákveðið. Á með-
an er verkefnið að láta þessar
tvær stofnanir vinna eins vel
og hægt er. Það verður sam-
vinna um sumt, verkaskipting
á öðrum sviðum og sumir
þættir kunna að verða samein-
aðir á einum stað.“
- En sérðu fyrir þér að ráð-
ist verði í að byggja nýtt
sjúkrahús þar sem þessar eldri
stofnanir verða sameinaðar?
„Um það er erfitt að segja,
en á hitt ber að líta að við höf-